കൊച്ചി: ഓപ്പറേഷന് തണ്ടറിന്റെ ഭാഗമായി നഗരത്തില് എക്സൈസ് നടത്തിയ പരിശോധനയില് എംഡിഎംഎയുമായി യുവതി ഉള്പ്പെടെ മൂന്നുപേര് അറസ്റ്റിലായി. രഹസ്യ വിവരത്തെത്തുടര്ന്ന് ഇടപ്പള്ളി ഭാഗത്ത് നടത്തിയ പരിശോധനയിലാണ് മൂവരും പിടിയിലായത്.
തൃശൂര് ഒല്ലൂര് സ്വദേശി ലാറി ജോണ് (36), തൃശൂര് ഈസ്റ്റ് കോമ്പാറ സ്വദേശിനി ഐവിന് പി. വിന്സെന്റ് (26), എറണാകുളം കടമക്കുടി സ്വദേശി നിഖില് പീറ്റര് (31) എന്നിവരെയാണ് എക്സൈസ് അറസ്റ്റ് ചെയ്തത്.
പരിശോധനയ്ക്ക് പിന്നാലെ കേസിലെ നാലാം പ്രതി ഓടി രക്ഷപ്പെട്ടു. പ്രതികളുടെ പക്കല് നിന്നും 110.73 ഗ്രാം എംഡിഎംഎയും മയക്കുമരുന്ന് വില്പനയിലൂടെ ലഭിച്ച 1,85,650 രൂപയും എംഡിഎംഎ എത്തിക്കാന് ഉപയോഗിച്ച കാറും കസ്റ്റഡിയിലെടുത്തു.
Tags : Local News Nattuvishesham Ernakulam