മണത്ര കിഴക്കേതില് എം.ജി. കോശിയുടെ പുരയിടം നദിയിലേക്ക് ഇടിഞ്ഞ നിലയില്.
തിരുവല്ല: കടപ്ര പുളിക്കീഴില് സ്വകാര്യ വ്യക്തികളുടെ ഭൂമി മണിമലയാറ്റിലേക്ക് ഇടിഞ്ഞുതാഴ്ന്നു. കടപ്ര രണ്ടാം വാര്ഡില് ഉള്പ്പെടുന്ന അടുക്കത്തില്പടി ഭാഗത്തെ പുതുപ്പറമ്പില് മോന്സി പി. ഏബ്രഹാം, അയല്വാസികളായ മണത്ര കിഴക്കേതില് എം.ജി. കോശി, സഹോദരങ്ങളായ സ്റ്റീഫന് തോമസ്, സക്കറിയ തോമസ് എന്നിവരുടെ ആറ് സെന്റോളം ഭൂമിയാണ് കഴിഞ്ഞ ദിവസത്തെ ശക്തമായ മഴയില് മണിമലയാറ്റിലേക്ക് പതിച്ചത്.
നദീതീരം ഇടിഞ്ഞതാഴ്ന്നത് സി.പി. ഏബ്രഹാമിന്റെയും എം.ജി. കോശിയുടെയും വീടുകള്ക്ക് ഭീഷണി ഉയര്ത്തുന്നുണ്ട്. കോശിയുടെ പുരയിടത്തില് നിന്നിരുന്ന മരങ്ങളടക്കം ആറ്റിലേക്ക് പതിച്ച നിലയിലാണ്. റവന്യു, ഇറിഗേഷന് വകുപ്പ് ഉദ്യോഗസ്ഥര് സ്ഥലം സന്ദര്ശിച്ചിരുന്നു. നാല് പുലിമുട്ടുകള് സ്ഥിതി ചെയ്യുന്ന ഈ ഭാഗത്ത് തീരസംരക്ഷണത്തിനായി കല്ക്കെട്ട് നിര്മിക്കാന് എംഎല്എയുടെ അടിയന്തര ഇടപെടലുണ്ടാകണമെന്ന് പ്രദേശവാസികള് ആവശ്യപ്പെട്ടു.