വടക്കഞ്ചേരി: തെക്കൻ ജില്ലകളിൽ നിന്നുള്ളവർ കൂടുതലായി താമസിക്കുന്ന കിഴക്കഞ്ചേരി, മംഗലംഡാം മേഖലയിൽനിന്നു കോട്ടയം ഉൾപ്പെടെയുള്ള തെക്കൻ ജില്ലകളിലേക്ക് കൂടുതൽ കെഎസ്ആർടിസി ബസ് സർവീസുകൾ ആരംഭിക്കണമെന്ന് കേരള കോൺഗ്രസ് നിയോജകമണ്ഡലം കമ്മിറ്റി യോഗം ആവശ്യപ്പെട്ടു.
വടക്കഞ്ചേരി ഡിപ്പോയിൽ നിന്നും പാണ്ടാംകോട് വരെ പോകുന്ന കെ
എസ്ആർടിസി ബസ് മലയോരമായ അമ്പിട്ടൻതരിശു വരെ ദീർഘിപ്പിക്കണം. കൂടുതൽ സർവീസുകൾ ആരംഭിക്കണമെന്നാവശ്യവുമായി ഗതാഗതവകുപ്പു മന്ത്രി സി.പി. ജോൺ, വടക്കഞ്ചേരി ഡിപ്പോ മാനേജർ, ജില്ലാ ട്രാൻസ്പോർട്ട് ഓഫീസർ എന്നിവർക്ക് നിവേദനം നൽകാനും യോഗം തീരുമാനിച്ചു.
എൽഡിഎഫിന്റെ ദുർഭരണത്തിന് ജനങ്ങൾ നൽകിയ തിരിച്ചടിയാണ് യുഡിഎഫിന്റെ ഉജ്വല വിജയമെന്ന് യോഗം വിലയിരുത്തി.
ജില്ലാ പ്രസിഡന്റ് ജോബി ജോൺ ഉദ്ഘാടനം ചെയ്തു. സംസ്ഥാന കമ്മിറ്റി അംഗങ്ങളായ ചാർളി മാത്യു, വി.കെ. വർഗീസ്, ടി.കെ. വത്സലൻ, വി.എ. ബെന്നി, ബേബി മുല്ലമംഗലം, സന്തോഷ് പ്രസംഗിച്ചു.