10

കൊ​ല്ലം: നാ​ലു ചു​വ​രു​ക​ള്‍​ക്കു​ള്ളി​ല്‍ ഒ​തു​ങ്ങി​പ്പോ​യ ജീ​വി​ത​ത്തി​ല്‍​നി​ന്ന് സ്വ​പ്ന​ങ്ങ​ളു​ടെ ചി​റ​കി​ലേ​റി വ​ന്ദേഭാ​ര​ത് എ​ക്‌​സ്പ്ര​സി​ന്‍റെ വേ​ഗ​ത്തി​ലേ​ക്ക്. അ​വി​ടെ​നി​ന്ന് കൊ​ച്ചി​യു​ടെ മ​നോ​ഹ​ര​മാ​യ കാ​യ​ല്‍​ക്കാ​ഴ്ച​ക​ളി​ലേ​ക്കും സ്‌​നേ​ഹ​സൗ​ഹൃ​ദ​ങ്ങ​ളു​ടെ പു​തു​ലോ​ക​ത്തി​ലേ​ക്കും ഒ​രു യാ​ത്ര.

ഇ​ഞ്ച​വി​ള സ​ര്‍​ക്കാ​ര്‍ വൃ​ദ്ധ​സ​ദ​ന​ത്തി​ലെ അ​മ്മ​മാ​ര്‍​ക്ക് ഇ​ത് കേ​വ​ല​മൊ​രു വി​നോ​ദ​യാ​ത്ര​യാ​യി​രു​ന്നി​ല്ല, കാ​ല​ങ്ങ​ളാ​യി മ​ന​സി​ല്‍ സൂ​ക്ഷി​ച്ചു​വ​ച്ചി​രു​ന്ന ഒ​രു വ​ലി​യ ആ​ഗ്ര​ഹ​ത്തി​ന്‍റെ സാ​ക്ഷാ​ത്കാ​ര​വും ജീ​വി​ത​ത്തി​ല്‍ ഒ​രി​ക്ക​ലും മ​റ​ക്കാ​നാ​വാ​ത്ത ഓ​ര്‍​മ​ക​ളു​ടെ സ​മ്മാ​ന​വു​മാ​യി​രു​ന്നു.

ഓ​ണ​ക്കാ​ല​ത്ത് സ്‌​നേ​ഹ​ത്തി​ന്‍റെ​യും ക​രു​ത​ലി​ന്‍റെയും നി​റ​വി​ല്‍, കൊ​ല്ലം ഡി​സ്ട്രി​ക്ട് വി​മ​ന്‍​സ് കൗ​ണ്‍​സി​ലും വൈ​സ് മെ​ന്‍​സ് ഇ​ന്‍റ​ര്‍​നാ​ഷ​ണ​ലും സം​യു​ക്ത​മാ​യാ​ണ് അ​മ്മ​മാ​ര്‍​ക്കാ​യി ഈ ​അ​പൂ​ര്‍​വ സൗ​ഹൃ​ദ​യാ​ത്ര ഒ​രു​ക്കി​യ​ത്.

‘അ​മ്മ​മാ​ര്‍​ക്കൊ​പ്പം ഒ​രു പ​ക​ല്‍' എ​ന്ന പേ​രി​ല്‍ ന​ഗ​ര​ക്കാ​ഴ്ച​ക​ള്‍ കാ​ണാ​നും സി​നി​മ ആ​സ്വ​ദി​ക്കാ​നും അ​വ​സ​ര​മൊ​രു​ക്കി. തു​ട​ര്‍​ന്ന് ആ​രാ​ധ​നാ​ല​യ​ങ്ങ​ള്‍ സ​ന്ദ​ര്‍​ശി​ക്ക​ണ​മെ​ന്ന അ​വ​രു​ടെ ആ​ഗ്ര​ഹ​വും സ​ഫ​ല​മാ​ക്കി.

രാ​വി​ലെ 5.50ന് ​കൊ​ല്ലം റെ​യി​ല്‍​വേ സ്റ്റേ​ഷ​നി​ല്‍​ന​ട​ന്ന ച​ട​ങ്ങി​ല്‍ ഡി​സ്ട്രി​ക്‌ട് വി​മ​ന്‍​സ് കൗ​ണ്‍​സി​ല്‍ പ്ര​സി​ഡ​ന്‍റ് കൂ​ടി​യാ​യ ക​ള​ക്‌ടര്‍ ആ​നി ജൂ​ല തോ​മ​സ് യാ​ത്ര ഫ്ലാഗ് ഓ​ഫ് ചെ​യ്തു.

Tags : NattuVishasham DistrictNews