27

മ​ഞ്ചേ​രി: കാ​ല്‍​ന​ട​യാ​ത്ര​ക്കാ​ര്‍​ക്ക് ഭീ​ഷ​ണി​യാ​യി ന​ട​പ്പാ​ത​ക​ളി​ലെ ച​തി​ക്കു​ഴി​ക​ള്‍. മ​ല​പ്പു​റം റോ​ഡി​ല്‍ സ്റ്റേ​റ്റ് ബാ​ങ്ക് ഓ​ഫ് ഇ​ന്ത്യ​ക്ക് സ​മീ​പം ന​ട​പ്പാ​ത​യി​ലെ ത​ക​ര്‍​ന്ന നി​ല​യി​ലു​ള്ള സ്ലാ​ബി​നി​ട​യി​ല്‍ കാ​ലു​കു​ടു​ങ്ങി വ​യോ​ധി​ക​ന് ഗു​രു​ത​ര​മാ​യി പ​രി​ക്കേ​റ്റു. പു​ല്ല​ഞ്ചേ​രി സ്വ​ദേ​ശി​യാ​യ രാ​മ​നാ​ണ് (75) ന​ഗ​ര​സ​ഭ​യു​ടെ അ​നാ​സ്ഥ​യ്ക്ക് ഇ​ര​യാ​യ​ത്. ഇ​ദ്ദേ​ഹ​ത്തി​ന്‍റെ ഇ​രുകാ​ലു​ക​ള്‍​ക്കും ഒ​ടി​വു​ണ്ട്. ബു​ധ​നാ​ഴ്ച പ​ക​ല്‍ 11.30ഓ​ടെ​യാ​ണ് അ​പ​ക​ടം.

വീ​ട്ടി​ലേ​ക്കാ​വ​ശ്യ​മാ​യ സാ​ധ​ന​ങ്ങ​ള്‍ വാ​ങ്ങി ബ​സ് സ്റ്റാ​ന്‍​ഡി​ലേ​ക്ക് ന​ട​ന്നു​പോ​കു​ന്ന​തി​നി​ടെ​യാ​ണ് രാ​മ​ന്‍ അ​പ​ക​ട​ത്തി​ല്‍​പ്പെ​ട്ട​ത്. പൊ​ട്ടി​പ്പൊ​ളി​ഞ്ഞു കി​ട​ന്ന സ്ലാ​ബി​ന്‍റെ വി​ട​വി​ലേ​ക്ക് ഇ​ദ്ദേ​ഹ​ത്തി​​ന്‍റെ കാ​ല്‍ കു​ടു​ങ്ങു​ക​യാ​യി​രു​ന്നു.

വീ​ഴ്ച​യു​ടെ ആ​ഘാ​ത​ത്തി​ല്‍ രാ​മ​​ന്‍റെ ഇ​ട​തു​കാ​ല്‍​മു​ട്ടും വ​ല​തു​കാ​ലി​ലെ എ​ല്ലും പൊ​ട്ടി. സ്ലാ​ബി​ൽ ത​ട്ടി ആ​ഴ​ത്തി​ല്‍ മു​റി​വേ​റ്റ് ചോ​ര​യൊ​ലി​ച്ച്, അ​സ​ഹ്യ​മാ​യ വേ​ദ​ന​യോ​ടെ കി​ട​ന്ന ഇ​ദ്ദേ​ഹ​ത്തെ സ​മീ​പ​ത്തെ കെ​ട്ടി​ടനി​ര്‍​മാ​ണ സ്ഥ​ല​ത്തു​ണ്ടാ​യി​രു​ന്ന ഇ​ത​ര​സം​സ്ഥാ​ന തൊ​ഴി​ലാ​ളി​ക​ളാ​ണ് ര​ക്ഷ​പ്പെ​ടു​ത്തി​യ​ത്.

Tags : Local News Nattuvishesham Malappuram