തൃശൂർ: കലയും സാഹിത്യവും ജീവിതമൂല്യങ്ങളെ ഉയർത്തിപ്പിടിക്കുന്നതാവണമെന്നും സമൂഹത്തിന് ഉത്തമമായ സന്ദേശം നൽകുമ്പോഴാണ് ആ ദൗത്യം പൂർത്തിയാകുന്നതെന്നും സംവിധായകൻ സത്യൻ അന്തിക്കാട്.
തൃശൂർ ലിറ്റററി ഫോറത്തിന്റെ ആഭിമുഖ്യത്തിൽ ചേറൂർ സാഹിതിയിൽ സംഘടിപ്പിച്ച സിനിമാരവങ്ങൾ പ്രദർശന സംവാദ പരിപാടി ഉദ്ഘാടനംചെയ്തു പ്രസംഗിക്കുകയായിരുന്നു അദ്ദേഹം. തിരക്കഥാകൃത്തും സംവിധായകനും അവതാരകനുമായ ഹരി പി. നായർ രചനയും സംവിധാനവും നിർവഹിച്ച "ഒന്ന്' ഷോർട്ട് ഫിലിമിന്റെ പ്രദർശനോദ്ഘാടനവും കചടതപ, പുഞ്ചിരിക്കൂ പരസ്പരം എന്നീ ഷോർട്ട് ഫിലിമുകളുടെ പ്രദർശനവും പ്രഭാഷണങ്ങളും സംവാദവുമുൾപ്പെട്ട സിനിമാരവങ്ങളിൽ എഴുത്തുകാരനും തൃശൂർ ലിറ്റററി ഫോറം പ്രസിഡന്റുമായ കെ. ഉണ്ണികൃഷ്ണൻ അധ്യക്ഷതവഹിച്ചു.
ചലച്ചിത്രസംവിധായകനും എഴുത്തുകാരനുമായ എം.ഡി. രാജേന്ദ്രൻ, ചലച്ചിത്രതാരങ്ങളായ സുനിൽ സുഖദ, രഞ്ജിത മേനോൻ, നന്ദകിഷോർ എന്നിവർ വിവിധ വിഷയങ്ങളിൽ പ്രഭാഷണങ്ങൾ നടത്തി. സാഹിതി ഡയറക്ടർ അപർണ ബാലകൃഷ്ണൻ, ഡോ. സരസ്വതി ബാലകൃഷ്ണൻ, എം.ഡി. രത്നമ്മ, കെ. രഘുനാഥൻ, മോഹൻദാസ് പാറപ്പുറത്ത് പ്രസംഗിച്ചു.
Tags : Satyan Anthikadu Nattuvishesham District News