ചെറുപുഴ: ചെറുപുഴ പഞ്ചായത്തും പുളിങ്ങോം കുടുംബാരോഗ്യ കേന്ദ്രവും സംയുക്തമായി നടത്തുന്ന മഴക്കാലത്തിന് മുന്പായുള്ള രണ്ടാം ഘട്ട മെഗാശുചീകരണത്തിന് തുടക്കമായി. ചെറുപുഴ പോലീസ് സ്റ്റേഷൻ പരിസരത്ത് പഞ്ചായത്ത് പ്രസിഡന്റ് ലൈസമ്മ പനയ്ക്കൽ ഉദ്ഘാടനം ചെയ്തു.
സ്റ്റാൻഡിംഗ് കമ്മിറ്റി ചെയർപേഴ്സൺ ലീന വില്യം അധ്യക്ഷത വഹിച്ചു. വൈസ് പ്രസിഡന്റ് സതീശൻ കാർത്തികപ്പള്ളി, സ്റ്റാൻഡിംഗ് കമ്മിറ്റി ചെയർപേഴ്സൺമാരായ ലളിത ബാബു, കെ.ഡി. പ്രവീൺ, ചെറുപുഴ പോലീസ് സ്റ്റേഷൻ എസ്എച്ച്ഒ കെ.ജെ. ജോബി ജോസഫ്, പഞ്ചായത്ത് സെക്രട്ടറി ബിറ്റാജ് തോമസ്, കൃഷി ഓഫീസർ കെ.ആർ. ജിതിൻ, ഹെൽത്ത് ഇൻസ്പെക്ടർ വി. മുഹമ്മദ് ശരീഫ്, ജോബിൻ ജോർജ് എന്നിവർ പ്രസംഗിച്ചു. എസ്പിസി വിദ്യാർത്ഥികൾ, ആശാ, ആരോഗ്യ പ്രവർത്തകർ, സാമൂഹ്യ പ്രവർത്തകർ തുടങ്ങിയവർ ശുചീകരണത്തിൽ പങ്കെടുത്തു. ഡെങ്കിപ്പനിക്ക് എതിരെ കാന്പയിനിന്റെ ഭാഗമായി തോട്ടങ്ങളിലേക്ക് നീങ്ങാം പരിപാടിയും സംഘടിപ്പിച്ചു.