15

കൊച്ചി: കാലടി-പെരുമ്പാവൂര്‍ റോഡിലെ കിംഗ്‌സ് ലോഡ്ജില്‍ വയോധികന്‍ തീപ്പൊള്ളലേറ്റ് മരിച്ചനിലയില്‍. ലോഡ്ജിലെ ജീവനക്കാരനായ കാഞ്ഞൂര്‍ വടക്കുംഭാഗം സ്വദേശി കെ.കെ. മോഹനന്‍ (73) ആണ് മരിച്ചത്. രാവിലെ പത്തരയോടെയാണ് ലോഡ്ജിലെ അടച്ചിട്ട മുറിയില്‍ നിന്നും പുക ഉയരുന്നത് കണ്ടത്.

പിന്നാലെ പൊലിസിലും ഫയര്‍ഫോഴ്‌സിലും വിവരം അറിയിക്കുകയായിരുന്നു. തീയണച്ചതിന് ശേഷം മോഹനനെ ഗുരുതരമായി പൊളളലേറ്റ നിലയില്‍ കണ്ടെത്തുകയായിരുന്നു. ഉടന്‍ തന്നെ തൊട്ടടുത്തുള്ള ആശുപത്രിയില്‍ എത്തിച്ചെങ്കിലും മരണപ്പെട്ടിരുന്നു.

സംഭവസ്ഥലത്ത് നടത്തിയ പരിശോധനയില്‍ നിന്നും മണ്ണെണ്ണ കാന്‍ ലഭിച്ചു. മണ്ണെണ്ണ ഒഴിച്ചു തീകൊളുത്തി ജീവനൊടുക്കുകയായിരുന്നുവെന്നാണ് പ്രാഥമിക നിഗമനം. മോഹനന്‍ നാലു വര്‍ഷമായി കാലടിയിലെ ലോഡ്ജില്‍ ജീവനക്കാരനായി ജോലി ചെയ്തു വരികയായിരുന്നു.

Tags : ElderlyMan Dead Burn Fire Lodge