ആലപ്പുഴ: കുട്ടികളുടെ അശ്ലീല ചിത്രങ്ങളും വീഡിയോകളും പ്രചരിപ്പിക്കുന്നവർക്കെതിരേ കേരള പോലീസ് സംസ്ഥാന വ്യാപകമായി നടത്തിയ ഓപ്പറേഷൻ പി ഹണ്ട് റെയ്ഡുകളിൽ നിയമ നടപടികൾ സ്വീകരിച്ചു. ടെലിഗ്രാം, വാട്സാപ്പ്, ഫേസ്ബുക്ക് തുടങ്ങിയ സോഷ്യൽ മീഡിയ പ്ലാറ്റ്ഫോമുകൾ വഴി ഇത്തരം ദൃശ്യങ്ങൾ കൈമാറ്റം ചെയ്യുന്നവരെ കണ്ടെത്താൻ ഇന്റർപോളിന്റെയും സൈബർ സെല്ലിന്റെയും സഹകരണത്തോടെയാണ് കേരള പോലീസ് പരിശോധന നടത്തുന്നത്.
ജില്ലയിലെ വിവിധ സ്റ്റേഷനുകളിലായി 19 സെർച്ച് നടത്തിയതിൽ 15 കേസുകൾ എടുക്കുകയും മൊബൈൽ ഫോണുകൾ, പെൻഡ്രൈവ്, മെമ്മറികാർഡ് എന്നിവ ഉൾപ്പെടെ 17 ഓളം ഡിവൈസുകൾ പിടിച്ചെടുക്കുകയും ചെയ്തിട്ടുണ്ട്.
Tags : Nattuvishesham Local News District police strong action