11

ക​ണ്ണൂ​ര്‍: കോ​ട​തി ത​ട​വി​ന് ശി​ക്ഷി​ച്ച​യാ​ളു​ടെ സ്ഥാ​നാ​ര്‍​ഥി​ത്വം റ​ദ്ദാ​ക്കാ​ത്ത വ​ര​ണാ​ധി​കാ​രി​ക്കെ​തി​രേ ന​ട​പ​ടി വേ​ണ​മെ​ന്ന് തെ​ര​ഞ്ഞെ​ടു​പ്പ് ക​മ്മീ​ഷ​ന് പ​രാ​തി. സ​ത്യ​പ്ര​തി​ജ്ഞ​യ്ക്കാ​യി പ​രോ​ളി​ല്‍ ഇ​റ​ങ്ങി​യ പ​യ്യ​ന്നൂ​ര്‍ ന​ഗ​ര​സ​ഭ​യി​ലെ 46ാം വാ​ര്‍​ഡ് ഡി​വി​ഷ​നി​ലെ വി.​കെ. നി​ഷാ​ദി​ന്‍റെ വി​ജ​യം അ​സാ​ധു​വാ​ക്ക ണ​മെ​ന്നാ​വ​ശ്യ​പ്പെ​ട്ട് ഹൈ​ക്കോ​ട​തി അ​ഭി​ഭാ​ഷ​ക​ന്‍ കു​ള​ത്തൂ​ര്‍ ജ​യ്‌​സിം​ഗ് ആ​ണ് തെ​ര​ഞ്ഞെ​ടു​പ്പ് ക​മ്മീ​ഷ​ന് പ​രാ​തി ന​ല്കി​യ​ത്.

പോ​ലീ​സി​നെ ആ​ക്ര​മി​ച്ച കേ​സി​ല്‍ ത​ളി​പ്പ​റ​മ്പ് സെ​ഷ​ന്‍​സ് കോ​ട​തി 20 വ​ര്‍​ഷം ത​ട​വി​ന് ശി​ക്ഷി​ച്ച നി​ഷാ​ദി​ന്‍റെ സ്ഥാ​നാ​ര്‍​ഥി​ത്വം എ​ന്ത​ടി​സ്ഥാ​ന​ത്തി​ലാ​ണ് പ​യ്യ​ന്നൂ​ര്‍ ന​ഗ​ര​സ​ഭ തെ​ര​ഞ്ഞെ​ടു​പ്പ് വ​ര​ണാ​ധി കാ​രി അം​ഗീ​ക​രി​ച്ച​തെ​ന്നാ​ണ് അ​ഡ്വ. ജ​യ്‌​സിം​ഗ് ചോ​ദി​ക്കു​ന്ന​ത്.പി​താ​വി​ന്‍റെ കാ​ല്‍​മു​ട്ട് ശ​സ്ത്ര​ക്രി​യ​യ്ക്കാ​യാ​ണ് നി​ഷാ​ദി​ന് ആ​ദ്യം പ​രോ​ള്‍ അ​നു​വ​ദി​ച്ച​ത്. ജ​യി​ലി​ല്‍ നി​ന്നു പു​റ​ത്തു​വ​ന്ന പ്ര​തി ശി​ക്ഷ​യു​ടെ കാ​ര്യം മ​റ​ച്ചു​വ​ച്ച് തെ​ര​ഞ്ഞെ​ടു​പ്പി​ല്‍ മ​ത്സ​രി​ക്കാ​ന്‍ നോ​മി​നേ​ഷ​ന്‍ ന​ല്കു​ക​യാ​യി​രു​ന്നു. ഇ​ക്കാ​ര്യ​മ​റി​യാ​വു​ന്ന വ​ര​ണാ​ധി​കാ​രി നാ​മ​നി​ര്‍​ദേ​ശ​പ​ത്രി​ക ത​ള്ളി​യി​ല്ല.

ശി​ക്ഷാ​വി​ധി മേ​ല്‍​ക്കോ​ട​തി ഇ​തു​വ​രെ റ​ദ്ദാ​ക്കി​യി​ട്ടി​ല്ല. ഏ​തെ​ങ്കി​ലും കു​റ്റ​ത്തി​ന് ശി​ക്ഷി​ക്ക​പ്പെ​ട്ടാ​ല്‍ തെ​ര​ഞ്ഞെ​ടു​പ്പി​ല്‍ മ​ത്സ​രി​ക്കു​ന്ന​തി​ന് അ​യോ​ഗ്യ​ത​യു​ണ്ടെ​ന്ന് വ്യ​ക്ത​മാ​ക്കു​ന്ന നി​യ​മ​ത്തെ പ​യ്യ​ന്നൂ​ര്‍ ന​ഗ​ര​സ​ഭ തെ​ര​ഞ്ഞെ​ടു​പ്പ് വ​ര​ണാ​ധി​കാ​രി​യും പോ​ലീ​സും അ​ട്ടി​മ​റി​ച്ചെ​ന്നും അ​ഡ്വ. ജ​യ്‌​സിം​ഗ് ആ​രോ​പി​ച്ചു.

Tags : Complaint filed nattuvishasham local news