6

തി​രു​വ​ല്ല: പ​ടി​ഞ്ഞാ​റ​ന്‍ മേ​ഖ​ല​യി​ല്‍ കി​ഴ​ക്ക​ന്‍ വെ​ള്ള​ത്തി​ന്റെ വ​ര​വി​ല്‍ ശ​മ​ന​മി​ല്ല. തി​രു​വ​ല്ല ന​ഗ​ര​സ​ഭ , പെ​രി​ങ്ങ​ര,നി​ര​ണം, നെ​ടു​മ്പ്രം, ക​ട​പ്ര, കു​റ്റൂ​ർ ഗ്രാ​മ​പ​ഞ്ചാ​യ​ത്തു​ക​ളി​ൽ പ്ര​ള​യ​ക്കെ​ടു​തി​ക​ൾ ഇ​പ്പോ​ഴും തു​ട​രു​ക​യാ​ണ്. കി​ഴ​ക്ക​ൻ വെ​ള്ള​ത്തി​ന്‍റെ കു​ത്തൊ​ഴു​ക്ക് നി​ല​ച്ച​തോ​ടെ വെ​ള്ളം ര​ണ്ട​ടി​യോ​ളം കു​റ​ഞ്ഞി​ട്ടു​ണ്ട്. തോ​ട്ട​പ്പ​ള്ളി സ്പി​ൽ​വേ​യി​ലൂ​ടെ വെ​ള്ളം ഒ​ഴു​ക്കി​ന് പ​ക​ൽ വേ​ഗം കൈ​വ​ന്ന​തും തു​ണ​യാ​യി. പെ​രി​ങ്ങ​ര​യി​ല്‍ ചാ​ത്ത​ങ്ക​രി, മേ​പ്രാ​ല്‍, കു​റ്റൂ​രി​ല്‍ ക​ല്ലു​ങ്ക​ല്‍, തേ​ങ്ങേ​ലി ഭാ​ഗ​ങ്ങ​ളി​ലെ താ​ഴ്ന്ന​പ്ര​ദേ​ശ​ങ്ങ​ളി​ലെ നൂ​റു​ക​ണ​ക്കി​ന് വീ​ടു​ക​ള്‍ ഇ​പ്പോ​ഴും വെ​ള്ള​ത്തി​ന​ടി​യി​ലാ​ണ്.

വൈ​ദ്യു​തി​ബ​ന്ധം പു​നഃ​സ്ഥാ​പി​ച്ചി​രു​ന്നെ​ങ്കി​ലും അ​പ്പ​ര്‍​കു​ട്ട​നാ​ട്ടി​ല്‍ അ​പ​ക​ട​സാ​ധ്യ​ത നി​ല​നി​ല്‍​ക്കു​ന്ന ഇ​ട​ങ്ങ​ളി​ല്‍ വി​ച്ഛേ​ദി​ച്ചി​ട്ടു​ണ്ട്. പാ​ത​ക​ള്‍ ഇ​പ്പോ​ഴും വെ​ള്ള​ത്തി​ലാ​ണ്. പ്ര​ധാ​ന റോ​ഡു​ക​ളി​ല്‍ വ​ലി​യ വാ​ഹ​ന​ങ്ങ​ളെ​മാ​ത്ര​മേ ക​ട​ത്തി​വി​ടു​ന്നു​ള്ളൂ. തി​രു​വ​ല്ല-​അ​മ്പ​ല​പ്പു​ഴ പാ​ത​യി​ല്‍ ഗ​താ​ഗ​തം തു​ട​ങ്ങി​യി​ട്ടി​ല്ല. എം​സി റോ​ഡി​ലും തി​രു​വ​ല്ല-​കാ​യം​കു​ളം റോ​ഡി​ലും വ​ലി​യ വാ​ഹ​ന​ങ്ങ​ൾ ക​ട​ത്തി​വി​ടു​ന്നു​ണ്ട്. പ​മ്പ, മ​ണി​മ​ല ന​ദി​ക​ളി​ല്‍ നി​ന്നു​ള്ള വെ​ള്ള​മാ​ണ് എം​സി റോ​ഡി​ലും മ​റ്റു പാ​ത​ക​ളി​ലും ക​യ​റി​യ​ത്. തി​രു​മൂ​ല​പു​ര​ത്തും കു​റ്റൂ​രി​നും ഇ​ട​യി​ലു​ണ്ടാ​യി​രു​ന്ന വെ​ള്ള​ക്കെ​ട്ടൊ​ഴി​ഞ്ഞു. വ്യാ​പാ​ര​സ്ഥാ​പ​ന​ങ്ങ​ള്‍ മു​ങ്ങി ല​ക്ഷ​ങ്ങ​ളു​ടെ നാ​ശ​മു​ണ്ട്. തി​രു​വ​ല്ല-​കാ​യം​കു​ളം സം​സ്ഥാ​ന​പാ​ത​യി​ല്‍ പു​ളി​ക്കീ​ഴി​ലാ​ണ് പ്ര​ശ്‌​നം. ഗ്രാ​മീ​ണ​റോ​ഡു​ക​ള്‍ ഭൂ​രി​ഭാ​ഗ​വും വെ​ള്ള​ത്തി​ലാ​ണ്.

ഇ​രു​വെ​ള്ളി​പ്ര റെ​യി​ല്‍​വേ അ​ടി​പ്പാ​ത​യും കു​റ്റൂ​ര്‍ അ​ടി​പ്പാ​ത​യും അ​ട​ച്ചി​രി​ക്കു​ക​യാ​ണ്. യാ​ത്രാ​മാ​ർ​ഗം നി​ല​ച്ച​തോ​ടെ പ​ല​രും വീ​ടു​ക​ളി​ൽ കു​ടു​ങ്ങി​യി​രി​ക്കു​ക​യാ​ണ്. വി​ദ്യാ​ഭ്യാ​സ സ്ഥാ​പ​ന​ങ്ങ​ൾ​ക്ക് അ​വ​ധി​യാ​യ​തി​നാ​ൽ കു​ട്ടി​ക​ൾ​ക്ക് പു​റ​ത്തി​റ​ങ്ങേ​ണ്ട​തി​ല്ലെ​ങ്കി​ലും ഓ​ഫീ​സു​ക​ളി​ലും മ​റ്റു തൊ​ഴി​ലി​ട​ങ്ങ​ളി​ലും പോ​കേ​ണ്ട​വ​ർ ബു​ദ്ധി​മു​ട്ടി​ലാ​ണ്. പ​ത്ത​നം​തി​ട്ട ജി​ല്ല​യി​ൽ തി​രു​വ​ല്ല ഒ​ഴി​കെ​യു​ള്ള താ​ലൂ​ക്കു​ക​ളി​ൽ ഇ​ന്ന് അ​ധ്യ​യ​നം പു​ന​രാ​രം​ഭി​ക്കു​ന്ന​തോ​ടെ സ​മീ​പ സ്ഥ​ല​ങ്ങ​ളി​ലേ​ക്ക് പോ​കേ​ണ്ട അ​ധ്യാ​പ​ക​ര​ട​ക്ക​മു​ള്ള​വ​രു​ടെ യാ​ത്ര ബു​ദ്ധി​മു​ട്ടി​ലാ​കും.

ഗ്രൂ​വ​ല്‍ സെ​നന്‍റ​റു​ക​ള്‍ ഇ​ത്ത​വ​ണ തു​റ​ന്നി​ല്ല

കി​ഴ​ക്ക​ന്‍ വെ​ള്ള​ത്തി​ന്റെ വ​ര​വി​ല്‍ പ്ര​ള​യ​ക്കെ​ടു​തി​യി​ല്‍ വ​ല​ഞ്ഞ അ​പ്പ​ര്‍​കു​ട്ട​നാ​ട്ടി​ല്‍ ഗ്രൂ​വ​ല്‍ സെ​ന്റ​റു​ക​ള്‍ (ക​ഞ്ഞി​വീ​ഴ്ത്ത് കേ​ന്ദ്ര​ങ്ങ​ള്‍) ഇ​ത്ത​വ​ണ തു​റ​ന്നി​ല്ല. ഇ​തോ​ടെ പ​ടി​ഞ്ഞാ​റ​ന്‍​മേ​ഖ​ല​ക​ളി​ല്‍ വീ​ടു​ക​ളി​ല്‍ ക​ഴി​യു​ന്ന​ആ​ളു​ക​ള്‍ ദു​രി​ത​ത്തി​ലാ​യി. വെ​ള്ളം ഇ​റ​ങ്ങി വീ​ട് വൃ​ത്തി​യാ​ക്കാ​ന്‍ തി​രി​കെ എ​ത്തു​ന്ന വീ​ട്ടു​കാ​ര്‍​ക്കും ഇ​ത്ത​രം കേ​ന്ദ്ര​ങ്ങ​ള്‍ സ​ഹാ​യ​ക​മാ​യി​രു​ന്നു വെ്ള​ക്കെ​ട്ട് ദു​രി​ത​ത്തി​ലാ​യാ​ലും വ​ള​ര്‍​ത്തു​മൃ​ഗ​ങ്ങ​ളെ​യ​ട​ക്കം പ​രി​പാ​ലി​ക്കേ​ണ്ട​തി​നാ​ല്‍ പ​ല​രും വീ​ടു​ക​ളി​ല്‍​ത​ന്നെ തു​ട​രു​ക​യാ​ണ്.

ക​ഞ്ഞി​വീ​ഴ്ത്ത് കേ​ന്ദ്ര​ങ്ങ​ൾ​ക്കു​ള്ള ഭ​ക്ഷ്യ​ധാ​ന്യം സ​പ്ലൈ​കോ വ​ഴി​യാ​ണ് ന​ല്‍​കി​യി​രു​ന്ന​ത്. മു​മ്പ് ഗ്രൂ​വ​ല്‍ സെ​ന്റ​റി​ലെ ക​ണ്‍​വീ​ന​ര്‍​മാ​ര്‍ കു​ടും​ബ​ങ്ങ​ളു​ടെ വി​വ​ര​ങ്ങ​ളും റേ​ഷ​ന്‍ കാ​ര്‍​ഡും വി​ല്ലേ​ജ് ഓ​ഫീ​സ​ര്‍​ക്ക് ന​ല്‍​കി​യാ​ല്‍ ഉ​ട​ന്‍ ത​ന്നെ സ​പ്ലൈ​കോ​വ​ഴി ഭ​ക്ഷ്യ​ധാ​ന്യ​ങ്ങ​ള്‍ ല​ഭി​ച്ചി​രു​ന്നു. എ​ന്നാ​ല്‍ ഇ​പ്പോ​ള്‍ പ​ഞ്ചാ​യ​ത്ത് വ​ഴി വി​വ​രം ജോ​യി​ന്റ് ഡ​യ​ക്ട​റു​ടെ ഓ​ഫീ​സി​ലെ​ത്തി അ​വി​ടെ​നി​ന്ന് അം​ഗീ​ക​രി​ച്ച് വ​ര​ണം. ഇ​ക്കാ​ര​ണ​ത്താ​ലാ​ണ് കേ​ന്ദ്രം തു​ട​ങ്ങാ​ൻ ക​ഴി​യാ​തെ പോ​യ​തെ​ന്ന് പ​റ​യു​ന്നു.

Tags : Nattuvishesham Local News Upper Kuttanad distress