ഒല്ലൂരിൽ അപകടാവസ്ഥയിലായ കെട്ടിടം.
ഒല്ലൂർ: സെന്ററിലെ കോർപറേഷൻ കെട്ടിടം അപകടാവസ്ഥയിലെന്ന് പരാതി. ഏതുസമയവും തകർന്നുവീഴുന്ന അവസ്ഥയിലാണ് കെട്ടിടം.
ഒല്ലൂർ സെന്ററിൽ നിന്ന് കല്ലൂർ പൊന്നൂക്കര ഭാഗത്തേക്കു തിരിയുന്ന വഴിയിലെ വലത്ത് ഭാഗത്തുള്ള മേച്ചേരി എന്നറിയപ്പെടുന്ന ബിൽഡിംഗാണ് ഏതുസമയവും തകർന്നുവീഴാവുന്ന അവസ്ഥയിൽ നിൽക്കുന്നത്.
മഴ ശക്തമായി തുടരുന്നതിനാൽ കെട്ടിടം ഏതുസമയവും നിലംപൊത്തുന്ന സ്ഥിതിയാണ്.
നിരവധി വാഹനങ്ങളാണ് ഈ ഭാഗത്തുകൂടി കടന്നുപോകുനത്. ദ്രവിച്ച് നിൽക്കുന്ന കെട്ടിടം എത്രയും വേഗം പൊളിച്ചുനീക്കി അപകടം ഒഴിവാക്കാനുള്ള നടപടി സ്വീകരിക്കണമെന്ന് ആവശ്യപ്പെട്ട് കോർപറേഷൻ മേയർക്ക് പൊതുപ്രവർത്തകനായ സുരേഷ് ചെമ്മനാടൻ നിവേദനം നൽകി.
Tags : Nattuvishesham District news