10

ചെ​റു​തോ​ണി: കൗ​മാ​ര​ക്കാ​രി​യു​ടെ ചി​കി​ത്സ​യ്ക്കാ​യി തു​ക കൈ​മാ​റി മു​ഖ്യ​മ​ന്ത്രി വാ​ക്കു​പാ​ലി​ച്ചു. ഒ​മാ​നി​ൽ ഉ​ണ്ടാ​യ തീ​പി​ടി​ത്ത​ത്തി​ൽ പൊ​ള്ള​ലേ​റ്റ ചു​രു​ളി - ആ​ൽ​പാ​റ തെ​ങ്ങോ​ട്ടു​വി​ള​യി​ൽ ബി​നു​വി​ന്‍റെ​യും ക്രി​സ്‌​റ്റീ​ന​യു​ടെ​യും മ​ക​ൾ ഐ​റി​ന്‍റെ മു​ഴു​വ​ൻ ചി​കി​ത്സാ ചെ​ല​വും വ​ഹി​ക്കു​മെ​ന്നു മു​ഖ്യ​മ​ന്ത്രി വാ​ഗ്ദാ​നം ന​ൽ​കി​യി​രു​ന്നു. 2026 ജൂ​ലൈ 26ന് ​രാ​ത്രി 12ന് ​എ​സി​യി​ൽ​നി​ന്നു തീ ​പ​ട​ർ​ന്ന് പൊ​ള്ള​ലേ​റ്റ് മ​ര​ണ​ത്തെ മു​ഖാ​മു​ഖം ക​ണ്ട പ​ത്തു വ​യ​സു​കാ​രി​യു​ടെ ചി​കി​ത്സ​യാ​ണ് മു​ഖ്യ​മ​ന്ത്രി ഏ​റ്റെ​ടു​ത്ത​ത്.

ആ​ദ്യ ഗ​ഡു​വാ​യി മൂ​ന്നു ല​ക്ഷം രൂ​പ​യാ​ണ് മു​ഖ്യ​മ​ന്ത്രി​യു​ടെ ദു​രി​താ​ശ്വാ​സ നി​ധി​യി​ൽ​നി​ന്ന​നു​വ​ദി​ച്ച​ത്. ഐ​റി​ൻ ഉ​ൾ​പ്പെ​ടെ വീ​ട്ടി​ലു​ണ്ടാ​യി​രു​ന്ന അ​ഞ്ചു​പേ​ർ​ക്കും പൊ​ള്ള​ലേ​റ്റി​രു​ന്നു. കൂ​ടു​ത​ൽ പൊ​ള്ള​ലേ​റ്റ​ത് ഐ​റി​നാ​യി​രു​ന്നു.

ഒ​മാ​നി​ൽ അ​ഞ്ചു​പേ​രു​ടെ​യും ചി​കി​ത്സ​യ്ക്കാ​യി വ​ൻ തു​ക ചെ​ല​വാ​യെ​ങ്കി​ലും ഗു​രു​ത​ര​മാ​യി പൊ​ള്ള​ലേ​റ്റ ഐ​റി​നെ ജീ​വി​ത​ത്തി​ലേ​ക്കു തി​രി​ച്ചു​കൊ​ണ്ടു​വ​ര​ണ​മെ​ങ്കി​ൽ ഭീ​മ​മാ​യ തു​ക വേ​ണ​മെ​ന്നു വ​ന്ന​തോ​ടെ ഇ​വ​രു​ടെ അ​യ​ൽ​വാ​സി​യും ബ്ലോ​ക്ക് പ​ഞ്ചാ​യ​ത്തം​ഗ​വു​മാ​യി​രു​ന്ന ബി​നോ​യി വ​ർ​ക്കി ഇ​ട​പ്പെ​ട്ട് ഈ ​കു​ടും​ബ​ത്തെ മു​ഖ്യ​മ​ന്ത്രി വി.​ഡി. സ​തീ​ശ​ന്‍റെ മു​മ്പി​ലെ​ത്തി​ക്കു​ക​യാ​യി​രു​ന്നു.

മു​ഖ്യ​മ​ന്ത്രി രാ​ജ​ഗി​രി ആ​ശു​പ​ത്രി​യി​ലെ ഡോ​ക്ട​റു​മാ​യി സം​സാ​രി​ച്ചു. സ​ർ​ക്കാ​ർ ചെ​ല​വി​ൽ ചി​കി​ത്സി​ക്കാ​മെ​ന്നും ഇ​തി​നെ​ന്തെ​ങ്കി​ലും ത​ട​സ​മു​ണ്ടാ​യാ​ൽ മു​ഴു​വ​ൻ തു​ക​യും സ്വ​ന്തം ചെ​ല​വി​ൽ വ​ഹി​ക്കാ​മെ​ന്നും മു​ഖ്യ​മ​ന്ത്രി ഉ​റ​പ്പു​ന​ൽ​കി ചി​കി​ത്സ ആ​രം​ഭി​ക്കു​ക​യാ​യി​രു​ന്നു. ഇ​തി​ന്‍റെ ആ​ദ്യ ഗ​ഡു​വാ​യ മൂ​ന്നു ല​ക്ഷം രൂ​പ​യാ​ണ് ഇ​പ്പോ​ൾ മു​ഖ്യ​മ​ന്ത്രി​യു​ടെ ദു​രി​താ​ശ്വാ​സ നി​ധി​യി​ൽ നി​ന്ന​നു​വ​ദി​ച്ച​ത്.

Tags : Nattuvishesham DistrictNews DeepikaNews medical treatment