6

പാലായിൽനിന്ന് പാ​രാ ഹോ​ക്കി ലോ​ക​ക​പ്പ് ടീ​മിൽ

പാ​ലാ: പ്ര​തി​കൂ​ല സാ​ഹ​ച​ര്യ​ങ്ങ​ളെ അ​തി​ജീ​വി​ച്ച് അ​ധ്വാ​ന​വും ആ​ത്മ​വി​ശ്വാ​സ​വും കൊ​ണ്ട് അ​ന്താ​രാ​ഷ്ട്ര കാ​യി​ക​വേ​ദി​യി​ലേ​ക്ക് ഉ​യ​ര്‍​ന്നി​രി​ക്കു​ക​യാ​ണ് പാ​ലാ സ്‌​നേ​ഹാ​രാം സ്‌​പെ​ഷ​ല്‍ സ്‌​കൂ​ളി​ലെ വി​ദ്യാ​ര്‍​ഥി​യാ​യ സൂ​ര​ജ് ബി​ജു. ഈ ​വ​ര്‍​ഷം ബെ​ല്‍​ജി​യ​ത്തി​ലും നെ​ത​ര്‍​ലാ​ന്‍​ഡ്‌​സി​ലു​മാ​യി ന​ട​ക്കു​ന്ന പാ​രാ ഹോ​ക്കി ലോ​ക​ക​പ്പി​ല്‍ ഇ​ന്ത്യ​യെ പ്ര​തി​നി​ധീ​ക​രി​ക്കാ​ന്‍ സൂ​ര​ജ് തെ​ര​ഞ്ഞെ​ടു​ക്ക​പ്പെ​ട്ടി​രി​ക്കു​ക​യാ​ണ്. ടീ​മി​ലെ ഏ​ക മ​ല​യാ​ളി സാ​ന്നി​ധ്യ​മാ​ണ് സൂ​ര​ജ്.

ബാ​ല്യം മു​ത​ല്‍ സ്‌​നേ​ഹ​ഗി​രി മി​ഷ​ന​റി സി​സ്റ്റേ​ഴ്‌​സി​ന്‍റെ സം​ര​ക്ഷ​ണ​യി​ലാ​യി​രു​ന്നു സൂ​ര​ജ്. പാ​റ​ത്തോ​ട്ടി​ലെ സി​സ്റ്റേ​ഴ്‌​സ് ഓ​ഫ് ഹോ​ളി സ്പി​രി​റ്റി​ന്‍റെ സ്‌​നേ​ഹ​ദീ​പം ബാ​ല​ഭ​വ​നി​ലാ​യി​രു​ന്നു തു​ട​ക്കം. അ​മ്മ​യി​ല്ലാ​ത്ത സൂ​ര​ജി​ന് രോ​ഗി​യാ​യ പി​താ​വ് ബി​ജു​വും അ​ശ്വ​തി, രേ​വ​തി എ​ന്നീ സ​ഹോ​ദ​രി​മാ​രു​മാ​ണു​ള്ള​ത്. ര​ണ്ടു വ​ര്‍​ഷ​ങ്ങ​ളാ​യി സൂ​ര​ജി​ന്‍റെ പി​താ​വ് പാ​ലാ മ​രി​യ സ​ദ​ന​ത്തി​ന്‍റെ സം​ര​ക്ഷ​ണ​ത്തി​ലാ​ണ്.

സൂ​ര​ജി​ന്‍റെ കാ​യി​ക​മി​ക​വ് ആ​ദ്യ​മാ​യി തി​രി​ച്ച​റി​ഞ്ഞ​ത് സ്‌​നേ​ഹാ​രാം സ്‌​പെ​ഷ​ല്‍ സ്‌​കൂ​ളി​ന്‍റെ പ്രി​ന്‍​സി​പ്പ​ലാ​യ സി​സ്റ്റ​ര്‍ റോ​സ്മി​ത എ​സ്എം​എ​സ് ആ​യി​രു​ന്നു. തു​ട​ര്‍​ന്ന് സ്‌​കൂ​ളി​ലെ കാ​യി​ക​പ​രി​ശീ​ല​ക​യാ​യ അ​ല്ലി​യ​മ്മ ജോ​ണി​ന്‍റെ കീ​ഴി​ല്‍ വ​ര്‍​ഷ​ങ്ങ​ളോ​ളം പ​രി​ശീ​ല​നം ല​ഭി​ച്ചു. ക​ഠി​നാ​ധ്വാ​ന​വും നി​ര​ന്ത​ര പ​രി​ശീ​ല​ന​വും സൂ​ര​ജി​നെ ഫു​ട്‌​ബോ​ൾ, അ​ത്‌​ല​റ്റി​ക്‌​സ്, ബാ​ഡ്മി​ന്‍റ​ണ്‍, ഹോ​ക്കി എ​ന്നീ ഇ​ന​ങ്ങ​ളി​ല്‍ മി​ക​വ് തെ​ളി​യി​ക്കു​ന്ന താ​ര​മാ​ക്കി. ഹോ​ക്കി​യി​ലാ​ണ് സൂ​ര​ജി​ന്‍റെ ശ്ര​ദ്ധേ​യ​മാ​യ നേ​ട്ട​ങ്ങ​ളെ​ല്ലാം.

സ്‌​പെ​ഷ​ല്‍ ഒ​ളി​മ്പി​ക്‌​സ് ഭാ​ര​ത് സം​ഘ​ടി​പ്പി​ച്ച വി​വി​ധ പ​രി​ശീ​ല​ന ക്യാ​മ്പു​ക​ളി​ലും സം​സ്ഥാ​ന മ​ത്സ​ര​ങ്ങ​ളി​ലും ദേ​ശീ​യ​ത​ല മ​ത്സ​ര​ങ്ങ​ളി​ലും മി​ക​ച്ച പ്ര​ക​ട​നം കാ​ഴ്ച​വ​ച്ച സൂ​ര​ജ്, സ്‌​പെ​ഷ ല്‍ ​ഒ​ളി​മ്പി​ക്‌​സ് ഭാ​ര​ത് ദേ​ശീ​യ ഹോ​ക്കി ടീ​മി​ലേ​ക്ക് തെ​ഞ്ഞെ​ട​ക്ക​പ്പെ​ട്ടു. ഈ ​നേ​ട്ട​മാ​ണ് പി​ന്നീ​ട് പാ​രാ ഹോ​ക്കി ലോ​ക​ക​പ്പി​നു​ള്ള ഇ​ന്ത്യ​ന്‍ ടീ​മി​ലേ​ക്കു​ള്ള വ​ഴി തു​റ​ന്ന​ത്.

Tags : Nattuvishesham DistrictNews DeepikaNews Sooraj