കൊല്ലം രൂപത കെസിബിസി മദ്യവിരുദ്ധ സമിതി അന്താരാഷ്ട്ര ലഹരി വിരുദ്ധ ദിനത്തിന്റെ ഭാഗമായി സംഘടിപ്പിച്ച ലഹരിവിമുകത കാമ്പസ് ദിനാചരണത്തിന്റെ രൂപതാതല പരിപാട
കൊല്ലം: നമ്മുടെ നാടിനെ ലഹരിമുക്തമാക്കാനുളള ദൗത്യം ഏറ്റെടുത്ത് വിദ്യാര്ഥികള് ലഹരിവിരുദ്ധ പോരാട്ടത്തിന്റെ വക്താക്കളാകണമെന്ന് കൊല്ലം ബിഷപ് ഡോ. പോള് ആന്റണി മുല്ലശേരി. ലോക ലഹരിവിരുദ്ധ ദിനാചരണ സന്ദേശം നല്കുകയായിരുന്നു അദ്ദേഹം. ലഹരിക്കെതിരേയുളള പോരാട്ടം വരുംതലമുറയ്ക്കായുളള നമ്മുടെ അതിജീവനത്തിന്റെ ഭാഗമാണെന്നും ഇതില് അധ്യാപകര്ക്കും മാതാപിതാക്കള്ക്കും നിര്ണായക പങ്ക് വഹിക്കാനുണ്ടെന്നും അദ്ദേഹം പറഞ്ഞു.
വിമുക്തിദര്ശന് പരിപാടിയുടെ ഭാഗമായി രൂപതയിലെ എല്ലാ സഭാ സംവിധാനങ്ങളെയും സംയോജിപ്പിച്ചുകൊണ്ട് ലഹരിവിരുദ്ധ പ്രവര്ത്തനങ്ങള് കൂടുതല് ഊര്ജിതമാക്കുമെന്ന് അദ്ദേഹം സന്ദേശത്തില് വ്യക്തമാക്കി. കെസിബിസി മദ്യവിരുദ്ധ സമിതിയുടെ ലഹരിവിമുക്ത ക്യാമ്പസ് ദിനാചരണത്തിന്റെ രൂപതാതല പരിപാടികള് തങ്കശേരി ഇന്ഫന്റ് ജീസസ് ഹയര് സെക്കന്ഡറി സകൂളില് ലഹരിവിരുദ്ധ കമ്മീഷന് ഡയറക്ടര് ഫാ. ബിനു തോമസ് ഉദ്ഘാടനം ചെയ്തു.
പ്രിന്സിപ്പല് ഫാ. സില്വി ആന്റണി അധ്യക്ഷനായി. സമിതി രൂപതാ പ്രസിഡന്റ് യോഹന്നാന് ആന്റണി, സംസ്ഥാന സെക്രട്ടറി എ.ജെ. ഡിക്രൂസ്, ജൂനിയര് സെക്ഷന് പ്രിന്സിപ്പല് ഡോണ ജോയി, വൈസ് പ്രിന്സിപ്പല് ബിനു റാണി എന്നിവര് പ്രസംഗിച്ചു.
Tags : Local News Nattuvishesham Kollam