4

‌കോ​ഴി​ക്കോ​ട്: ഒ​ഴി​വു​സ​മ​യ​ത്തെ പ​രീ​ക്ഷ​ണം എ​ന്ന നി​ല​യി​ൽ ആ​രം​ഭി​ച്ച പ​ച്ച​ക്ക​റി കൃ​ഷി സൂ​പ്പ​ർ ഹി​റ്റാ​യ​തി​ന്‍റെ ത്രി​ല്ലി​ലാ​ണ് ഒ​രു കൂ​ട്ടം ഡ്രൈ​വ​ർ​മാ​ർ. കോ​ഴി​ക്കോ​ട് പ​റ​മ്പി​ൽ ബ​സാ​റി​ലെ ടാ​ക്സി- ഗു​ഡ്സ് ഡ്രൈ​വ​ർ​മാ​രാ​ണ് സ്റ്റാ​ൻ​ഡി​നോ​ട് ചേ​ർ​ന്ന വ​യ​ലി​ൽ ജൈ​വ​രീ​തി​യി​ൽ കൃ​ഷി ന​ട​ത്തു​ന്ന​ത്.

ചീ​ര, പ​യ​ർ, വെ​ണ്ട, മ​ത്ത​ൻ, പാ​വ​യ്ക്ക, വെ​ള്ള​രി, ഇ​ള​വ​ൻ, പ​ട​വ​ലം, പീ​ച്ചി​ങ്ങ തു​ട​ങ്ങി​യ​വ​യെ​ല്ലാം 10 സെ​ന്‍റോ​ളം സ്ഥ​ല​ത്ത് സ​മൃ​ദ്ധ​മാ​യി വി​ള​ഞ്ഞി​രി​ക്കു​ക​യാ​ണ്. ഒ​ഴി​വു​സ​മ​യ​ത്ത് കൃ​ഷി ന​ട​ത്തി​യാ​ലോ എ​ന്ന സൗ​ഹൃ​ദ കൂ​ട്ടാ​യ്മ​യി​ലെ ആ​ലോ​ച​ന പി​ന്നീ​ട് വേ​രു പി​ടി​ക്കു​ക​യാ​യി​രു​ന്നു.
വ​യ​ലി​ന്‍റെ ഉ​ട​മ​യാ​യ കൊ​ള​ക്കാ​ട്ടി​ൽ ബി​ജു​വി​നോ​ട് അ​നു​മ​തി വാ​ങ്ങി നി​ല​മൊ​രു​ക്കി. മി​ക​ച്ച​യി​നം വി​ത്തു​ക​ൾ വാ​ങ്ങി തൈ​ക​ൾ മു​ള​പ്പി​ച്ചു.

ഒ​ഴി​വു​സ​മ​യ​ങ്ങ​ളി​ൽ എ​ല്ലാം ശ്ര​ദ്ധ​യോ​ടെ പ​രി​ച​ര​ണം ന​ട​ത്തി. ചാ​ണ​ക​വും മ​റ്റു ജൈ​വ​വ​ള​ങ്ങ​ളും മാ​ത്ര​മാ​ണ് ഉ​പ​യോ​ഗി​ച്ച​ത്. പി. ​ച​ന്ദ്ര​ശേ​ഖ​ര​ൻ, ഹ​രീ​ഷ് പാ​റേ​ക്കാ​ട്ടി​ൽ, ​മ​ഹേ​ഷ് മണ്ണാറക്കൽ, അ​ബ്ദു​ൾ റ​ഹീ​സ്, വി​ജീ​ഷ്, ഷാ​ഹു​ൽ ഹ​മീ​ദ് എ​ന്നി​വ​രാ​ണ് കൃ​ഷി​ക്കാ​യി മു​ന്നി​ട്ടി​റ​ങ്ങി​യ​ത്. മ​റ്റു​ള്ള ഡ്രൈ​വ​ർ​മാ​രും പി​ന്തു​ണ​യും സ​ഹാ​യ​ങ്ങ​ളു​മാ​യി ഒ​പ്പം കൂ​ടി.

വി​ള​വെ​ടു​ക്കു​ന്ന പ​ച്ച​ക്ക​റി വീ​ട്ടാ​വ​ശ്യ​ത്തി​ന് ഉ​പ​യോ​ഗി​ക്കു​ന്ന​തി​ന് പു​റ​മെ തോ​ട്ട​ത്തി​ൽ വ​ച്ചു​ത​ന്നെ വി​ൽ​പ്പ​ന ന​ട​ത്തു​ന്നു​മു​ണ്ട്. മി​ക​ച്ച രീ​തി​യി​ൽ വി​ള​വ് ല​ഭി​ച്ച​തി​നാ​ൽ വ​രും വ​ർ​ഷ​ങ്ങ​ളി​ലും കൃ​ഷി തു​ട​ര​ണ​മെ​ന്ന തീ​രു​മാ​ന​ത്തി​ലാ​ണ് ഡ്രൈ​വ​ർ​മാ​ർ.

Tags : nattu vishesham Vegetable farming