4

കൊ​ല്ലം: കെ​എ​സ്ആ​ര്‍​ടി​സി ഡിപ്പോയിൽ പു​തി​യ കെ​ട്ടി​ടം നി​ര്‍​മി​ക്കാ​നു​ള്ള പ​ദ്ധ​തി​യി​ല്‍ അ​നി​ശ്ചി​ത​ത്വം. അപകടാവസ്ഥയിലുള്ള നി​ല​വി​ലെ ഗാ​രേ​ജ് പൊ​ളി​ച്ച് പു​തി​യ കെ​ട്ടി​ടം നി​ര്‍​മി​ക്കാ​നു​ള്ള പ​ദ്ധ​തി​യോ​ട് സ്ഥ​ലം എം​എ​ല്‍​എ​കൂ​ടി​യാ​യ മ​ന്ത്രി ബി​ന്ദു​കൃ​ഷ്ണ എ​തി​ര്‍​പ്പ് ഉ​ന്ന​യി​ച്ച​താ​ണ് അ​നി​ശ്ചി​ത​ത്വ​ത്തി​ന് ഇ​ട​യാ​ക്കു​ന്ന​ത്. താ​ലൂ​ക്ക് ക​ച്ചേ​രി ജ​ംഗ്ഷ​നി​ല്‍ ബ​സ് സ്റ്റാ​ന്‍​ഡു​കൂ​ടി വ​രു​ന്ന​തോ​ടെ തി​ര​ക്ക് അ​നി​യ​ന്ത്രി​ത​മാ​കു​മെ​ന്നും ഗ​താ​ഗ​ത​ക്കു​രു​ക്ക് പ​തി​വാ​കു​മെ​ന്നും ജി​ല്ലാ ആ​ശു​പ​ത്രി​യി​ലേ​ക്ക് പോ​കു​ന്ന രോ​ഗി​ക​ൾ ഇ​തു​മൂ​ലം ബു​ദ്ധി​മുട്ടുമെന്നും ബിന്ദു കൃഷ്ണ പറയുന്നു. ക​ച്ചേ​രി​യി​ലെ ബ​സ് സ്റ്റോപ്പും ഓ​ട്ടോ സ്റ്റാ​ന്‍​ഡും ഇ​വി​ടെ​നി​ന്ന് മാ​റ്റേ​ണ്ടി​വ​രു​മെ​ന്നും ഒ​ട്ടേ​റെ​പ്പേ​രു​ടെ ഉ​പ​ജീ​വ​ന​മാ​ര്‍​ഗം ഇ​തോ​ടെ ഇ​ല്ലാ​താ​കു​മെ​ന്നും എ​തി​ര്‍​പ്പ് ഉ​ന്ന​യി​ച്ച് മന്ത്രി ബിന്ദു കൃഷ്ണ പറയുന്നു.

നി​ല​വി​ലെ ഗാ​രേ​ജ് പൊ​ളി​ച്ച് അ​വി​ടെ പു​തി​യ കെ​ട്ടി​ടം നി​ര്‍​മി​ക്കാ​നാ​ണ് പ​ദ്ധ​തി ത​യാ​റാ​ക്കി​യി​ട്ടു​ള്ള​ത്. പൊ​തു​മ​രാ​മ​ത്ത് കെ​ട്ടി​ട​വി​ഭാ​ഗ​ത്തി​ന്‍റെ നേ​തൃ​ത്വ​ത്തി​ല്‍ ഇ​തി​നു​ള്ള ന​ട​പ​ടി​ക​ള്‍ വേ​ഗ​ത്തി​ലാ​ക്കി​യി​രു​ന്നു. ടെ​ന്‍​ഡ​ര്‍ ന​ട​പ​ടി​ക​ളാ​ണ് അ​ടു​ത്ത ഘ​ട്ടം. ഗാ​രേ​ജ് പൊ​ളി​ച്ചു​മാ​റ്റു​മ്പോ​ള്‍ ബ​സു​ക​ളു​ടെ അ​ടി​യ​ന്ത​ര അ​റ്റ​കു​റ്റ​പ്പ​ണി​ക​ള്‍​ക്കാ​യി താ​ത്കാ​ലി​ക സൗ​ക​ര്യ​മൊ​രു​ക്കു​ന്ന​തി​ന് ഡി​പ്പോ​യ്ക്കു പി​ന്നി​ലെ പ​ഴ​യ കാ​ന്‍റീന്‍ കെ​ട്ടി​ടം പൊ​ളി​ച്ച് സ്ഥ​ലം നി​ര​പ്പാ​ക്കി​യി​രു​ന്നു. കെ​എ​സ്ആ​ര്‍​ടി​സി​യു​ടെ ടി​ക്ക​റ്റിത​ര വ​രു​മാ​നം വ​ര്‍​ധി​പ്പി​ക്കു​ന്ന​തി​ന്‍റെ ഭാ​ഗ​മാ​യി നി​ല​വി​ലെ ഡി​പ്പോ കെ​ട്ടി​ട​ത്തി​ന്‍റെ സ്ഥാ​ന​ത്ത് പു​തി​യ കെ​ട്ടി​ടം നി​ര്‍​മി​ക്കാ​നും വി​നോ​ദ​സ​ഞ്ചാ​രി​ക​ള്‍​ക്കാ​യി പ്ര​യോ​ജ​ന​പ്പെ​ടു​ത്താ​നും ല​ക്ഷ്യ​മു​ണ്ടാ​യി​രു​ന്നു.
മു​ന്‍ എം​എ​ല്‍എ. എം. ​മു​കേ​ഷി​ന്‍റെ ആ​സ്തി​വി​ക​സ​ന ഫ​ണ്ടി​ല്‍​നി​ന്നു​ള്ള അ​ഞ്ചു​കോ​ടി രൂ​പ​യും 2025-

26 സാ​മ്പ​ത്തി​ക വ​ര്‍​ഷ​ത്തെ ബ​ജ​റ്റ് ഫ​ണ്ടി​ല്‍​നി​ന്നു​ള്ള പ​ത്തു​കോ​ടി രൂ​പ​യും ഉ​ള്‍​പ്പെ​ടെ 15 കോ​ടി രൂ​പ ഉ​പ​യോ​ഗി​ച്ചാ​ണ് നി​ല​വി​ലെ ഗാ​രേ​ജി​ല്‍ പു​തി​യ ബ​സ് ടെ​ര്‍​മി​ന​ല്‍ നി​ര്‍​മി​ക്കാ​ന്‍ ഉ​ദ്ദേ​ശി​ച്ചി​രു​ന്ന​ത്. പ്രീ-​ഫാ​ബ് സാ​ങ്കേ​തി​ക​വി​ദ്യ ഉ​പ​യോ​ഗി​ച്ച് അ​ത്യാ​ധു​നി​ക സൗ​ക​ര്യ​ങ്ങ​ളു​ള്ള കെ​ട്ടി​ടം നി​ര്‍​മി​ക്കാ​നാ​യി​രു​ന്നു ഉ​ദ്ദേ​ശി​ച്ചി​രു​ന്ന​ത്. 26,370 ച​തു​ര​ശ്ര അ​ടി​യാ​ണ് കെ​ട്ടി​ട​ത്തി​ന്‍റെ ആ​കെ വി​സ്തീ​ര്‍​ണം. ഒ​രേ സ​മ​യം 22 ബ​സു​ക​ള്‍ നി​ര്‍​ത്തി​യി​ടാ​ന്‍ സൗ​ക​ര്യ​മു​ണ്ടാ​കും. കാ​ത്തി​രി​പ്പു​കേ​ന്ദ്രം, ഭ​ക്ഷ​ണ​ശാ​ല, ക​ട​മു​റി​ക​ള്‍, റി​സ​ര്‍​വേ​ഷ​ന്‍ സെന്‍റര്‍, ഡി​പ്പോ ഓ​ഫി​സ്, വി​ശ്ര​മ​മു​റി​ക​ള്‍, ശൗ​ചാ​ല​യം എ​ന്നി​വ​യും കെ​ട്ടി​ട​ത്തി​ലു​ണ്ടാ​കും.

കോ​ണ്‍​ക്രീ​റ്റും ഉ​ള്ളി​ലെ തു​രു​മ്പി​ച്ച ക​മ്പി​ക​ളും അ​ട​ര്‍​ന്ന് അ​പ​ക​ടാ​വ​സ്ഥ​യി​ലാ​ണ് കെ​ട്ടി​ടം ഇ​പ്പോ​ള്‍. ഭീ​തി​യോ​ടെ​യാ​ണ് ജീ​വ​ന​ക്കാ​രും യാ​ത്ര​ക്കാ​രും ഇ​വി​ടെ നി​ല്‍​ക്കു​ന്ന​ത്. നി​ര്‍​മാ​ണം സം​ബ​ന്ധി​ച്ച അ​നി​ശ്ചി​ത​ത്വം ജീ​വ​ന​ക്കാ​ര്‍​ക്കും ആ​ശ​ങ്ക​യു​ണ്ടാ​ക്കു​ക​യാ​ണ്.

Tags : Local News Nattuvishesham Kollam