മണ്ണുത്തി: തൃശൂർ ജില്ലാ പഞ്ചായത്തിന്റെയും കാർഷിക വികസന കർഷക ക്ഷേമ വകുപ്പിന്റെയും ആഭിമുഖ്യത്തിൽ മണ്ണുത്തിയിൽ നടക്കുന്ന ജില്ലാതല ഫാം ഫെസ്റ്റിനോടുനുബന്ധിച്ച് മഡ് ഫുട്ബോൾ മത്സരം സംഘടിപ്പിച്ചു. കാർഷികസർവ്വകലശാലയിലെ വിദ്യാർത്ഥികളും ഫാം തൊഴിലാളികളും മഡ് ഫുട്ബോൾ മത്സരത്തിൽ പങ്കെടുത്തു.
ജില്ലാ പഞ്ചായത്ത് പ്രസിഡന്റ് മേരി തോമസ് ഫാംഫെസ്റ്റ് ഉദ്ഘാടനം ചെയ്തു. തൃശൂർ ജില്ലയിലെ വിവിധ ഫാമുകളുടെ പ്രവർത്തനം ജനങ്ങളിലേക്ക് എത്തിക്കുക, പുതുതലമുറയെ കൃഷിയിലേക്ക് കൊണ്ടുവരുക എന്നതാണ് ഫെസ്റ്റിന്റെ ലക്ഷ്യം.
ജില്ലാ പഞ്ചായത്ത് വികസന സ്റ്റാൻഡിംഗ് കമ്മിറ്റി ചെയർപേഴ്സൺ പി.എ. സജിത അധ്യക്ഷത വഹിച്ചു. തൃശൂർ ജില്ലാ പഞ്ചായത്ത് പൊതുമരാമത്ത് സ്റ്റാൻഡിംഗ് കമ്മിറ്റി ചെയർമാൻ പി.എസ്. വിനയൻ, ജില്ലാ പഞ്ചായത്ത് അംഗങ്ങളായ പ്രശാന്ത്, ലീല രാമകൃഷ്ണൻ തുടങ്ങിയവർ സംസാരിച്ചു. ഫാം ഫെസ്റ്റ് ഇന്ന് സമാപിക്കും.