പരപ്പ: പരപ്പ ആസ്ഥാനമായി പഞ്ചായത്തും വൈദ്യുതി സെക്ഷൻ ഓഫീസും അനുവദിക്കണമെന്നും അനധികൃത വഴിയോര കച്ചവടം പൂർണമായും തടയണമെന്നും വ്യാപാരി വ്യവസായി ഏകോപന സമിതി പരപ്പ യൂണിറ്റ് വാർഷിക പൊതുയോഗം ആവശ്യപ്പെട്ടു. ജില്ലാ പ്രസിഡന്റ് കെ. അഹമ്മദ് ഷെരീഫ് ഉദ്ഘാടനം ചെയ്തു. യൂണിറ്റ് പ്രസിഡന്റ് ടി. അനാമയൻ അധ്യക്ഷത വഹിച്ചു. കെ.ജെ. സജി, തോമസ് കാനാട്ട്, സി.എച്ച്.
മുഹമ്മദ് കുഞ്ഞി, സുധീഷ് കുളത്തിങ്കൽ, സലിം സിറ്റി, ഹെൻട്രി ജോസഫ്, വിജയൻ കോട്ടക്കൽ, ദാമോദരൻ, ആഷിഫ്, ഷെരീഖ്, സാബു തകടിയേൽ, രാജീവൻ പരപ്പ, സൗമ്യ ശിവരാജ് എന്നിവർ പ്രസംഗിച്ചു.
ഭാരവാഹികളായി വി. നാരായണൻ- പ്രസിഡന്റ്, സലിം സിറ്റി- സെക്രട്ടറി, സുധീഷ് കുളത്തിങ്കൽ- ട്രഷറർ എന്നിവരെ തെരഞ്ഞെടുത്തു.