15

തൊ​ടു​പു​ഴ: പാ​ല്‍വി​ല കൂ​ട്ടാ​നു​ള്ള മി​ല്‍​മ​യു​ടെ തീ​രു​മാ​നം ക​ര്‍​ഷ​ക​ര്‍​ക്ക് താ​ത്കാ​ലി​ക ആ​ശ്വാ​സ​മാ​ണെ​ങ്കി​ലും വി​ല വ​ര്‍​ധ​ന അ​പ​ര്യാ​പ്ത​മാ​ണെ​ന്ന് ക്ഷീ​രക​ര്‍​ഷ​ക​ര്‍. മൂ​ന്നു വ​ര്‍​ഷ​ത്തി​നു ശേ​ഷ​മാ​ണ് പാ​ല്‍വി​ല കൂ​ട്ടാ​ന്‍ മി​ല്‍​മ തീ​രു​മാ​നി​ച്ച​ത്. ക്ഷീ​രക​ര്‍​ഷ​ക​രു​ടെ ഏ​റെ നാ​ള​ത്തെ ആ​വ​ശ്യ​മാ​യി​രു​ന്നു പാ​ല്‍വി​ല കൂ​ട്ടു​ക​യെ​ന്ന​ത്. ഇ​ട​തു സ​ര്‍​ക്കാ​രി​ന്‍റെ ഭ​ര​ണ​കാ​ല​ത്തുത​ന്നെ തീ​രു​മാ​നി​ച്ചി​രു​ന്നെ​ങ്കി​ലും പു​തി​യ സ​ര്‍​ക്കാ​ര്‍ അ​ധി​കാ​ര​ത്തി​ലെ​ത്തി​യ​പ്പോ​ഴാ​ണ് പാ​ല്‍വി​ല കൂ​ട്ടി​യ​ത്. ഉ​ത്പാ​ദ​ന​ച്ചെ​ല​വ് ക്ര​മാ​തീ​ത​മാ​യി കൂ​ടി​യ​തി​നാ​ല്‍ ക​ര്‍​ഷ​ക​ര്‍ ഏ​റെ പ്ര​തി​സ​ന്ധി​യി​ലാ​ണെ​ന്നും ഇ​വ​ര്‍ പ​റ​യു​ന്നു.

ലി​റ്റ​റി​ന് നാ​ലു രൂ​പ​യാ​ണ് മി​ല്‍​മ കൂ​ട്ടി​യ​ത്. ജൂ​ണ്‍ ഒ​ന്നുമു​ത​ല്‍ വി​ലവ​ര്‍​ധ​ന പ്രാ​ബ​ല്യ​ത്തി​ല്‍ വ​രും. പൊ​തു വി​പ​ണി​യി​ല്‍ ലി​റ്റ​റി​ന് 56 രൂ​പ​യ്ക്ക് ല​ഭി​ച്ചി​രു​ന്ന പാ​ലി​ന് ഇ​നി 60 രൂ​പ ന​ല്‍​ക​ണം. ഇ​തി​ല്‍ 3.35 രൂ​പ ക​ര്‍​ഷ​ക​ന് അ​ധി​ക​മാ​യി ല​ഭി​ക്കും. 10 പൈ​സ മി​ല്‍​മ​യ്ക്കും ബാ​ക്കി ക്ഷീ​രസം​ഘ​ത്തി​നും ല​ഭി​ക്കും. നി​ല​വി​ല്‍ ക്ഷീ​രസം​ഘ​ങ്ങ​ളി​ല്‍ അ​ള​ക്കു​ന്ന ഒ​രു ലി​റ്റ​ര്‍ പാ​ലി​ന് 43-44 നി​ര​ക്കി​ലാ​ണ് ക​ര്‍​ഷ​ക​ന് വി​ല ല​ഭി​ക്കു​ന്ന​ത്. ഇ​നി 46-47 എ​ന്ന നി​ര​ക്കി​ല്‍ വി​ല ല​ഭി​ക്കും. ഇ​ത് എ​ല്ലാ ക​ര്‍​ഷ​ക​ര്‍​ക്കും ല​ഭി​ക്ക​ണ​മെ​ന്നി​ല്ല.

പാ​ലി​ന്‍റെ കൊ​ഴു​പ്പിന്‍റെയും കൊ​ഴു​പ്പി​ത​ര ഘ​ട​ക​ങ്ങ​ളു​ടെ​യും അ​ടി​സ്ഥാ​ന​ത്തി​ലാ​ണ് വി​ല നി​ശ്ച​യി​ക്കു​ന്ന​ത്. ഉ​യ​ര്‍​ന്ന അ​ള​വി​ല്‍ ഉ​ത്പാ​ദ​ന​ശേ​ഷി​യു​ള്ള എ​ച്ച്എ​ഫ് വി​ഭാ​ഗം പോ​ലെ​യു​ള്ള പ​ശു​ക്ക​ളു​ടെ പാ​ലി​ല്‍ പൊ​തു​വേ കൊ​ഴു​പ്പി​ന്‍റെ അ​ള​വ് കു​റ​വാ​യി​രി​ക്കും. കു​റ​ഞ്ഞ അ​ള​വി​ല്‍ ഉ​ത്പാ​ദ​ന​മു​ള്ള ജേ​ഴ്‌​സി ഉ​ള്‍​പ്പെ​ടെ​യു​ള്ള പ​ശു​ക്ക​ളു​ടെ പാ​ലി​ല്‍ കൊ​ഴു​പ്പ് കൂ​ടു​ത​ലാ​യി​രി​ക്കും.

ഒ​രു ലി​റ്റ​ര്‍ പാ​ല്‍ ഉ​ത്പാ​ദി​പ്പി​ക്ക​ണ​മെ​ങ്കി​ല്‍ ക​ര്‍​ഷ​ക​ന് 48.50 രൂ​പ ചെ​ല​വു വ​രു​മെ​ന്ന് ഇ​വ​ര്‍ പ​റ​യു​ന്നു. അ​തി​നാ​ല്‍ ലി​റ്റ​റി​ന് 50 രൂ​പ​യെ​ങ്കി​ലും എ​ല്ലാ ക​ര്‍​ഷ​ക​ര്‍​ക്കും ല​ഭി​ക്ക​ണ​മെ​ന്നാ​ണ് ഇ​വ​ര്‍ ചൂ​ണ്ടി​ക്കാ​ട്ടു​ന്ന​ത്. ഇ​തി​നി​ടെ വേ​ന​ല്‍​ക്കാ​ല ഇ​ന്‍​സെ​ന്‍റീവാ​യി മി​ല്‍​മ എ​റ​ണാ​കു​ളം മേ​ഖ​ല യൂ​ണി​യ​ന്‍ ലി​റ്റ​റി​ന് ര​ണ്ടു രൂ​പ ക​ര്‍​ഷ​ക​ര്‍​ക്ക് ന​ല്‍​കി വ​രു​ന്നു​ണ്ട്. ഇ​ത് പാ​ല്‍വി​ല കൂ​ടു​ന്ന​തോ​ടെ നി​ല​യ്ക്കും.

കാ​ര്‍​ഷി​ക ജി​ല്ല​യാ​യ ഇ​ടു​ക്കി​യി​ല്‍ കൃ​ഷി​യോ​ടൊ​പ്പ​മാ​ണ് പ​ല ക​ര്‍​ഷ​ക​രും അ​ധി​ക വ​രു​മാ​ന​മെ​ന്ന നി​ല​യി​ല്‍ ക​ന്നു​കാ​ലി വ​ള​ര്‍​ത്ത​ല്‍ ന​ട​ത്തു​ന്ന​ത്. ക്ഷീ​രക​ര്‍​ഷ​ക​രു​ടെ ഒ​രു ദി​വ​സം ക​ട​ന്നുപോ​കു​ന്ന​ത് പു​ല​ര്‍​ച്ചെ മു​ത​ല്‍ രാ​ത്രി വൈ​കു​വോ​ള​മു​ള്ള അ​ധ്വാ​ന​ത്തി​ലൂ​ടെ​യാ​ണ്. എ​ന്നാ​ല്‍ ഇ​ത്ത​ര​ത്തി​ല്‍ രാ​പ​ക​ല്‍ ഭേ​ദ​മെ​ന്യേ ക​ഠി​നാ​ധ്വാ​നം ന​ട​ത്തി​യി​ട്ടും ക്ഷീ​രമേ​ഖ​ല​യി​ല്‍നി​ന്നു ല​ഭി​ക്കു​ന്ന വ​രു​മാ​നം ഉ​പ​യോ​ഗി​ച്ച് പ​ശു​പ​രി​പാ​ല​ന​വും ജീ​വി​ത​വും മു​ന്നോ​ട്ടു കൊ​ണ്ടുപോ​കാ​ന്‍ ക​ഴി​യി​ല്ലെ​ന്നാ​ണ് ക​ര്‍​ഷ​ക​രു​ടെ അ​ഭി​പ്രാ​യം.

ജി​ല്ല​യി​ല്‍ 200 ക്ഷീ​രസം​ഘ​ങ്ങ​ളാ​ണ് ര​ജി​സ്റ്റ​ര്‍ ചെ​യ്ത് പ്ര​വ​ര്‍​ത്തി​ക്കു​ന്ന​ത്. നേ​ര​ത്തേ 10,000നു ​മേ​ല്‍ ക​ര്‍​ഷ​ക​ര്‍ ഈ ​സം​ഘ​ങ്ങ​ളി​ല്‍ പാ​ല്‍ അ​ള​ന്നി​രു​ന്നു. എ​ന്നാ​ല്‍ ഇ​വ​രി​ല്‍നി​ന്നു ന​ല്ലൊ​രു വി​ഭാ​ഗം ക​ര്‍​ഷ​ക​രും മേ​ഖ​ല ഉ​പേ​ക്ഷി​ച്ച് മ​റ്റു മേ​ച്ചി​ല്‍​പ്പു​റ​ങ്ങ​ള്‍ തേ​ടിപ്പോ​യി.

ക്ഷീ​രക​ര്‍​ഷ​ക​രോ​ടു​ള്ള അ​ധി​കൃ​ത​രു​ടെ അ​വ​ഗ​ണ​ന തു​ട​രു​ന്ന​തി​ലും പു​ല​ര്‍​ച്ചെ മു​ത​ല്‍ അ​ന്തി​യോ​ളം ജോ​ലി​യെ​ടു​ത്താ​ലും കാ​ര്യ​മാ​യ വ​രു​മാ​നം നേ​ടാ​ന്‍ ക​ഴി​യാ​ത്ത സാ​ഹ​ച​ര്യ​വും ക​ണ​ക്കി​ലെ​ടു​ത്താ​ണ് കൂ​ടു​ത​ല്‍ പേ​രും ഈ ​മേ​ഖ​ല​യി​ല്‍നി​ന്നു പി​ന്‍​വാ​ങ്ങി​യ​ത്. ന​ല്ല രീ​തി​യി​ല്‍ പ്ര​വ​ര്‍​ത്തി​ച്ചിരു​ന്ന പ​ല ക്ഷീ​ര സം​ഘ​ങ്ങ​ളും പ്ര​തി​സ​ന്ധി​യെത്തു​ട​ര്‍​ന്ന് അ​ട​ച്ചുപൂ​ട്ടി. ഒ​ട്ടേ​റെ സം​ഘ​ങ്ങ​ള്‍ അ​ട​ച്ചു​പൂ​ട്ട​ല്‍ ഭീ​ഷ​ണി​യി​ലു​മാ​ണ്.

കാ​ലി​ത്തീ​റ്റ​യ്ക്ക് സ​ബ്‌​സി​ഡി ന​ല്‍​ക​ണം

ഇ​തി​നി​ടെ കാ​ലി​ത്തീ​റ്റ വി​ല ഉ​യ​ര്‍​ന്ന​തും ക​ര്‍​ഷ​ക​രെ പ്ര​തി​സ​ന്ധി​യി​ലാ​ക്കു​ന്നു​ണ്ട്. 50 കി​ലോ ചാ​ക്ക് കാ​ലി​ത്തീ​റ്റ​യ്ക്ക് 1450 രൂ​പ​യ്ക്കു മു​ക​ളി​ലാ​ണ് വി​ല. പ​ച്ച​പ്പു​ല്ല് ല​ഭ്യ​മ​ല്ലാ​ത്ത സാ​ഹ​ച​ര്യ​ത്തി​ല്‍ കാ​ലി​ത്തീ​റ്റ​യാ​ണ് പ​ശു​ക്ക​ള്‍​ക്ക് പ്ര​ധാ​ന​മാ​യും ന​ല്‍​കു​ന്ന​ത്.

ഇ​തി​നു പു​റ​മേ ത​വി​ട്, പി​ണ്ണാ​ക്ക്, വൈ​ക്കോ​ല്‍ എ​ന്നി​വ​യും ന​ല്‍​ക​ണം. ഇ​വ​യു​ടെ​യും വി​ല ക്ര​മാ​തീ​ത​മാ​യി വ​ര്‍​ധി​ച്ചു. അ​തി​നാ​ല്‍ ക്ഷീ​രസം​ഘ​ങ്ങ​ളി​ല്‍ പാ​ല്‍ അ​ള​ക്കു​ന്ന ക​ര്‍​ഷ​ക​ര്‍​ക്ക് സ​ബ്‌​സി​ഡി നി​ര​ക്കി​ല്‍ കാ​ലി​ത്തീ​റ്റ ല​ഭ്യ​മാ​കാ​നു​ള്ള ന​ട​പ​ടി വേ​ണ​മെ​ന്നും ഇ​വ​ര്‍ ആ​വ​ശ്യ​പ്പെ​ടു​ന്നു. ഇ​ത്ത​ര​ത്തി​ല്‍ കാ​ലി​ത്തീ​റ്റ ല​ഭ്യ​മാ​ക്കി​യാ​ല്‍ ഉ​ത്പാ​ദ​ന​ച്ചെ​ല​വി​ല്‍ കു​റ​വു വ​രു​ത്താ​നും ക​ര്‍​ഷ​ക​ര്‍​ക്ക് ആ​ശ്വാ​സ​ക​ര​മാ​കു​ക​യും ചെ​യ്യും.

ഉ​ത്പാ​ദ​നം കു​റ​ഞ്ഞു

ഓ​രോ വ​ര്‍​ഷ​വും ജി​ല്ല​യി​ല്‍ പാ​ല്‍ ഉ​ത്പാ​ദ​ന​ത്തി​ല്‍ കു​റ​വു വ​രു​ന്ന​താ​യാ​ണ് ക​ണ​ക്കു​ക​ള്‍ സൂ​ചി​പ്പി​ക്കു​ന്ന​ത്. ക്ഷീ​രസം​ഘ​ങ്ങ​ളി​ല്‍ ക​ര്‍​ഷ​ക​ര്‍ അ​ള​ന്ന ക​ണ​ക്ക​നു​സ​രി​ച്ച് 2021 മു​ത​ല്‍ 2025 വ​രെ​യു​ള്ള വ​ര്‍​ഷ​ങ്ങ​ളി​ല്‍ ഉ​ത്പാ​ദ​നം വ​ലി​യതോ​തി​ല്‍ കു​റ​ഞ്ഞ​താ​യാ​ണ് വ്യ​ക്ത​മാ​കു​ന്ന​ത്. 2021-22 വ​ര്‍​ഷം ക്ഷീ​രസം​ഘ​ങ്ങ​ളി​ല്‍ ക​ര്‍​ഷ​ക​ര്‍ അ​ള​ന്ന​ത് 22,33,720 ലി​റ്റ​ര്‍ പാ​ലാ​ണ്. എ​ന്നാ​ല്‍ 2022-23ല്‍ ​എ​ത്തി​യ​പ്പോ​ള്‍ 20,61,393 ലി​റ്റ​റാ​യി കു​റ​ഞ്ഞു.

2023-24ല്‍ 18,86,273 ​ലി​റ്റ​റാ​യി​രു​ന്നു ഉ​ത്പാ​ദ​നം. 2024-25 വ​ര്‍​ഷം 17,81,660 ലി​റ്റ​ര്‍ പാ​ലാ​ണ് ക്ഷീ​രസം​ഘ​ങ്ങ​ള്‍വ​ഴി അ​ള​ന്ന​ത്. ഒ​രു വ​ര്‍​ഷ​ത്തി​നി​ടെ 1,04,613 ലി​റ്റ​ര്‍ പാ​ലി​ന്‍റെ കു​റ​വാ​ണ് രേ​ഖ​പ്പെ​ടു​ത്തി​യ​ത്. ക്ഷീ​രസം​ഘ​ങ്ങ​ള്‍​ക്കു പു​റ​മേ പ്രാ​ദേ​ശി​ക വി​പ​ണി​ക​ളി​ലും സ്വ​കാ​ര്യ ഏ​ജ​ന്‍​സി​ക​ള്‍​ക്കും ക​ര്‍​ഷ​ക​ര്‍ പാ​ല്‍ വി​ല്‍​പ്പ​ന ന​ട​ത്തു​ന്നു​ണ്ട്. ഇ​തി​ന്‍റെ ക​ണ​ക്കു​ക​ള്‍ ല​ഭ്യ​മ​ല്ലെ​ങ്കി​ലും പ്രാ​ദേ​ശി​ക വി​ല്‍​പ്പ​ന​യി​ലും കു​റ​വു വ​ന്ന​താ​യി ക​ര്‍​ഷ​ക​ര്‍ വ്യ​ക്ത​മാ​ക്കി.

Tags : nattu vishesham Even if milk prices increase