അടിമാലി: ലയൺസ് ക്ലബ്ബിന്റെ സിൽവർ ജൂബിലി ആഘോഷങ്ങളുടെ ഉദ്ഘാടനവും 2026- 27 വർഷത്തെ ഭാരവാഹികളുടെ സ്ഥാനാരോഹണവും നടത്തി. അടിമാലി ക്ലബ് ഓഡിറ്റോറിയത്തിൽ നടന്ന പരിപാടി മൾട്ടിപ്പിൾ കൗൺസിൽ ചെയർപേഴ്സൺ രാജൻ എൻ. നമ്പൂതിരി ഉദ്ഘാടനം ചെയ്തു. ക്ലബ് പ്രസിഡന്റ് കെ.എൻ. മോഹൻദാസ് അധ്യക്ഷത വഹിച്ചു.
ലയൺസ് ഡിസ്ട്രിക്ട് ഗവർണർ വി.എസ്. ജയേഷ് ഭാരവാഹികളുടെ സ്ഥാനാരോഹണ ചടങ്ങിന് നേതൃത്വം നൽകി. ഫസ്റ്റ് വൈസ് ഡിസ്ട്രിക്ട് ഗവർണർ കെ.പി. പീറ്റർ ലിയോ ക്ലബ് ഉദ്ഘാടനം ചെയ്തു. സെക്കൻഡ് വൈസ് ഡിസ്ട്രിക്ട് ഗവർണർ ജോസ് മംഗലി പുതിയ അംഗങ്ങൾക്ക് സത്യപ്രതിജ്ഞ ചൊല്ലിക്കൊടുത്തു.
റീജൺ ചെയർമാൻ ബേസിൽ കെ. വർഗീസ് സേവനപദ്ധതികളുടെ ഉദ്ഘാടനം നിർവഹിച്ചു. ഷൈനു സുകേഷ്, എ.പി. ബേബി, പി.വി. ബേബി, ഷാജി മാത്യു, ബോബൻ ജോൺ, പി.വി. രാജു, പി.വി. ഷൈജു, സിബി മാത്യു, ബിജു ലോട്ടസ് തുടങ്ങിയവർ പ്രസംഗിച്ചു.
ക്ലബ്ബിന്റെ പ്രസിഡന്റായി കെ.ജെ. ജോസ് കീരിക്കാടൻ, സെക്രട്ടറിയായി പി.വി. ഷൈജു, ട്രഷറർ വിൽസൺ അഗസ്റ്റിൻ എന്നിവർ ചുമതലയേറ്റെടുത്തു.
Tags : Silver Jubilee Nattuvishesham Districte news