10

ആ​ല​പ്പു​ഴ: ചേ​ർ​ത്ത​ല​യി​ൽ പൊ​തു​മേ​ഖ​ലാ ബാ​ങ്കി​ലെ ഹൗ​സ് കീ​പ്പിം​ഗ് ജീ​വ​ന​ക്കാ​രി ഇ​ട​പാ​ടു​കാ​രെ ക​ബ​ളി​പ്പി​ച്ച് ര​ണ്ടു കോ​ടി​യോ​ളം രൂ​പ ത​ട്ടി​യെ​ടു​ത്തെ​ന്ന സം​ഭ​വ​ത്തി​ൽ സ​മ​ഗ്ര അ​ന്വേ​ഷ​ണം ആ​വ​ശ്യ​പ്പെ​ട്ട് എ​സ്ബിഐ ഹൗ​സ് കീ​പ്പിം​ഗ് ആ​ൻ​ഡ് മെ​യി​ന്‍റന​ൻ​സ് എം​പ്ലോ​യീ​സ് യൂ​ണി​യ​ൻ. ഇ​ക്കാ​ര്യം ആ​വ​ശ്യ​പ്പെ​ട്ട് മു​ഖ്യ​മ​ന്ത്രി​ക്കും ആ​ഭ്യ​ന്ത​രമ​ന്ത്രി​ക്കും ഡി​ജി​പി​ക്കും പ​രാ​തി ന​ൽ​കി​യ​താ​യി ഭാ​ര​വാ​ഹി​ക​ൾ വാ​ർ​ത്താ​സ​മ്മേ​ള​ന​ത്തി​ൽ അ​റി​യി​ച്ചു.

‌ഒ​രു താ​ത്കാ​ലി​ക ജീ​വ​ന​ക്കാ​രി​ക്ക് ഒ​റ്റ​യ്ക്ക് ര​ണ്ടു​കോ​ടി​യോ​ളം രൂ​പ ത​ട്ടി​യെ​ടു​ക്കാ​ൻ ക​ഴി​യി​ല്ല. സം​ഭ​വ​ത്തി​ൽ സ​മ​ഗ്ര അ​ന്വേ​ഷ​ണം ന​ട​ത്തി ഇ​തി​നു പി​ന്നി​ൽ പ്ര​വ​ർ​ത്തി​ച്ച​വ​രെ പു​റ​ത്തു​കൊ​ണ്ടു​വ​ര​ണം.

ആ​രോ​പ​ണ​വി​ധേ​യ​യാ​യ ജീ​വ​ന​ക്കാ​രി ആ​ത്മ​ഹ​ത്യാ​ശ്ര​മ​ത്തെതു​ട​ർ​ന്ന് വി​ഷം ഉ​ള്ളി​ൽ​ച്ചെ​ന്ന് കോ​ട്ട​യം മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ൽ ചി​കി​ത്സ​യി​ലാ​ണ്. ബാ​ങ്കി​ന്‍റെ പ​രാ​തി​യി​ൽ പൊ​ലി​സ് കേ​സെ​ടു​ത്തി​ട്ടു​ണ്ട്.

ബാ​ങ്കു​ക​ളി​ലെ ജീ​വ​ന​ക്കാ​രു​ടെ കു​റ​വും വ​ർ​ധിച്ചു​വ​രു​ന്ന ജോ​ലി​ഭാ​ര​വും കാ​ര​ണം ക്ല​ർ​ക്ക്, കാ​ഷ്യ​ർ, സ​ബ് സ്റ്റാ​ഫ് ത​സ്തി​ക​ക​ളി​ൽ ജീ​വ​ന​ക്കാ​രി​ല്ലാ​ത്ത​പ്പോ​ൾ താ​ത്കാ​ലി​ക, ക​രാ​ർ ജീ​വ​ന​ക്കാ​രെ ക്ല​റി​ക്ക​ൽ ജോ​ലി​ക​ൾ ഉ​ൾ​പ്പെ​ടെ ഏ​ൽ​പ്പി​ക്കു​ന്ന ന​ട​പ​ടി അ​വ​സാ​നി​പ്പി​ക്ക​ണം. ഹൗ​സ് കീ​പ്പിം​ഗ് ആ​ൻ​ഡ് മെ​യി​ന്‍റന​ൻ​സ് ജീ​വ​ന​ക്കാ​രെ ചെ​ക്കു​ക​ൾ മാ​റ്റു​ന്ന​തി​നോ കൗ​ണ്ട​ർ സ​ഹാ​യി​ക​ളാ​യി ഇ​രു​ത്തു​ന്ന​തി​നോ നി​ക്ഷേ​പം സ്വീ​ക​രി​ക്കു​ന്ന​തി​നോ ചു​മ​ത​ല​പ്പെ​ടു​ത്ത​രു​തെ​ന്നും യൂ​ണി​യ​ൻ പ്ര​സി​ഡ​ന്‍റ് അ​നി​യ​ൻ മാ​ത്യു വാ​ർ​ത്താ​സ​മ്മേ​ള​ന​ത്തി​ൽ പ​റ​ഞ്ഞു.

Tags : investigation NattuVishesham DistrictNews