കറുകച്ചാൽ: ഇരുപത്തഞ്ച് വർഷം മുമ്പ് തുടങ്ങിയതും ഇതുവരെ 50 കോടിയിലധികം രൂപ ചിലവഴിച്ചിട്ടും പാതിവഴിയിൽ മുടങ്ങിയതുമായ മണിമല മേജർ കുടിവെള്ള പദ്ധതി പൂർത്തിയാക്കണമെന്ന് കേരള കോൺഗ്രസ് വെള്ളാവൂർ മണ്ഡലം കമ്മിറ്റി ആവശ്യപ്പെട്ടു.
വെള്ളാവൂർ, വാഴൂർ, മണിമല, ചെറുവള്ളി ആനിക്കാട് എന്നീ അഞ്ച് പഞ്ചായത്തുകളിൽ കുടിവെള്ളമെത്തിക്കുന്നതിന് ആരംഭിച്ച കുടിവെള്ള പദ്ധതി മുടങ്ങിയിട്ട് നാളുകളായെന്ന് യോഗം ചൂണ്ടിക്കാട്ടി.
ജില്ലാ പഞ്ചായത്ത് പൊതുമരാമത്ത് സ്റ്റാന്ഡിംഗ് കമ്മിറ്റി ചെയർമാൻ എൻ. അജിത് മുതിരമല യോഗം ഉദ്ഘാടനം ചെയ്തു. മണ്ഡലം പ്രസിഡന്റ് ജോഷി മാത്യു അധ്യക്ഷത വഹിച്ചു. നിയോജക മണ്ഡലം പ്രസിഡന്റ് സി.വി. തോമസുകുട്ടി, ഹൈപവർ കമ്മിറ്റിയംഗം അഡ്വ. പി.സി. മാത്യു, ജില്ലാ സെക്രട്ടറി ജോയി മാൻകുഴിയിൽ, ബേബിച്ചൻ പിച്ചനാട്ട്, മാത്തുക്കുട്ടി നെുംതോട്ടത്തിൽ, റോബിൻ ആന്റണി, സിബിച്ചൻ പടിഞ്ഞാറേമുറി, ശശി പെരുപ്രാൽ, ജിജി അഞ്ചാനി തുടങ്ങിയവർ പ്രസംഗിച്ചു.
Tags : Local News Nattuvishesham Kottayam