10

ആ​ല​പ്പു​ഴ: ജി​ല്ല​യി​ലെ ദേ​ശീ​യ​പാ​ത മേ​ഖ​ല​യു​ടെ സു​ര​ക്ഷ വി​ല​യി​രു​ത്താ​നു​ള്ള പ​രി​ശോ​ധ​ന മോ​ട്ടോ​ർ വാ​ഹ​ന വ​കു​പ്പിന്‍റെ നേ​തൃ​ത്വ​ത്തി​ൽ വി​വി​ധ വ​കു​പ്പു​ക​ൾ സം​യു​ക്ത​മാ​യി മൂ​ന്ന് സ്ക്വാ​ഡു​ക​ളാ​യി തി​രി​ഞ്ഞ് ഇ​ന്ന​ലെ തു​ട​ങ്ങി. ആ​ദ്യ സ്ക്വാ​ഡ് അ​രൂ​ർ മു​ത​ൽ മാ​രാ​രി​ക്കു​ളം വ​രെ 60 സ്ഥ​ല​ങ്ങ​ളി​ലും ര​ണ്ടാം സ്ക്വാ​ഡ് ഓ​ച്ചി​റ മു​ത​ൽ കൊ​റ്റം​കു​ള​ങ്ങ​ര വ​രെ​യും മൂ​ന്നാ​മ​ത്തെ സ്ക്വാ​ഡ് അ​മ്പ​ല​പ്പു​ഴ താ​ലൂ​ക്കി​ൽ കൊ​മ്മാ​ടി മു​ത​ൽ ക​ളി​ത്ത​ട്ട് വ​രെ​യു​മാ​ണ് പ​രി​ശോ​ധ​ന ന​ട​ത്തി​യ​ത്.

സ്ഥി​ര​മാ​യു​ള്ള അ​ന​ധി​കൃ​ത പാ​ർ​ക്കിം​ഗ്, ഡി​വൈ​ഡ​ർ അ​ട​യ്ക്കു​ന്ന​തും തു​റ​ക്കു​ന്ന​തും മൂ​ല​മു​ള്ള ഗ​താ​ഗ​ത നി​യ​ന്ത്ര​ണ​ത്തി​ലെ അ​സ്ഥി​ര​ത, റോ​ഡ് പ്ര​വൃ​ത്തി മൂ​ലം അ​തത് സ​മ​യ​ങ്ങ​ളി​ലു​ള്ള നി​യ​മ​ലം​ഘ​നം, റോ​ഡ് കൈ​യേറ്റം, വ​ർ​ക്‌ഷോ​പ്പി​ന് സ​മീ​പ​മു​ള്ള അ​ന​ധി​കൃ​ത പാ​ർ​ക്കിം​ഗ് എ​ന്നി​വ പ​രി​ശോ​ധ​ന​യി​ൽ ക​ണ്ടെ​ത്തി​യി​ട്ടു​ണ്ട്. ആ​ദ്യദി​നം നി​യ​മ​ലം​ഘ​ന​ങ്ങ​ൾ ശ്ര​ദ്ധ​യി​ൽ​പ്പെ​ടു​ത്തി​യ അ​ധി​കൃ​ത​ർ അ​വ പ​രി​ഹ​രി​ച്ചി​ല്ലെ​ങ്കി​ൽ ഇന്നു മു​ത​ൽ ത​ദ്ദേ​ശ​സ്വ​യം​ഭ​ര​ണ സ്ഥാ​പ​നം വ​ഴി നോ​ട്ടീ​സ് ന​ൽ​കും. എ​ന്നി​ട്ടും പ​രി​ഹ​രി​ച്ചി​ല്ലെ​ങ്കി​ൽ 48 മ​ണി​ക്കൂ​റി​നു​ശേ​ഷം ക​ർ​ശ​ന ന​ട​പ​ടി സ്വീ​ക​രി​ക്കും.

പ​രി​ശോ​ധ​ന​യ്ക്കുശേ​ഷ​മു​ള്ള റി​പ്പോ​ർ​ട്ട്‌ ഓ​രോ സ്ക്വാ​ഡും നാളെ ജി​ല്ലാ ക​ള​ക്ട​ർ​ക്ക് സ​മ​ർ​പ്പി​ക്കും. തു​ട​ർ​ന്ന് അ​വ​ലോ​ക​ന യോ​ഗം ചേ​ർ​ന്ന് തു​ട​ർ ന​ട​പ​ടി​ക​ൾ സ്വീ​ക​രി​ക്കും. ആ​ദ്യ സ്ക്വാ​ഡി​നെ ചേ​ർ​ത്ത​ല എം​വി​ഐ താ​ഹി​റു​ദ്ദീ​നും ര​ണ്ടാം സ്ക്വാ​ഡി​നെ എം​വി​ഐ വാ​ഗീ​ശ്വ​ര​നും മൂ​ന്നാ​മ​ത്തെ സ്ക്വാ​ഡി​നെ എം​വി​ഐ (എ​ൻ​ഫോ​ഴ്‌​സ്മെ​ന്‍റ്) ടി.എ. സ്റ്റാ​ൻ​ലി​യു​മാ​ണ് ന​യി​ക്കു​ന്ന​ത്.

വി​വി​ധ സ്ക്വാ​ഡു​ക​ളു​ടെ ഏ​കോ​പ​ന ചു​മ​ത​ല എ​ൻ​ഫോ​ഴ്സ്മെ​ന്‍റ് ആ​ർ.​ടി. ജെ​ർ​സ​ണാ​ണ് ന​ൽ​കി​യി​ട്ടു​ള്ള​ത്. ജി​ല്ലാ ക​ള​ക്ട​ർ ഷാ​ജി വി. ​നാ​യ​രു​ടെ നേ​തൃ​ത്വ​ത്തി​ൽ ദേ​ശീ​യ​പാ​ത സു​ര​ക്ഷ​യു​മാ​യി ബ​ന്ധ​പ്പെ​ട്ട യോ​ഗ​മാ​ണ് സ്ക്വാ​ഡ് രൂ​പീ​ക​രി​ച്ച് പ​രി​ശോ​ധ​ന ന​ട​ത്താ​ൻ തീ​രു​മാ​നി​ച്ച​ത്.

Tags : NattuVishasham DistrictNews national roads