മൂവാറ്റുപുഴ കച്ചേരിത്താഴം വലിയ പാലത്തില് രൂപപ്പെട്ട ഗര്ത്തം.
മൂവാറ്റുപുഴ: കച്ചേരിത്താഴം വലിയ പാലത്തില് രൂപപ്പെട്ട ഗര്ത്തം അപകടഭീഷണിയാകുന്നു. മാസങ്ങള്ക്ക് മുമ്പ് നിര്മാണ പ്രവര്ത്തനങ്ങള് നടത്തിയ പാലത്തിലാണ് യാത്രക്കാര്ക്ക് ഭീഷണിയായി കുഴി രൂപപ്പെട്ടിരിക്കുന്നത്. ദിവസേന നൂറുകണക്കിന് വാഹനങ്ങളാണ് ഇതുവഴി കടന്നുപോകുന്നത്.
കാലവര്ഷം ശക്തി പ്രാപിച്ചതോടെ പാലത്തില് രൂപപ്പെട്ടിരിക്കുന്ന കുഴിയില് വെള്ളം നിറഞ്ഞ് കുഴി തിരിച്ചറിയാന് കഴിയാത്തത് അപകടത്തിന്റെ ആക്കം കൂട്ടുന്നു. ഇരുചക്രവാഹനങ്ങളും കാര്, ബസ് മുതലായ വാഹനങ്ങളടക്കം കുഴിയില് വീഴുന്നുണ്ട്.
മാസങ്ങള്ക്കുമുമ്പാണ് നഗരവികസന പ്രവര്ത്തനങ്ങളുടെ ഭാഗമായി പാലത്തില് ടാറിംഗ് അടക്കമുള്ള അറ്റകുറ്റപണികള് തീര്ത്തത്. നിര്മാണത്തിലെ അപാകത മൂലം റോഡ് ടാറിംഗിനെ തുടര്ന്ന് വിള്ളല് രൂപപ്പെട്ടതിനെതിരേ പ്രതിഷേധം ഉയര്ന്നിരുന്നു. മാസങ്ങള് പിന്നിട്ടപ്പോള് പാലത്തില് കുഴി രൂപപ്പെട്ടിരിക്കുകയാണ്.
Tags : Local News Nattuvishesham Ernakulam