അയിലൂർ ഗ്രാമപഞ്ചായത്തിന്റെ കർഷകസഭയും ഞാറ്റുവേല ചന്തയും ജില്ലാ പഞ്ചായത്ത് അംഗം കെ.ജി. എൽദോ ഉദ്ഘാടനം ചെയ്യുന്നു.
അയിലൂർ: കർഷകരുടെ അടിസ്ഥാന പ്രശ്നങ്ങൾക്ക് ശാശ്വത പരിഹാരം കാണുന്നതിനായി സർക്കാർ തലത്തിൽ തുടർച്ചയായും ഫലപ്രദമായും ഇടപെടലുകളുണ്ടാകണമെന്നു ജില്ലാ പഞ്ചായത്തംഗം കെ.ജി. എൽദോ പറഞ്ഞു. അയിലൂർ ഗ്രാമപഞ്ചായത്തും കൃഷിഭവനും സംയുക്തമായി സംഘടിപ്പിച്ച കർഷകസഭയും ഞാറ്റുവേല ചന്തയും ഉദ്ഘാടനം ചെയ്യുകയായിരുന്നു അദ്ദേഹം.
ഗ്രാമപഞ്ചായത്ത് പ്രസിഡന്റ് കെ. രാജേശ്വരി അധ്യക്ഷത വഹിച്ചു. വൈസ് പ്രസിഡന്റ് എച്ച്. അബ്ദുൾ ജലീൽ, വികസനകാര്യ സ്ഥിരംസമിതി അധ്യക്ഷ ആർ. കനകലത, ആരോഗ്യ- വിദ്യാഭ്യാസ സ്ഥിരംസമിതി അധ്യക്ഷൻ എസ്.എം. ഷാജഹാൻ, ബ്ലോക്ക് പഞ്ചായത്തംഗങ്ങളായ എസ്. വിനോദ്, എസ്. വിഘ്നേഷ്, പഞ്ചായത്തംഗം വി. വിനേഷ്, കൃഷി ഓഫീസർ മാനസ പ്രദീപ്, സംയുക്ത പാടശേഖര സമിതി പ്രസിഡന്റ് എൻ. പ്രഭാകരൻ പ്രസംഗിച്ചു.
Tags : Nattuvishesham District news