4

നെ​ല്ലി​യാ​മ്പ​തി: കാ​ല​വ​ർ​ഷം ശ​ക്ത​മാ​യ​തോ​ടെ നെ​ന്മാ​റ- നെ​ല്ലി​യാ​മ്പ​തി മ​ല​മ്പാ​ത​യി​ൽ മ​ര​ങ്ങ​ളും പാ​റ​ക്ക​ല്ലു​ക​ളും റോ​ഡി​ലേ​ക്കു പ​തി​ക്കു​ന്ന​ത് പ​തി​വാ​കു​ന്നു.

ക​ഴി​ഞ്ഞ​ദി​വ​സം കു​ണ്ട​ർ​ചോ​ല പാ​ല​ത്തി​നും മ​ര​പ്പാ​ല​ത്തി​നും സ​മീ​പം വ്യ​ത്യ​സ്ത സ​മ​യ​ങ്ങ​ളി​ലു​ണ്ടാ​യ ര​ണ്ടു​സം​ഭ​വ​ങ്ങ​ൾ മ​ണി​ക്കൂ​റു​ക​ൾ​ക്കു​ള്ളി​ൽ ഗ​താ​ഗ​ത​ത്തെ ബാ​ധി​ച്ചു. ഫ​യ​ർ ആ​ൻ​ഡ് റെ​സ്‌​ക്യൂ സ​ർ​വീ​സി​ന്‍റെ സ​മ​യോ​ചി​ത ഇ​ട​പെ​ട​ലി​നെ തു​ട​ർ​ന്നാ​ണ് ഗ​താ​ഗ​തം വേ​ഗ​ത്തി​ൽ പു​നഃ​സ്ഥാ​പി​ക്കാ​ൻ ക​ഴി​ഞ്ഞ​ത്.

ഇ​ന്ന​ലെ രാ​വി​ലെ എ​ട്ടോ​ടെ കു​ണ്ട​ർ​ചോ​ല പാ​ല​ത്തി​നു​സ​മീ​പം വ​ലി​യ​മ​രം റോ​ഡി​നു​കു​റു​കെ വീ​ണ​തി​നെ​തു​ട​ർ​ന്ന് ചു​രം​പാ​ത​യി​ലൂ​ടെ​യു​ള്ള വാ​ഹ​ന​ഗ​താ​ഗ​തം പൂ​ർ​ണ​മാ​യും ത​ട​സ​പ്പെ​ട്ടു. ഇ​രു​ഭാ​ഗ​ങ്ങ​ളി​ലും വാ​ഹ​ന​ങ്ങ​ളു​ടെ നീ​ണ്ട​നി​ര രൂ​പ​പ്പെ​ടു​ക​യും യാ​ത്ര​ക്കാ​ർ ഏ​റെ​നേ​രം കാ​ത്തു​നി​ൽ​ക്കേ​ണ്ട സാ​ഹ​ച​ര്യ​വു​മു​ണ്ടാ​യി. കൈ​കാ​ട്ടി​യി​ൽ താ​ൽ​ക്കാ​ലി​ക​മാ​യി ക്യാ​മ്പ് ചെ​യ്യു​ന്ന ഫ​യ​ർ ആ​ൻ​ഡ് റെ​സ്‌​ക്യൂ സ​ർ​വീ​സ് സം​ഘം സ്ഥ​ല​ത്തെ​ത്തി മ​രം മു​റി​ച്ചു​മാ​റ്റി. ഏ​ക​ദേ​ശം ഒ​രു​മ​ണി​ക്കൂ​റി​നു​ശേ​ഷ​മാ​ണ് ഗ​താ​ഗ​തം സാ​ധാ​ര​ണ നി​ല​യി​ലാ​യ​ത്. ഇ​തി​നി​ടെ ഇ​ന്ന​ലെ ഉ​ച്ച​യോ​ടെ മ​ര​പ്പാ​ല​ത്തി​നു​സ​മീ​പം മ​ല​മു​ക​ളി​ൽ​നി​ന്ന് വ​ലി​യ പാ​റ​ക്ക​ല്ല് റോ​ഡി​ലേ​ക്കു​പ​തി​ച്ചു. വീ​ണ്ടും ഫ​യ​ർ​ഫോ​ഴ്സ് സം​ഘം സ്ഥ​ല​ത്തെ​ത്തി പാ​റ​ക്ക​ല്ല് നീ​ക്കം​ചെ​യ്തു.

മ​ഴ ശ​ക്ത​മാ​യി തു​ട​രു​ന്ന​തി​നാ​ൽ മ​ല​യോ​ര മേ​ഖ​ല​യി​ലെ മ​ണ്ണി​ടി​ച്ചി​ൽ, മ​ര​ങ്ങ​ൾ ക​ട​പു​ഴ​കി വീ​ഴ​ൽ, പാ​റ​ക്ക​ല്ലു​ക​ൾ ഇ​ള​കി​വീ​ഴ​ൽ തു​ട​ങ്ങി​യ അ​പ​ക​ട​സാ​ധ്യ​ത​ക​ൾ വ​ർ​ധി​ച്ചി​രി​ക്കു​ക​യാ​ണ്. ക​ഴി​ഞ്ഞ വ​ർ​ഷ​ങ്ങ​ളി​ലും സ​മാ​ന​മാ​യ സം​ഭ​വ​ങ്ങ​ൾ ഗ​താ​ഗ​ത​ത്തെ ബാ​ധി​ച്ചി​രു​ന്ന സാ​ഹ​ച​ര്യ​ത്തി​ൽ, ഇ​ത്ത​വ​ണ​യും നെ​ല്ലി​യാ​മ്പ​തി ഒ​റ്റ​പ്പെ​ടു​മോ​യെ​ന്ന ആ​ശ​ങ്ക​യി​ലാ​ണ് പ്ര​ദേ​ശ​വാ​സി​ക​ളും വി​നോ​ദ​സ​ഞ്ചാ​ര മേ​ഖ​ല​യു​മാ​യി ബ​ന്ധ​പ്പെ​ട്ട​വ​രും.

ചു​രം പാ​ത​യി​ലൂ​ടെ യാ​ത്ര ചെ​യ്യു​ന്ന​വ​ർ അ​തീ​വ ജാ​ഗ്ര​ത പാ​ലി​ക്ക​ണ​മെ​ന്നും ശ​ക്ത​മാ​യ മ​ഴ​യു​ള്ള സ​മ​യ​ങ്ങ​ളി​ൽ അ​നാ​വ​ശ്യ യാ​ത്ര​ക​ൾ ഒ​ഴി​വാ​ക്ക​ണ​മെ​ന്നും അ​ധി​കൃ​ത​ർ നി​ർ​ദേ​ശി​ച്ചു. അ​പ​ക​ട​സാ​ധ്യ​ത​യു​ള്ള പ്ര​ദേ​ശ​ങ്ങ​ളി​ൽ തു​ട​ർ​ച്ച​യാ​യ നി​രീ​ക്ഷ​ണ​വും അ​ടി​യ​ന്ത​ര സാ​ഹ​ച​ര്യ​ങ്ങ​ൾ നേ​രി​ടാ​ൻ ഫ​യ​ർ ഫോഴ്സിന്‍റെ സേ​വ​ന​വും സ​ജ്ജ​മാ​ക്കി​യി​ട്ടു​ണ്ടെ​ന്നും അ​ധി​കൃ​ത​ർ അ​റി​യി​ച്ചു.

Tags : Nattuvishesham District news