വൈക്കം: മഹാദേവ ക്ഷേത്രത്തിന്റെ പടിഞ്ഞാറെ ഗോപുരത്തിൽ നിന്ന് തെക്കേ നടയിലേക്കുള്ള വളവിന് സമീപം റോഡരി കിലെ സ്വകാര്യ വ്യക്തിയുടെ മതിൽ അപകട ഭീഷണിയാകുന്നു. മതിലിന്റെ ഒരുഭാഗം തകർന്ന് വിള്ളൽ വീണ് റോഡിലേക്ക് ചെരിഞ്ഞ നിലയിലാണ്. മതിലിന് സമീപത്തുകൂടി നൂറുകണക്കിന് കാൽനടയാത്രക്കാരാണ് കടന്നുപോകുന്നത്. മഴ ശക്തമായതോടെ മതിൽ ഏതുനിമിഷവും റോഡിലേക്ക് മറിയുമെന്ന സ്ഥിതിയാണ്.
റോഡിന്റെ ഈ ഭാഗത്ത് വെള്ളം ഒഴുകിപ്പോകാൻ ഓടയില്ല. മഴക്കാലത്ത് വെള്ളം ശക്തമായി ഒഴുകുന്നത് മതിലിനോട് ചേർന്നാണ്. ഇത് അപകട ഭീഷണി ഉയർത്തുന്നുണ്ട്. വിഷയത്തിൽ അധികൃതർ നടപടി സ്വീകരിക്കണമെന്നാണ് നാട്ടുകാരുടെ ആവശ്യം.
Tags : nattu vishesham Collapsed poses a threat