പത്തനംതിട്ട: ശബരിമലയില് തീര്ഥാടനകാല സേവനത്തിന് ഡോക്ടര്മാരെയും അനുബന്ധ ജീവനക്കാരെയും ദേവസ്വം ബോര്ഡ് സ്വന്തം ചെലവില് കണ്ടെത്തണമെന്ന സര്ക്കാര് ഉത്തരവ് ശബരിമലയോടും തീര്ഥാടകരോടുമുള്ള അവഹേളനമാണെന്ന് തിരുവിതാംകൂര് ദേവസ്വം ദേശീയ പ്രചാരസഭ അഭിപ്രായപ്പെട്ടു.
രാജ്യത്തെ ഏറ്റവും പ്രമുഖ ക്ഷേത്രമായ ശബരിമലയില് ഇതര സംസ്ഥാനങ്ങളില്നിന്നും ലോകത്തിന്റെ വിവിധ ഭാഗങ്ങളില്നിന്നും കോടിക്കണക്കിന് തീര്ഥാടകരാണ് എത്തുന്നത്. തീര്ഥാടകരുടെ ചികിത്സയ്ക്കായി മുന് സര്ക്കാരുകള് അലോപ്പതി, ആയുര്വേദ ആശുപത്രികള്, കാര്ഡിയോളജി സെന്റര് തുടങ്ങിയവ സ്ഥാപിക്കുകയും ആവശ്യാനുസരണം ഡോക്ടര്മാരെ നിയമിക്കുകയും ചെയ്തിരുന്നു.
രാഷ്ട്രീയതാത്പര്യം മുന്നിര്ത്തിയുള്ള ഉത്തരവ് പിന്വലിച്ചില്ലെങ്കില് പ്രക്ഷോഭത്തിന് പ്രചാരസഭ തയാറാകുമെന്ന് ചെയര്മാന് ആര്. ഷാജിശര്മയും ജനറല് കണ്വീനര് ആനയറ ചന്ദ്രനും പറഞ്ഞു.
Tags : Local News Nattuvishesham Pathanamthitta