ചങ്ങനാശേരി: ചങ്ങനാശേരി-വാഴൂര് റോഡും പെരുന്തുരുത്തി-ഏറ്റുമാനൂര് ബൈപാസും സംഗമിക്കുന്ന തെങ്ങണ ജംഗ്ഷനില് ടാറിംഗ് പൊളിഞ്ഞ് റോഡ് തകര്ന്ന നിലയിൽ.
ഗട്ടറുകളിലെ വെള്ളക്കെട്ടും ചെളിയും വാഹനങ്ങള്ക്കും കാല്നടയാത്രക്കാര്ക്കും ദുരിതമായി.
കോട്ടയം റോഡിന്റെ തുടക്കത്തിലും റൗണ്ടാനയ്ക്കു ചുറ്റിലുമാണ് ടാറിംഗ് പൊളിഞ്ഞു തകര്ന്നത്. മഴ ശക്തമായതോടെ റോഡിലെ ടാറിംഗ് അവശിഷ്ടങ്ങളിളകി തെറിച്ച നിലയിലാണ്. ടാറിംഗ് പൊളിഞ്ഞതോടെ ഈ ജംഗ്ഷനില് ഗതാഗതക്കുരുക്ക് അതിരൂക്ഷമാണ്.
പഴക്കംചെന്ന ജലവിതരണ പൈപ്പുകള് പൊട്ടുന്നതും ജല്ജീവന് പൈപ്പ് സ്ഥാപിക്കുന്നതിനായി കുഴിച്ച കുഴികള് കാര്യക്ഷമമായി മൂടാതിരുന്നതും ടാറിംഗ് നടത്താതിരുന്നതുമാണ് റോഡ് ചെളിക്കുളമാകാന് കാരണം.
ജംഗ്ഷന്റെ പല ഭാഗങ്ങളിലെ ഓടകളും അടഞ്ഞ് ഒഴുക്ക് തടസപ്പെട്ടിരിക്കുകയാണ്. പല ഭാഗങ്ങളിലും റോഡിലൂടെ വെള്ളം ഒഴുകുന്നതും റോഡിന്റെ തകര്ച്ചയ്ക്ക് കാരണമായി.
Tags : Local News Nattuvishesham Kottayam