21

വെ​ള്ളൂ​ർ: വെ​ള്ളൂ​ർ മ​ട​ത്തേ​ടം ഭാ​ഗ​ത്ത് വീ​ട്ട​മ്മ​യ​ട​ക്കം മൂ​ന്നു​പേ​രെ ക​ടി​ച്ചു ഗു​രു​ത​ര​മാ​യി പ​രി​ക്കേ​ൽ​പി​ച്ച തെ​രു​വുനാ​യ​യ്ക്ക് പേ​വി​ഷബാ​ധ സ്ഥി​രീ​ക​രി​ച്ചു.​വ​ഴി​യോ​ര​ത്ത് ച​ത്ത​ നി​ല​യി​ൽ കാ​ണ​പ്പെ​ട്ട തെ​രു​വുനാ​യ​യു​ടെ സ്ര​വം ലാ​ബി​ൽ പ​രി​ശോ​ധ​ന ന​ട​ത്തി​യ​പ്പോ​ഴാ​ണ് പേ​വി​ഷ ബാ​ധ സ്ഥി​രീ​ക​രി​ച്ച​തെ​ന്ന് പ​ഞ്ചാ​യ​ത്ത് അ​ധി​കൃ​ത​ർ പ​റ​ഞ്ഞു.
ആ​ളു​ക​ൾ​ക്ക് പു​റ​മെ നി​ര​വ​ധി തെ​രു​വുനാ​യ്ക്ക​ളെയും വ​ള​ർ​ത്തു​നാ​യ്ക്ക​ളെയും പൂ​ച്ച​ക​ളെയും ഈ ​നാ​യ ക​ടി​ച്ചു പ​രി​ക്കേ​ൽ​പി​ച്ചി​രു​ന്നു.

ഇ​തി​ൽ ഒ​രു വ​ള​ർ​ത്തുനാ​യ​യും പൂ​ച്ച​യും ച​ത്തു. ര​ണ്ട് വ​ള​ർ​ത്തു​നാ​യ്ക്ക​ൾ മൃ​ത​പ്രാ​യ​രാ​ണ്.
പേ​വി​ഷ​ബാ​ധ സ്ഥി​രീ​ക​രി​ച്ച നാ​യ​യ്ക്ക് ഒ​പ്പ​മു​ണ്ടാ​യി​രു​ന്ന നാ​യ​യ്ക്ക് ക​ടി​യേ​റ്റി​രു​ന്നെ​ങ്കി​ലും ഈ ​നാ​യ​യെ ഇ​പ്പോ​ൾ കാ​ണാ​നി​ല്ലാ​ത്ത​ത് പ്ര​ദേ​ശ​ത്ത് ആ​ശ​ങ്ക പ​ര​ത്തു​ക​യാ​ണ്.
പ​ള്ളി​ക്കു​ന്ന് ഭാ​ഗ​ത്ത് ഈ ​നാ​യ​യെ പ്ര​ദേ​ശ​വാ​സി​ക​ൾ ക​ണ്ടി​രു​ന്നെ​ങ്കി​ലും പി​ന്നീ​ട് നാ​യപി​ടിത്ത​കാ​രും നാ​ട്ടു​കാ​രും തെ​ര​ഞ്ഞി​ട്ടും ക​ണ്ടി​ല്ല. വെ​ള്ളൂ​ർ ക​മ്പ​നി​പ്പ​ടി, അ​ട​ഞ്ഞു​കി​ട​ക്കു​ന്ന ക്വാ​ർ​ട്ടേ​ഴ്‌​സു​ക​ൾ, ഇഎ​സ്എ ​ആ​ശു​പ​ത്രി പ​രി​സ​രം തു​ട​ങ്ങി​യ​ സ്ഥ​ല​ങ്ങ​ൾ തെ​രു​വുനാ​യ്ക്ക​ളു​ടെ വി​ഹാ​രകേ​ന്ദ്ര​മാ​ണ് ഈ ​ഭാ​ഗ​ത്തെ നാ​യ്ക്ക​ളെ ഈ ​നാ​യ ക​ടി​ച്ചി​ട്ടു​ണ്ടോ​യെ​ന്ന ആ​ശ​ങ്ക​യാ​ണ് പ​ര​ക്കു​ന്ന​ത്.

ഇ​ന്ന് നാ​യ​പി​ടിത്ത​ക്കാ​ർ എ​ത്തി അ​ല​ഞ്ഞു​തി​രി​യു​ന്ന നാ​യ്ക്ക​ളെ പി​ടി​കൂ​ടി പ്ര​തി​രോ​ധ​കു​ത്തി​വ​യ്പു ന​ൽ​കും.​

ഞാ​യ​റാ​ഴ്ച മ​ട​ത്തേ​ടം ഭാ​ഗ​ത്തെ വീ​ടു​ക​ളി​ൽ വ​ള​ർ​ത്തു​നാ​യ്ക്ക​ൾ​ക്ക് മൃ​ഗ​സം​ര​ക്ഷ​ണ വ​കു​പ്പ് അ​ധി​കൃ​ത​ർ പ്ര​തി​രോ​ധ കു​ത്തി​വ​യ്പ് ന​ൽ​കി​യി​രു​ന്നു.​ ക​രി​പ്പാ​ടം മൃ​ഗാ​ശു​പ​ത്രി​യി​ലെ ഡോ​ക്ട​ർ​ മേ​രി ഗ്രേ​സി​യു​ടെ നേ​തൃ​ത്വ​ത്തി​ലാ​ണ് പ്ര​തി​രോ​ധ കു​ത്തി​വ​യ്പ് ന​ട​ത്തി​യ​ത്.​ പേ​വി​ഷ​ബാ​ധ സ്ഥി​രീ​ക​രി​ച്ച നാ​യ​യു​ടെ ക​ടി​യേ​റ്റ് വി​ദേ​ശ ഇ​ന​ത്തി​ൽ​പ്പെ​ട്ട നാ​ല് മാ​സം പ്രാ​യ​മു​ള്ള നാ​യ​ ച​ത്ത​തു​മാ​യി ബ​ന്ധ​പ്പെ​ട്ട് നാ​യ​യു​ടെ ഉ​ട​മ​സ്ഥ​നും കു​ടും​ബാം​ഗ​ങ്ങ​ളും പ്ര​തി​രോ​ധ കു​ത്തി​വ​യ്പെടു​ത്തു.

പ്രതിരോധ കുത്തിവയ്പ് ക്യാന്പ്

വെ​ള്ളൂ​ർ: പേ​വി​ഷ​ബാ​ധ​യെതു​ട​ർ​ന്ന് ച​ത്ത തെ​രു​വുനാ​യ നി​ര​വ​ധി തെ​രു​വുനാ​യ്‌​ക്ക​ളെ​യും പൂ​ച്ച​ക്ക​ളെ​യും ക​ടി​ച്ച് പ​രി​ക്കേ​ൽ​പി​ച്ച​ത് ക​ണ​ക്കി​ലെ​ടു​ത്ത് വെ​ള്ളൂ​ർ മ​ട​ത്തേ​ടം ക​മ്മ്യൂ​ണി​റ്റി ഹാ​ളി​ൽ ഇ​ന്ന് വ​ള​ർ​ത്തു​മൃ​ഗ​ങ്ങ​ൾ​ക്ക് പ്ര​തി​രോ​ധ കു​ത്തി​വ​യ്പ് ന​ൽ​കു​ന്ന​തി​നാ​യി ക്യാ​മ്പ് ന​ട​ത്തും. പ​ഞ്ചായത്തിന്‍റെ ആ​ഭി​മു​ഖ്യ​ത്തി​ൽ സം​ഘ​ടി​പ്പി​ക്കു​ന്ന ക്യാ​മ്പ് രാ​വി​ലെ 10ന് ​ആ​രം​ഭി​ച്ച് ഉ​ച്ച​യ്ക്ക് ഒ​ന്നി​ന് സ​മാ​പി​ക്കും.

Tags : Nattuvishesham DistrictsNews