10

നെ​ടു​ങ്ക​ണ്ടം: അ​ന​ധി​കൃ​ത മ​രം​മു​റി​യു​മാ​യി ബ​ന്ധ​പ്പെ​ട്ട് വ​നം​വ​കു​പ്പ് പി​ടി​കൂ​ടി സ്ഥ​ല​ത്തു സൂ​ക്ഷി​ച്ചി​രു​ന്ന ര​ണ്ടു മ​ണ്ണു​മാ​ന്തി​യ​ന്ത്രം രാ​ത്രി​യി​ൽ ലോ​റി​യി​ൽ ക​ട​ത്താ​ൻ ശ്ര​മം. നെ​ടു​ങ്ക​ണ്ടം ച​തു​രം​ഗ​പാ​റ​യി​ലെ സ്വ​കാ​ര്യ ഏ​ല​ത്തോ​ട്ട​ത്തി​ൽ​നി​ന്നാ​ണ് വാ​ഹ​ന​ങ്ങ​ൾ ക​ട​ത്താ​ൻ ശ്ര​മി​ച്ച​ത്. സം​ഭ​വ​ത്തി​ൽ നാ​ലു​പേ​രെ വ​നം​വ​കു​പ്പ് പി​ടി​കൂ​ടി.

രാ​ജ​കു​മാ​രി സ്വ​ദേ​ശി​ക​ളാ​യ ക​ണ്ണ​ൻ​കു​ള​ങ്ങ​ര​യി​ൽ ബേ​സി​ൽ, പ​ട​യാ​റ്റി​ൽ ഷാ​ൽ​ബി​ൻ, ബൈ​സ​ൺ​വാ​ലി സ്വ​ദേ​ശി മ​ര​ത്തുവാൻ​പ​റ​മ്പി​ൽ ബി​പി​ൻ, കു​രു​വി​ളാ​സി​റ്റി സ്വ​ദേ​ശി എ​ടാ​ട്ട് അ​ജി​ൽ എ​ന്നി​വ​രാ​ണ് പി​ടി​യി​ലാ​യ​ത്. ച​തു​രം​ഗ​പ്പാ​റ​യി​ലെ സ്വ​കാ​ര്യ ഏ​ല​ത്തോ​ട്ട​ത്തി​ൽ മ​രം മു​റി​ക്കാ​നും പി​ഴു​തെ​ടു​ക്കാ​നും ഉ​പ​യോ​ഗി​ച്ച ര​ണ്ടു മ​ണ്ണു​മാ​ന്തി യ​ന്ത്ര​ങ്ങ​ൾ ക​ഴി​ഞ്ഞ ദി​വ​സം വ​നം​വ​കു​പ്പ് പി​ടി​കൂ​ടി​യി​രു​ന്നു.

കോ​ട​തി നി​ർ​ദേ​ശ​ത്തെ തു​ട​ർ​ന്ന് സ്ഥ​ല​ത്തു​ത​ന്നെ ബ​ന്ധി​ച്ച് വ​നം വ​കു​പ്പ് കാ​വ​ലി​ൽ സൂ​ക്ഷി​ച്ചി​രു​ന്ന യ​ന്ത്ര​ങ്ങ​ളാ​ണ് സീ​ൽ ത​ക​ർ​ത്ത് രാ​ത്രി​യി​ൽ ലോ​റി​യി​ൽ ക​ട​ത്താ​ൻ ശ്ര​മി​ച്ച​ത്. വ​നം​വ​കു​പ്പ് ഉ​ദ്യോ​ഗ​സ്ഥ​ർ രാ​ത്രി​കാ​ല പ​ട്രോ​ളിം​ഗി​നി​ടെ സ്ഥ​ല​ത്തെ​ത്തി​യ​പ്പോ​ഴാ​ണ് വാ​ഹ​ന​ങ്ങ​ൾ കാ​ണാ​താ​യ​ത് ശ്ര​ദ്ധ​യി​ൽ​പ്പെ​ട്ട​ത്. തു​ട​ർ​ന്നു ന​ട​ത്തി​യ പ​രി​ശോ​ധ​ന​യി​ൽ ഒ​രു മ​ണ്ണു​മാ​ന്തി യ​ന്ത്രം ലോ​റി​യി​ൽ ക​യ​റ്റി​ക്കൊ​ണ്ടു പോ​കു​ന്ന​ത് ക​ണ്ടെ​ത്തി ത​ട​യു​ക​യാ​യി​രു​ന്നു.

വ​നം​വ​കു​പ്പ് ഒ​രു വാ​ഹ​നം പി​ടി​കൂ​ടി​യ വി​വ​രം അ​റി​ഞ്ഞ​തോ​ടെ ര​ണ്ടാ​മ​ത്തെ മ​ണ്ണു​മാ​ന്തി യ​ന്ത്രം പ്ര​തി​ക​ൾ​ത​ന്നെ സ്ഥ​ല​ത്ത് തി​രി​കെ എ​ത്തി​ച്ചു. പി​ടി​കൂ​ടി​യ മ​ണ്ണു​മാ​ന്തി​ യ​ന്ത്ര​വും ലോ​റി​യും വ​നം​വ​കു​പ്പ് ഉ​ടു​മ്പ​ഞ്ചോ​ല പൊ​ലിസി​ന് കൈ​മാ​റി. ദേ​വി​കു​ളം ഫോ​റ​സ്റ്റ് റേ​ഞ്ചി​ന്‍റെ നേ​തൃ​ത്വ​ത്തി​ൽ പൊ​ൻ​മു​ടി, തേ​വാ​രം​മെ​ട്ട് സെ​ക്‌​ഷ​ൻ ഓ​ഫിസു​ക​ളു​ടെ സ​ഹ​ക​ര​ണ​ത്തോ​ടെ​യാ​ണ് പ​രി​ശോ​ധ​ന ന​ട​ത്തി​യ​ത്.

Tags : NattuVishasham DistrictNews