10

വെ​ള്ള​റ​ട: പി​രി​ച്ചു​വി​ട​പ്പെ​ട്ട ജീ​വ​ന​ക്കാ​ര​ന്‍റെ ആ​നു​കൂ​ല്യ​ങ്ങ​ള്‍ ത​ട​ഞ്ഞു​വ​ച്ച കേ​സി​ല്‍ ഹൈ​ക്കോ​ട​തി ഉ​ത്ത​ര​വ് ന​ട​പ്പാ​ക്കു​ന്ന​തി​നാ​യി കു​ന്ന​ത്തു​കാ​ൽ സ​ര്‍​വീ​സ് സ​ഹ. ബാ​ങ്കി​നെ​തി​രേ റ​വ​ന്യൂ റി​ക്ക​വ​റി ന​ട​പ​ടി​ക​ള്‍ ആ​രം​ഭി​ച്ചു.

ഇ​തു​മാ​യി ബ​ന്ധ​പ്പെ​ട്ട നോ​ട്ടീ​സ് റ​വ​ന്യൂ വ​കു​പ്പ് ഉ​ദ്യോ​ഗ​സ്ഥ​ര്‍ ബാ​ങ്ക് അ​ധി​കൃ​ത​ര്‍​ക്ക് ന​ല്‍​കാ​നെ​ത്തി. മു​ന്‍ ജീ​വ​ന​ക്കാ​ര​നാ​യ വ​റ​ട്ട​യം സു​കു​മാ​ര​ന്‍ നാ​യ​ർ​ക്കെ​തി​രേ ബാ​ങ്ക് സ​മ​ർ​പ്പി​ച്ച ഹ​ർ​ജി​ക​ൾ ഹൈ​ക്കോ​ട​തി ത​ള്ളി. തൊ​ഴി​ലാ​ളി​ക്ക് അ​നു​കൂ​ല​മാ​യി ലേ​ബ​ര്‍ കോ​ട​തി​യും ഇ​ന്‍​ഡ​സ്ട്രി​യ​ല്‍ ട്രൈ​ബ്യൂ​ണ​ലും പു​റ​പ്പെ​ടു വി​ച്ച ഉ​ത്ത​ര​വു​ക​ള്‍ ശ​രി​വ​ച്ച സിം​ഗി​ള്‍ ബെ​ഞ്ച് വി​ധി​യ്ക്കെ​തി​രേ ബാ​ങ്ക് ന​ല്‍​കി​യ അ​പ്പീ​ലു​ക​ളാ​ണ് ജ​സ്റ്റീ​സ് ദേ​വ​ന്‍ രാ​മ​ച​ന്ദ്ര​ന്‍, ജ​സ്റ്റീ​സ് ബ​സ​ന്ത് ബാ​ലാ​ജി എ​ന്നി​വ​ര​ട​ങ്ങി​യ ഡി​വി​ഷ​ന്‍ ബെ​ഞ്ച് പൂ​ര്‍​ണ​മാ​യും നി​ര​സി​ച്ച​ത്.
2004ല്‍ ​ബാ​ങ്ക് ന​ല്‍​കി​യ ഒ​രു ഭേ​ദ​ഗ​തി അ​പേ​ക്ഷ ട്രൈ​ബ്യൂ​ണ​ല്‍ പ​രി​ഗ​ണി​ച്ചി​ല്ലെ​ന്ന സാ​ങ്കേ​തി​ക വാ​ദ​മാ​ണ് ബാ​ങ്ക് ഉ​ന്ന​യി​ച്ച​ത്.

എ​ന്നാ​ല്‍ ഈ ​അ​പേ​ക്ഷ ബാ​ങ്ക് അ​ക്കാ​ല​ത്ത് കോ​ട​തി​യി​ല്‍ കൃ​ത്യ​മാ​യി ഫ​യ​ല്‍ ചെ​യ്യു​ക​യോ ന​ട​പ​ടി​ക​ള്‍ പൂ​ര്‍​ത്തി​യാ​ക്കു​ക​യോ ചെ​യ്തി​രു​ന്നി​ല്ലെ​ന്നു ഹൈ​ക്കോ​ട​തി ക​ണ്ടെ​ത്തി. കു​ന്ന​ത്തു​കാ​ല്‍ സ​ര്‍​വീ​സ് സ​ഹ​ക​ര​ണ ബാ​ങ്ക് ഭ​ര​ണ​സ​മി​തി​യു​ടെ തൊ​ഴി​ലാ​ളി​വി​രു​ദ്ധന​ട​പ​ടി​ക്കെ​തി​രേ​യാ​ണ് ഹൈ​ക്കോ​ട​തി​യു​ടെ വി​ധി​യെ​ന്നു മു​ന്‍ ജീ​വ​ന​ക്കാ​ര​ന്‍ സു​കു​മാ​ര​ന്‍ നാ​യ​ര്‍ പ്ര​തി​ക​രി​ച്ചു. 1998 ജ​നു​വ​രി 10 നാ​ണ് സു​കു​മാ​ര​ന്‍ നാ​യ​രെ ബാ​ങ്ക് ഭ​ര​ണ​സ​മി​തി പി​രി​ച്ചു​വി​ട്ട​ത്. ഇ​തി​നെ​തി​രേ അ​ദ്ദേ​ഹം നി​യ​മ​പോ​രാ​ട്ടം ആ​രം​ഭി​ക്കു​ക​യാ​യി​രു​ന്നു.

പി​രി​ച്ചു​വി​ട്ട ന​ട​പ​ടി തെ​റ്റാ​ണെ​ന്നും സ​ര്‍​വീ​സി​ല്‍ തു​ട​രു​ന്ന​താ​യി ക​ണ​ക്കാ​ക്കി ആ​റു ശ​ത​മാ​നം പ​ലി​ശ സ​ഹി​തം മു​ഴു​വ​ന്‍ ആ​നു​കൂ​ല്യ​ങ്ങ​ളും ന​ല്‍​ക​ണ​മെ​ന്നു​മാ​ണ് ഇ​ന്‍​ഡ​സ്ട്രി​യ​ല്‍ ട്രൈ​ബ്യൂ​ണ​ലും കൊ​ല്ലം ലേ​ബ​ര്‍ കോ​ട​തി​യും വി​ധി​ച്ചി​രു​ന്ന​ത്. ഈ ​വി​ധി​ക​ള്‍​ക്കെ​തി​രേ​യാ​ണ് ഭ​ര​ണ​സ​മി​തി ഹൈ​ക്കോ​ട​തി​യി​ല്‍ അ​പ്പീ​ല്‍ ന​ല്‍​കി​യി​രു​ന്ന​ത്.

Tags : NattuVishasham DistrictNews