അഗ്രികൾച്ചറൽ പ്രമോഷണൽ സൊസൈറ്റിയുടെ ആഭിമുഖ്യത്തില് മറൈൻഡ്രൈവ് ഹെലിപ്പാഡ് ഗ്രൗണ്ടിൽ ആരംഭിച്ച മാമ്പഴങ്ങളുടെ പ്രദര്ശന-വിപണന മേള ഉദ്ഘാടനം ചെയ്ത നടി അഞ്ജ
കൊച്ചി: രുചിയുടെ മാമ്പഴക്കാലത്തിന് കൊച്ചിയില് തുടക്കമായി. അഗ്രികൾച്ചറൽ പ്രമോഷണൽ സൊസൈറ്റിയുടെ ആഭിമുഖ്യത്തില് ഇന്ത്യയ്ക്കകത്തും പുറത്തുമുള്ള വ്യത്യസ്ത തരത്തിലുള്ള മാമ്പഴങ്ങളുടെ പ്രദര്ശന-വിപണന മേള മറൈൻഡ്രൈവ് ഹെലിപ്പാഡ് ഗ്രൗണ്ടിലാണ് നടക്കുന്നത്. നടി അഞ്ജന അപ്പുക്കുട്ടൻ ഉദ്ഘാടനം ചെയ്തു.
മല്ഗൊവ, ചക്കരക്കട്ടി, തോട്ടാപൂരി, ബംഗനപ്പള്ളി, കാട്ടു സുന്ദരി, നീലം, അൽഫോന്സ, കല്ലുകട്ടി തുടങ്ങിയ പരിചിത ഇനങ്ങള്ക്ക് പുറമേ കേസര്, റുമാനി, ബോംബെ ഗ്രീന്, ഹിമസാഗര്, രാജാപുരി, ബദാമി, ഹിമയുദ്ധീന്, ഒലോര്, സഫെധ, രാസ്പുനിയ, മല്ലിക, ഹിമാപസത്ത്, അമ്രപാലി, പൂരി, സിന്ധൂരി, നൗരാസ്, സുവര്ണരേഖ, അല് ബദ്രി, ചുങ്കിരി, ഗുലാബ്ഖസ്, ലങ്ഗ്ര, രസൌസി, തംബൂര്, ടോമി, റ്റെലുര് മസിന്, അല് സുഹാന, മാതംഗി തുടങ്ങി 99 തരം മാമ്പഴങ്ങളാണ് പ്രദര്ശനത്തിനുള്ളത്.
മലയാളികള്ക്ക് പരിചിതമല്ലാത്ത ഒട്ടേറെ മാമ്പഴ വിഭവങ്ങളും മേളയിലുണ്ട്. കേരളത്തിനകത്തും പുറത്തും വിളഞ്ഞ മാമ്പഴങ്ങള് പ്രകൃതിദത്തമായ രീതിയില് പുഴുപ്പിച്ചാണ് മേളയില് പ്രദര്ശിപ്പിക്കുന്നത്.
കൺസ്യൂമർ ഫെസ്റ്റ്, ഫുഡ് ഫെസ്റ്റ്, പായസമേള, ഫർണിച്ചർ മേള, നഴ്സറി, കിഡ്സ് സോൺ എന്നിവയും മാംഗോ ഫെസ്റ്റിന്റെ ഭാഗമായുണ്ട്. 30 രൂപ മുതൽ സാധനങ്ങൾ വാങ്ങാൻ കഴിയുന്ന ഡിസ്കൗണ്ട് മേളയും ഇതോടനുബന്ധിച്ച് നടക്കുന്നു. മാമ്പഴ മേള ജൂൺ 30ന് സമാപിക്കും. ഫെസ്റ്റിന്റെ സമയം രാവിലെ 11 മുതൽ രാത്രി ഒന്പതു വരെയാണ്. മാമ്പഴ തീറ്റ മത്സരം, ഡ്രോയിംഗ് കോംപറ്റീഷൻ, തേങ്ങ ചിരണ്ടൽ മത്സരം, കേക്ക് മേക്കിംഗ് ഷോ തുടങ്ങിയ വ്യത്യസ്തങ്ങളായ മത്സരങ്ങളും ഫെസ്റ്റിന്റെ ഭാഗമായി സംഘടിപ്പിച്ചിട്ടുണ്ട്.
Tags : Local News Nattuvishesham Ernakulam