11

തി​രു​വ​ന​ന്ത​പു​രം: സി​റാ​ജ് ദി​ന​പ​ത്ര​ത്തി​ന്‍റെ മു​ൻ തി​രു​വ​ന​ന്ത​പു​രം ബ്യൂ​റോ ചീ​ഫ് കെ. ​എം. ബ​ഷീ​ർ വാ​ഹ​നാ​പ​ക​ട​ത്തി​ൽ കൊ​ല്ല​പ്പെ​ട്ട കേ​സി​ൽ പ്ര​തി​യാ​യ ഐ​എ​എ​സ് ഉ​ദ്യോ​ഗ​സ്ഥ​ൻ ശ്രീ​റാം വെ​ങ്കി​ട്ട​രാ​മ​നെ​തി​രേ വി​ചാ​ര​ണ​ക്കോ​ട​തി​യി​ൽ സാ​ക്ഷി​ക​ളു​ടെ നി​ർ​ണാ​യ​ക മൊ​ഴി.

അ​പ​ക​ട​സ​മ​യ​ത്ത് ശ്രീ​റാം ധ​രി​ച്ചി​രു​ന്ന ര​ക്തം പു​ര​ണ്ട വ​സ്ത്ര​ങ്ങ​ൾ അ​ദ്ദേ​ഹ​ത്തി​ന്‍റെ ക്വാ​ർ​ട്ടേ​ഴ്സി​ലേ​ക്ക് മാ​റ്റി​യ​താ​യി സു​ഹൃ​ത്തും ഡോ​ക്ട​റു​മാ​യ അ​നീ​ഷ് രാ​ജ് തി​രു​വ​ന​ന്ത​പു​രം നാ​ലാം അ​ഡീഷ​ണ​ൽ സെ​ഷ​ൻ​സ് കോ​ട​തി​യി​ൽ മൊ​ഴി ന​ൽ​കി. അ​പ​ക​ട​ത്തി​നുശേ​ഷം ശ്രീ​റാം ധ​രി​ച്ചി​രു​ന്ന ര​ക്തം പു​ര​ണ്ട വ​സ്ത്ര​ങ്ങ​ൾ ക​വ​ടി​യാ​റി​ലെ സി​വി​ൽ സ​ർ​വീ​സ് ക്വാ​ർ​ട്ടേ​ഴ്സി​ൽ കൊ​ണ്ടു​പോ​യി വെ​ക്കു​ക​യാ​യി​രു​ന്നു. തു​ട​ർ​ന്നു പു​തി​യ വ​സ്ത്ര​ങ്ങ​ൾ ധ​രി​പ്പി​ച്ച ശേ​ഷ​മാ​ണ് ശ്രീ​റാ​മി​നെ കിം​സ് ആ​ശു​പ​ത്രി​യി​ൽ എ​ത്തി​ച്ച​തെ​ന്ന് പ​ത്താം സാ​ക്ഷി​യാ​യ ഡോ. ​അ​നീ​ഷ് രാ​ജ് പ​റ​ഞ്ഞു.

ക​വ​ടി​യാ​റി​ലെ ക്വാ​ർ​ട്ടേ​ഴ്സി​ൽവ​ച്ചി​രു​ന്ന ര​ക്തം പു​ര​ണ്ട ടി-​ഷ​ർ​ട്ടും ജീ​ൻ​സും പി​ന്നീ​ട് പൊ​ലീ​സി​ന് എ​ടു​ത്തു​ന​ൽ​കി​യ​ത് ശ്രീ​റാ​മി​ന്‍റെ ഐ​എ​എ​സ് അ​ക്കാ​ദ​മി​യി​ലെ സ​ഹ​പാ​ഠി​യാ​യി​രു​ന്ന അ​മ​രീ​ന്ദ്ര സിം​ഗ് ആ​ണെ​ന്ന് പ​തി​നൊ​ന്നാം സാ​ക്ഷി​യാ​യ അ​മ​രീ​ന്ദ്ര സി​ങ് കോ​ട​തി​യി​ൽ വ്യ​ക്ത​മാ​ക്കി. എ​ന്നാ​ൽ, അ​ന്ന് പൊ​ലീ​സി​നു ന​ൽ​കി​യ അ​തേ വ​സ്ത്ര​ങ്ങ​ൾ ത​ന്നെ​യാ​ണോ ഇ​പ്പോ​ൾ കോ​ട​തി​യി​ൽ കാ​ണി​ച്ച​ത് എ​ന്ന പ്ര​തി​ഭാ​ഗ​ത്തി​ന്‍റെ ചോ​ദ്യ​ത്തി​ന് "വ്യ​ക്ത​മാ​യി ഓ​ർ​മ​യി​ല്ല' എ​ന്നാ​ണ് ഇ​രു​സാ​ക്ഷി​ക​ളും മ​റു​പ​ടി ന​ൽ​കി​യ​ത്.

കേ​സി​ലെ ഏ​ക പ്ര​തി​യാ​യ ശ്രീ​റാം വെ​ങ്കി​ട്ട​രാ​മ​നെ​തി​രെ മ​നഃ​പൂ​ർ​വ​മ​ല്ലാ​ത്ത ന​ര​ഹ​ത്യ, അ​പ​ക​ട​ക​ര​മാ​യും മ​ദ്യ​പി​ച്ചും വാ​ഹ​ന​മോ​ടി​ക്ക​ൽ, തെ​ളി​വ് ന​ശി​പ്പി​ക്ക​ൽ എ​ന്നീ ഗു​രു​ത​ര വ​കു​പ്പു​ക​ളാ​ണ് ചു​മ​ത്തി​യി​ട്ടു​ള്ള​ത്. 2019 ഓ​ഗ​സ്റ്റ് മൂ​ന്നി​ന് പു​ല​ർ​ച്ചെ​യാ​ണ് ശ്രീ​റാം വെ​ങ്കി​ട്ട​രാ​മ​നും സു​ഹൃ​ത്ത് വ​ഫ ഫി​റോ​സും സ​ഞ്ച​രി​ച്ചി​രു​ന്ന അ​മി​ത​വേ​ഗ​ത​യി​ലു​ള്ള കാ​റി​ടി​ച്ച് മാ​ധ്യ​മ​പ്ര​വ​ർ​ത്ത​ക​നാ​യ കെ.എം. ബ​ഷീ​ർ കൊ​ല്ല​പ്പെ​ടു​ന്ന​ത്. പ്രോ​സി​ക്യൂ​ഷ​നു​വേ​ണ്ടി അ​ഡീഷ​ണ​ൽ പ​ബ്ലി​ക് പ്രോ​സി​ക്യൂ​ട്ട​ർ ബി. ​എ​സ്. രാ​ജേ​ഷ് കോ​ട​തി​യി​ൽ ഹാ​ജ​രാ​യി. വി​ചാ​ര​ണ ന​ട​പ​ടി​ക​ൾ പു​രോ​ഗ​മി​ക്കു​ക​യാ​ണ്.

Tags : Nattuvishesham DistrictNews DeepikaNews murder case