മോർ ഇവാനിയൻ കോളജിൽ നടന്ന ബിരുദദാന ചടങ്ങിൽ ബിഷപ്പിനൊപ്പം വിദ്യാർഥികളും അധ്യാപകരും.
വടക്കഞ്ചേരി: വടക്കഞ്ചേരി മോർ ഇവാനിയൻ കോളജിൽ പ്രഥമ ബിരുദദാന ചടങ്ങ് നടത്തി. മുവാറ്റുപുഴ ബിഷപ് ഡോ. യൂഹാനോൻ മാർ തെയോഡോഷ്യസ് ബിരുദദാന സന്ദേശം നൽകി.
കേവലം സാങ്കേതിക വിജ്ഞാനത്തിനപ്പുറം മാനവികമൂല്യങ്ങളിലൂന്നിയ ജീവിതബോധമാണ് ഓരോരുത്തരും വളർത്തിയെടുക്കേണ്ടതെന്നു ബിഷപ് വിദ്യാർഥികളെ ഓർമിപ്പിച്ചു.
കാമ്പസിൽനിന്ന് ആർജിച്ചെടുത്ത ഉന്നതപാരമ്പര്യവും മൂല്യങ്ങളും ജീവിതത്തിലുടനീളം കാത്തുസൂക്ഷിച്ച് മൂല്യങ്ങളുടെ അംബാസഡർമാരാകണമെന്നു കോളജ് ഡയറക്ടർ ഫാ. ജെസ്വിൻ അറയ്ക്കാമ്യാലിൽ പറഞ്ഞു. പ്രിൻസിപ്പൽ ഡോ.പി.ഒ. ജെൻസൺ, കോമേഴ്സ് വിഭാഗം മേധാവി കെ.സി.സരിത, ഇംഗ്ലീഷ് വിഭാഗം മേധാവി അനുശ്രീ, കൺവീനർ യു.കെ. സുമിത പ്രസംഗിച്ചു. വിവിധ വകുപ്പുമേധാവികളും അധ്യാപകരും പങ്കെടുത്തു.
Tags : Nattuvishesham District news