കൊച്ചി ഷിപ്യാര്ഡില് നിര്മാണം നടന്നുവരുന്ന റോ-റോ വെസലിന് മുന്നില് മേയര് അഡ്വ. വി.കെ. മിനിമോളും ഹൈബി ഈഡന് എംപിയും സ്ഥിരം സമിതി അധ്യക്ഷരും.
കൊച്ചി: കൊച്ചി ഷിപ്യാര്ഡില് നിര്മാണം നടന്നുവരുന്ന കൊച്ചി നഗരസഭയുടെ മൂന്നാമത് റോ-റോ ഉടന് സര്വീസ് ആരംഭിക്കുമെന്ന് മേയര് അഡ്വ. വി.കെ. മിനിമോള്. ഹൈബി ഈഡന് എംപിയുടെ സാന്നിധ്യത്തില് കോര്പറേഷന് സംഘം ഷിപ്പിയാര്ഡിലെത്തി റോ-റോയുടെ നിര്മാണ പുരോഗതി വിലയിരുത്തിയ ശേഷം പ്രതികരിക്കുകയായിരുന്നു മേയര്.
ഒരു മാസത്തിനകം പുതിയ റോ-റോ സര്വീസ് ആരംഭിക്കുവാന് കഴിയും. മുഖ്യമന്ത്രിയുടെ സൗകര്യം കൂടി പരിഗണിച്ചായിരിക്കും പുതിയ റോ-റോ സര്വീസിന്റെ ഉദ്ഘാടന തീയതി അറിയിക്കുന്നതെന്നും മേയര് പറഞ്ഞു.
14 ട്രക്കുകളും 12 കാറുകളും 50 യാത്രക്കാരെയും ഉള്ക്കൊള്ളാന് ശേഷിയുള്ളതാണ് പുതിയ റോ-റോ. നഗരസഭ സ്ഥിരം സമിതി അധ്യക്ഷരായ ടി.കെ. അഷ്റഫ്, ആന്റണി പൈനുതറ, കെ.എ. മനാഫ്, അഡ്വ. പി.എം. നസീമ, സീന ഗോകുലന്, ജിസ്മി ജെറാള്ഡ്, നഗരസഭ സെക്രട്ടറി പി.എസ്. ഷിബു തുടങ്ങിയവരും മേയര്ക്കൊപ്പം ഉണ്ടായിരുന്നു.
Tags : Local News Nattuvishesham Ernakulam