അറസ്റ്റിലായ ഗവാസ്കർ, ബോക്തോ റായ്
കോതമംഗലം: തങ്കളം ടെലിഫോൺ എക്സ്ചേഞ്ചിൽനിന്നും ഒരു ലക്ഷത്തി എൺപതിനായിരത്തിലേറെ രൂപയുടെ ചെമ്പ് പട്ടകൾ മോഷ്ടിച്ച കേസിൽ രണ്ട് ഇതര സംസ്ഥാനക്കാർ അറസ്റ്റിൽ.
ആസാം ചിരാങ്ങ് ബിജനി ബോക്തോ റായ് (27), പെരുമ്പാവൂർ മാവിൻചുവട് ഭാഗത്ത് വാടകയ്ക്ക് താമസിക്കുന്ന തമിഴ്നാട് തിരുനെൽവേലി വാടക്കുപ്പനവടലി ഗവാസ്കർ (32) എന്നിവരാണ് അറസ്റ്റിലായത്. കഴിഞ്ഞ 13ന് രാത്രിയിൽ തങ്കളം ഭാഗത്തുള്ള ബിഎസ്എൻഎൽ ടെലിഫോൺ എക്സ്ചേഞ്ചിന്റെ അകത്തു നിന്നും എർത്തിംഗിനായി ഉപയോഗിക്കുന്ന 164 കിലോ ചെമ്പ് പട്ടകൾ ആണ് മോഷ്ടിച്ചത്.
ഉദ്ദേശം 1,80,400 രൂപ വില വരും. ബോക്തോ റായും മറ്റ് രണ്ട് പേരും ചേർന്നാണ് മോഷണം നടത്തിയത്. പെരുമ്പാവൂർ ഭാഗത്തുള്ള ആക്രിക്കടയിൽ വച്ച് മോഷണ മുതലുകൾ വാങ്ങിയ ആളാണ് ഗവാസ്കർ. മറ്റു പ്രതികൾക്കായി അന്വേഷണം ഊർജിതമാക്കി.
പ്രതികളെ കോടതിയിൽ ഹാജരാക്കി റിമാൻഡ് ചെയ്തു.
Tags : Local News Nattuvishesham Ernakulam