27

പെ​രി​ന്ത​ൽ​മ​ണ്ണ: ഉ​ദ്ഘാ​ട​നം ക​ഴി​ഞ്ഞു മൂ​ന്നു മാ​സം പി​ന്നി​ട്ട​പ്പോ​ഴേ​ക്കും പു​തി​യ തൂ​ത​പ്പാ​ല​ത്തി​ൽ വി​ള്ള​ൽ രൂ​പ​പ്പെ​ട്ടു. ക​ഴി​ഞ്ഞ ദി​വ​സ​ങ്ങ​ളി​ലാ​ണ് പെ​രി​ന്ത​ൽ​മ​ണ്ണ ഭാ​ഗ​ത്തുനി​ന്ന് പാ​ല​ത്തി​ലേ​ക്ക് പ്ര​വേ​ശി​ക്കു​ന്ന സ്ഥ​ല​ത്ത് കോ​ണ്‍​ക്രീ​റ്റ് ഭി​ത്തി​ക്കും റോ​ഡി​നും ഇ​ട​യി​ൽ വി​ള്ള​ൽ രൂ​പ​പ്പെ​ട്ട് ടാ​റും മെ​റ്റ​ലും താ​ഴ്ന്നു പോ​കു​ന്ന നി​ല​യി​ൽ കാ​ണ​പ്പെ​ട്ട​ത്.

വി​ള്ള​ൽ ശ്ര​ദ്ധ​യി​ൽ​പ്പെ​ട്ട നാ​ട്ടു​കാ​ർ പാ​ല​ക്കാ​ട്, മ​ല​പ്പു​റം ജി​ല്ലാ ഭ​ര​ണ​കൂ​ട​ങ്ങ​ൾ​ക്ക് പ​രാ​തി ന​ൽ​കി​യി​രു​ന്നു. ഇ​തേ​ത്തു​ട​ർ​ന്ന് ക​ഴി​ഞ്ഞ ദി​വ​സം രാ​വി​ലെ ക​രാ​റു​കാ​ർ സ്ഥ​ല​ത്തെ​ത്തി കോ​ണ്‍​ക്രീ​റ്റ് ഉ​പ​യോ​ഗി​ച്ചു പാ​ല​ത്തി​ലെ വി​ള്ള​ൽ അ​ട​ക്കു​ക​യാ​യി​രു​ന്നു.

റീ ​ബി​ൽ​ഡ് കേ​ര​ള പ​ദ്ധ​തി​യി​ൽ ഉ​ൾ​പ്പെ​ടു​ത്തി കി​ഫ്ബി ഫ​ണ്ടി​ൽനി​ന്ന് 364 കോ​ടി രൂ​പ ചെ​ല​വി​ട്ടു​ള്ള മു​ണ്ടൂ​ർ തൂ​ത നാ​ലു​വ​രി​പ്പാ​ത​യു​ടെ നി​ർ​മാ​ണ പ്ര​വൃ​ത്തി​ക​ളി​ൽ ഉ​ൾ​പ്പെ​ടു​ത്തി​യാ​ണ് മ​ല​പ്പു​റം-​പാ​ല​ക്കാ​ട് ജി​ല്ല​ക​ളെ ബ​ന്ധി​പ്പി​ക്കു​ന്ന പു​തി​യ തൂ​ത പാ​ലം യാ​ഥാ​ർ​ഥ്യ​മാ​ക്കി​യ​ത്.

ഉ​ദ്ഘാ​ട​ന​ത്തി​ന് മു​ന്പു ത​ന്നെ മു​ണ്ടൂ​ർ മു​ത​ൽ തൂ​ത വ​രെ വി​വി​ധ​യി​ട​ങ്ങ​ളി​ൽ റോ​ഡ് വ്യാ​പ​ക​മാ​യി വി​ണ്ടു​കീ​റി​യ​തു വ​ലി​യ വി​വാ​ദ​മാ​യി​രു​ന്നു. തൂ​ത​പ്പു​ഴ​യ്ക്കു കു​റു​കേ പ​ഴ​യ പാ​ല​ത്തി​നു സ​മാ​ന്ത​ര​മാ​യി 10 മീ​റ്റ​ർ വീ​തി​യി​ലും 140 മീ​റ്റ​ർ നീ​ള​ത്തി​ലും പ​ണി​ത പു​തി​യ തൂ​ത​പ്പാ​ലം നി​യ​മ​സ​ഭാ തെ​ര​ഞ്ഞെ​ടു​പ്പ് പ്ര​ഖ്യാ​പ​ന​ത്തി​നു തൊ​ട്ടു​മു​ന്പു ക​ഴി​ഞ്ഞ മാ​ർ​ച്ച് 15നാ​ണ് നാ​ടി​നു സ​മ​ർ​പ്പി​ച്ച​ത്.

Tags : Local News Nattuvishesham Malappuram