27

വെ​ള്ള​റ​ട: നെ​യ്യാ​റ്റി​ന്‍​ക​ര താ​ലൂ​ക്കി​ലെ മ​ല​യോ​ര പ്ര​ദേ​ശ​മാ​യ വെ​ള്ള​റ​ട ഭാ​ഗത്തേക്ക് കെ​എ​സ്ആ​ര്‍​ടി​സി​യു​ടെ രാത്രികാല സർവീസുകൾ പുനഃരാരംഭിക്കണമെന്ന ആവശ്യം ശക്തമാകുന്നു. നെ​യ്യാ​റ്റി​ന്‍​ക​ര, പാ​റ​ശാ​ല ഡി​പ്പോ​ക​ളി​ല്‍നി​ന്നുള്ള രാ​ത്രി​കാ​ല സ​ര്‍​വീ​സു​ക​ള്‍ നി​ര്‍​ത്ത​ലാ​കി​യത് ത​മി​ഴ്‌​നാ​ടു​മാ​യി അ​തി​ര്‍​ത്തി പ​കി​ടു​ന്ന കൊ​ല്ല​യി​ല്‍, കു​ന്ന​ത്തു​കാ​ല്‍, വെ​ള്ള​റ​ട, അ​മ്പൂ​രി ​പ​ഞ്ചാ​യ​ത്ത് പ്ര​ദേ​ശ​ത്തെ ജ​ന​ങ്ങ​ളെ സാ​ര​മാ​യി ബാ​ധി​ക്കു​ന്ന​താ​യി പ​രാ​തി​ ശ​ക്ത​മാ​യി​ട്ടു​ണ്ട്.

വൈ​കി​വ​രു​ന്ന ട്രെ​യി​ന്‍ യാ​ത്ര​ക്കാ​രും ജോ​ലി​യു​ടെ ഭാ​ഗ​മാ​യി പ​തി​വാ​യും അ​ല്ലാ​തെ​യും മ​റ്റു ജി​ല്ല​ക​ളി​ല്‍ നി​ന്നും ദീ​ര്‍​ഘ​ദൂ​ര​യാ​ത്ര ക​ഴി​ഞ്ഞു വ​രു​ന്ന​വ​രും നെ​യ്യാ​റ്റി​ന്‍​ക​ര​യി​ല്‍ ഇ​റ​ങ്ങി സ്ഥി​ര​മാ​യി സ്വ​കാ​ര്യ വാ​ഹ​ന​ങ്ങ​ളെ ആശ്രയിക്കേണ്ട അവസ്ഥയാ ണ്. നെ​യ്യാ​റ്റി​ന്‍​ക​ര​യി​ല്‍ നി​ന്നും വെ​ള്ള​റ​ട​യി​ലേ​ക്ക് ഏ​ക​ദേ​ശം 20 ഉം പാ​റ​ശാ​ല​യി​ല്‍ നി​ന്നും 15 ഉം കി​ലോ​മീ​റ്റ​ര്‍ ദൂ​ര​മു​ണ്ട്. രാ​ത്രി യാ​ത്ര​യ്ക്കാ​യി ന​ല്ലൊ​രു തു​ക ചെ​ല​വാ​കേ​ണ്ടി വ​രു​ന്ന​തു വി​ദ്യാ​ര്‍​ഥിക​ൾക്കും തൊ​ഴി​ലാ​ളി​കൾക്കും സാ​ധാ​ര​ണ​കാ​ർക്കും ബു​ദ്ധി​മു​ട്ടു​ള്ള കാ​ര്യ​മാ​ണ്.

കോ​വി​ഡി​ന് മു​ന്‍​പ് രാ​ത്രി 10.05ന് ​നെ​യ്യാ​റ്റി​ന്‍​ക​ര നി​ന്നും വെ​ള്ള​റ​ട വ​രെ ദി​വ​സ​വും ന​ട​ത്തിവ​ന്ന രാ​ത്രി​കാ​ല സ​ര്‍​വീ​സ് നി​ര്‍​ത്ത​ലാ​ക്കി​യി​ട്ട് കാ​ല​ങ്ങളാ യി. ജ​ന​പ്ര​തി​നി​ധി​ക​ളും പൊ​തു​പ്ര​വ​ര്‍​ത്ത​ക​രും നി​ര​വ​ധി ത​വ​ണ ബ​ന്ധ​പ്പെ​ട്ട അ​ധി​കാ​രി​ക​ളു​ടെ ശ്ര​ദ്ധ​യി​ല്‍​പ്പെ​ടു​ത്തി​യി​ട്ടും ഇ​തി​ന് പ​രി​ഹാ​ര​മാ​യി​ല്ല.

നെ​യ്യാ​റ്റി​ന്‍​ക​ര താ​ലൂ​ക്കി​ലെ മ​ല​യോ​ര മേ​ഖ​ല​യി​ലെ ജ​ന​ങ്ങ​ള്‍ ബ​ഹു​ഭൂ​രി​പ​ക്ഷ​പേ​രും ഇ​ന്നും യാ​ത്ര​ക​ള്‍​ക്കാ​യി കെ​എ​സ്ആ​ര്‍​ടി​സി​ ബസിനെ​യാ​ണ് മു​ഖ്യ​മാ​യും ആ​ശ്ര​യി​ക്കു​ന്ന​ത്. വെ​ള്ള​റ​ട ഡി​പ്പോ​യി​ല്‍നി​ന്നും രാ​ത്രി ഏഴിനു പു​റ​പ്പെ​ട്ട് ത​മ്പാ​നൂ​ര്‍ സെ​ന്‍​ട്ര​ലിൽ നി​ന്നും രാ​ത്രി ഒന്പതിനു തി​രി​ച്ചു നെ​യ്യാ​റ്റി​ന്‍​ക​ര വ​ഴി വെ​ള്ള​റ​ടയി ലേ ക്കു മ​ട​ങ്ങുന്ന രീ​തി​യി​ല്‍ ഒ​രു സ​ര്‍​വീ​സെങ്കിലും പു​നഃ​ക്ര​മി​ക​രി​ച്ചാൽ കുറച്ച് ആശ്വാസമാകും.

നി​ര്‍​ത്തി​ലാ​കി​യ രാ​ത്രി​കാ​ല സ​ര്‍​വീ​സു​ക​ള്‍ പു​ന​ഃരാ​രം​ഭി​ക്ക​ണ​മെ​ന്നാ​വ​ശ്യ​പ്പെ​ട്ട് മ​ന്ത്രി സി.​പി. ജോ​ണി​നെ നേ​രി​ല്‍ ക​ണ്ടു പൊ​തു​പ്ര​വ​ര്‍​ത്ത​ക​ന്‍ റോ​ബി​ന്‍ പ്ലാ​വി​ള നി​വേ​ദ​നം ന​ല്‍​കി. ഇ​ത് സം​ബ​ന്ധി​ച്ചു കോ​ണ്‍​ഗ്ര​സ് കു​ന്ന​ത്തു​കാ​ല്‍ മ​ണ്ഡ​ലം ക​മ്മി​റ്റി​യും മ​ന്ത്രി​ക്കു നി​വേ​ദ​നം ന​ല്‍​കി​യി​ട്ടു​ണ്ട്.

Tags : Local News Nattuvishesham Thiruvananthapuram