കുന്നോത്ത് ഫെറോന എകെസിസി എക്സിക്യൂട്ടീവ് യോഗം വികാരി ഫാ. സെബാസ്റ്റ്യൻ മുക്കിലിക്കാട്ട് ഉദ്ഘാടനം ചെയ്തു പ്രസംഗിക്കുന്നു.
ഇരിട്ടി: ജസ്റ്റിസ് ജെ.ബി. കോശി കമ്മീഷൻ റിപ്പോർട്ട് പൂർണമായും പ്രസിദ്ധീകരിക്കുകയും റിപ്പോർട്ടിൻ മേൽ ഇതുവരെയായി സർക്കാർ സ്വീകരിച്ച നടപടികൾ ക്രൈസ്തവ സമൂഹത്തെ ബോധ്യപ്പെടുത്തുകയും വേണമെന്ന് എകെസിസി കുന്നോത്ത് ഫൊറോന എക്സിക്യുട്ടീവ് യോഗം ആവശ്യപ്പെട്ടു. കുന്നോത്ത് സെന്റ് തോമസ് പാരിഷ് ഹാളിൽ നടന്ന യോഗം ഫൊറോന വികാരി ഫാ. സെബാസ്റ്റ്യൻ മുക്കിലിക്കാട്ട് ഉദ്ഘാടനം ചെയ്തു. ഗ്ലോബൽ ഡയറക്ടർ റവ. ഡോ. ഫിലിപ്പ് കവിയിൽ മുഖ്യപ്രഭാഷണം നടത്തി. പ്രസിഡന്റ് മാത്യു വള്ളോംകോട്ട് അധ്യക്ഷത വഹിച്ചു.
മാർച്ചിൽ കണ്ണൂരിൽ നടക്കുന്ന എകെസിസി സംസ്ഥാന സമ്മേളനത്തിന്റെ വിജയത്തിനായുള്ള കർമ പദ്ധതികൾ തയാറാക്കി. സമ്മേളനത്തിൽ പരമാവധി ആളുകളെ പങ്കെടുപ്പിക്കുന്നതിനായി ഫൊറോനയിലെ വീടുകൾ സന്ദർശിച്ച് പ്രചാരണം നടത്താൻ തീരുമാനിച്ചു. സമ്മേളനവിജയത്തിനായി ഫൊറാനവികാരി ഫാ. സെബാസ്റ്റ്യൻ മുക്കിലിക്കാട്ടിനെ രക്ഷാധികാരിയായ കമ്മിറ്റി രൂപീകരിച്ചു. ബെന്നി പുതിയാമ്പുറം, ബെന്നിച്ചൻ മഠത്തിനകം, ഷാജു ഇടശേരി, ജോബി കുര്യൻ, അൽഫോൻസ് കളപ്പുര, എൻ.വി. ജോസഫ് നെല്ലിക്കുന്നേൽ, ഷിബു കുന്നപ്പള്ളി എന്നിവർ പ്രസംഗിച്ചു.