10

വൈ​ക്കം: വേ​മ്പ​നാ​ട്ടു കാ​യ​ലി​ലെ വൈ​ക്കം ഭാ​ഗ​ത്ത് രൂ​ക്ഷ​മാ​യ പോ​ള ശ​ല്യം. ത​ണ്ണീ​ർ​മു​ക്കം ബ​ണ്ടി​നു വ​ട​ക്കു​ഭാ​ഗം മു​ത​ൽ പു​ത്തോ​ട്ട​വ​രെ​യാ​ണ് പോ​ള​പാ​യ​ൽ തി​ങ്ങി​യ​ത്. ഓ​രെ​ത്തി​യ​തോ​ടെ ചീ​ഞ്ഞു​താ​ണു തു​ട​ങ്ങി​യ പാ​യ​ലും ചീ​യാ​ത്ത​തും കാ​യ​ലി​ൽ തി​ങ്ങു​ക​യാ​ണ്. മ​ഴ ശ​ക്ത​മാ​യ​തോ​ടെ കാ​യ​ലി​ൽ ല​വ​ണാം​ശം കു​റ​ഞ്ഞ​തോ​ടെ പോ​ള​പാ​യ​ൽ വ​ള​ർ​ന്നു പ​ര​ക്കു​ക​യാ​ണ്.

ചീ​ഞ്ഞു​താ​ഴു​ന്ന പാ​യ​ലു​ക​ൾ മ​ത്സ്യ​ബ​ന്ധ​ന​ത്തി​നും ജ​ല​ഗ​താ​ഗ​ത​ത്തി​നും ത​ട​സം സൃ​ഷ്ടി​ക്കു​ന്നു. വേ​മ്പ​നാ​ട്ടു​കാ​യ​ലി​ന്‍റെ മ​നോ​ഹാ​രി​ത നു​ക​രാ​ൻ വ​ഞ്ചി​വീ​ടു​ക​ളി​ൽ വ​രു​ന്ന സ​ഞ്ചാ​രി​ക​ൾ​ക്കും പോ​ള​പാ​യ​ൽ അ​ലോ​സ​ര​മു​ണ്ടാ​ക്കു​ന്നു. വേ​മ്പ​നാ​ട്ടു​കാ​യ​ലി​ലെ പ​ര​മ്പ​രാ​ഗ​ത മ​ത്സ്യ​ബ​ന്ധ​ന രീ​തി​യാ​യ ഊ​ന്നി വ​ല​ക​ൾ​ക്ക് പോ​ള പാ​യ​ൽ കേ​ടു​വ​രു​ത്തു​ന്നു.

ശ​ക്ത​മാ​യ നീ​രൊ​ഴു​ക്കി​നൊ​പ്പം വ​ല​യ്ക്കു​ള്ളി​ൽ കു​ടു​ങ്ങു​ന്ന പോ​ള​പാ​യ​ൽ വ​ല​യി​ൽ നി​റ​ഞ്ഞ് വ​ല കീ​റു​ക​യാ​ണ്. വ​ല​യ്ക്കു​ള്ളി​ൽ അ​ക​പ്പെ​ടു​ന്ന മീ​നു​ക​ൾ ന​ഷ്ട​മാ​കു​ന്ന​തി​നൊ​പ്പം ഏ​റെ പ​ണം മു​ട​ക്കി ഇ​റ​ക്കി​യ വ​ല കേ​ടാ​കു​ന്ന​തും മ​ത്സ്യ തൊ​ഴി​ലാ​ളി​ക​ളെ പ്ര​തി​കൂ​ല​മാ​യി ബാ​ധി​ക്കു​ന്നു. ഏ​റെ നീ​ള​മു​ള്ള അ​ട​യ്ക്കാ മ​ര​ക്കു​റ്റി​ക​ൾ കാ​യ​ലി​നു കു​റു​കെ താ​ഴ്ത്തി​യാ​ണ് ഊ​ന്നി വ​ല ബ​ന്ധി​ക്കു​ന്ന​ത്.

വ​ല​യി​ൽ നി​റ​ഞ്ഞ പോ​ള പാ​യ​ൽ ഒ​ഴു​ക്കി​നൊ​പ്പം വ​ലി​യു​മ്പോ​ൾ ഊ​ന്നി​ക്കു​റ്റി​ക​ളും ഒ​ടി​യു​ന്നു. പാ​ട​ശേ​ഖ​ര​ങ്ങ​ളി​ൽ നി​ന്നും ഉ​ൾ​തോ​ടു​ക​ളി​ൽ നി​ന്നു​മാ​ണ് പോ​ള പാ​യ​ൽ കാ​യ​ലി​ലെ​ത്തു​ന്ന​ത്. പോ​ള​പാ​യ​ൽ ഉ​റ​വി​ട​ത്തി​ൽ​ത​ന്നെ ന​ശി​പ്പി​ക്ക​ണ​മെ​ന്ന മ​ത്സ്യ തൊ​ഴി​ലാ​ളി​ക​ളു​ടെ ആ​വ​ശ്യ​ത്തി​ന് പ​തി​റ്റാ​ണ്ടു​ക​ളു​ടെ പ​ഴ​ക്ക​മു​ണ്ട്.

വൈ​ക്കം - ത​വ​ണ​ക്ക​ട​വ്, ചെ​മ്മ​നാ​ക​രി - മ​ണ​പ്പു​റം, പൂ​ത്തോ​ട്ട - പെ​രു​മ്പ​ളം എ​ന്നി​വ​ട​ങ്ങ​ളെ ബ​ന്ധി​പ്പി​ച്ചു ന​ട​ത്തു​ന്ന ബോ​ട്ടു സ​ർ​വീ​സു​ക​ൾ​ക്കും വ​ലി​യ പ്ര​തി​സ​ന്ധി​യാ​ണ് പോ​ള​പാ​യ​ൽ​സൃ​ഷ്ടി​ക്കു​ന്ന​ത്.

ചീ​ഞ്ഞു​താ​ണു നി​ൽ​ക്കു​ന്ന പാ​യ​ലു​ക​ൾ ബോ​ട്ടി​ന്‍റെ യ​ന്ത്ര ഭാ​ഗ​ങ്ങ​ളി​ൽ കു​ടു​ങ്ങി പ്രൊ​പ്പ​ല്ല​റു​ക​ൾ​ക്ക് കേ​ടു​വ​രു​ത്തു​ക​യാ​ണ്. ബോ​ട്ട്സ​ർ​വീ​സ് നി​ശ്ചി​ത സ​മ​യ​ത്തി​ൽ കൂ​ടു​ത​ലെ​ടു​ത്താ​ണി​പ്പോ​ൾ പൂ​ർ​ത്തി​യാ​ക്കു​ന്ന​ത്. വേ​മ്പ​നാ​ട്ടു കാ​യ​ലി​ലെ നേ​രേ​ക​ട​വ് - മാ​ക്കേ​ക്ക​ട​വ് ഫെ​റി​യി​ൽ കാ​യ​ൽ പാ​ലം നി​ർ​മാ​ണം ന​ട​ക്കു​ന്ന​തി​നാ​ൽ ഇ​വി​ടെ ജ​ങ്കാ​ർ സ​ർ​വീ​സാ​ണു​ള്ള​ത. ജ​ങ്കാ​ർ സ​ർ​വീ​സി​നും പോ​ള​പാ​യ​ൽ ത​ട​സ​മാ​കു​ക​യാ​ണ്. മ​ത്സ്യ​ബ​ന്ധ​ന​ത്തെ​യും ജ​ല​ഗ​താ​ഗ​ത​ത്തേ​യും പ്ര​തി​കൂ​ല​മാ​യി ബാ​ധി​ക്കു​ന്ന പോ​ള​പാ​യ​ൽ​നീ​ക്കു​ന്ന​തി​ന് സ​ർ​ക്കാ​ർ ന​ട​പ​ടി സ്വീ​ക​രി​ക്ക​ണ​മെ​ന്നാ​ണ് മ​ത്സ്യ തൊ​ഴി​ലാ​ളി​ക​ളു​ടെ ആ​വ​ശ്യം.

Tags : nattu vishesham water hyacinth severe in Vembanad Lake