നെന്മാറ: ക്ഷേത്രഭണ്ഡാരത്തിന്റെ പൂട്ട് തകര്ത്ത് മോഷണം നടത്തിയയാളെ നെന്മാറ പോലീസ് പിടികൂടി. നെന്മാറ കണിമംഗലം പുഴക്കല്ത്തറ ചെരുവില് പ്രഭാവതിയെയാണ് (പ്രസന്ന-42) പിടികൂടിയത്. കണിമംഗലം പുഴക്കല്ത്തറ മാരിയമ്മന് ക്ഷേത്രത്തിലെ ഭണ്ഡാരമാണ് കുത്തിത്തുറന്ന് പതിനായിരത്തോളം രൂപ മോഷ്ടിച്ചത്. വെള്ളിയാഴ്ച രാത്രിയാണ് സംഭവം.
ശനിയാഴ്ച രാവിലെ ക്ഷേത്രഭാരവാഹികള് എത്തിയപ്പോഴാണ് ഭണ്ഡാരത്തിന്റെ പൂട്ട് പൊളിച്ച രീതിയില് കണ്ടെത്തിയത്. ഇതേതുടര്ന്ന് നെന്മാറ പോലീസില് പരാതി നല്കി. പ്രദേശത്തെ സിസിടിവികളിൽ നടത്തിയ പരിശോധനയില് പ്രതിയെ തിരിച്ചറിയുകയായിരുന്നു. ഇവരെ പിടികൂടി അറസ്റ്റു ചെയ്തു. ഗ്രാമപഞ്ചായത്ത് തെരഞ്ഞെടുപ്പില് ബിജെപി സ്ഥാനാര്ഥിയായി മത്സരിച്ചിരുന്ന പ്രഭാവതി മുന്പ് മുക്കുപണ്ടം നല്കി കബളിപ്പിച്ച കേസിലും പ്രതിയാണെന്ന് പോലീസ് പറഞ്ഞു.