10

   തു​റ​വൂ​ർ: വി​നോ​ദ​സ​ഞ്ചാ​രി​ക​ളെ മാ​ടി​വി​ളി​ച്ച് ലോ​ക വി​നോ​ദ സ​ഞ്ചാ​ര ഭൂ​പ​ട​ത്തി​ൽ സു​ന്ദ​ര​തീ​രം എ​ന്ന വി​ശേ​ഷ​ണ​മു​ള്ള കാ​ക്ക​ത്തു​രു​ത്തെ​ന്ന സു​ന്ദ​ര​ദ്വീ​പ്. എ​റ​ണാ​കു​ളം-ആ​ല​പ്പു​ഴ അ​തി​ർ​ത്തി​യി​ൽ, ന​ഗ​ര​ങ്ങ​ളു​ടെ തി​ര​ക്കും ബ​ഹ​ള​വും മാ​റ്റിവ​ച്ച് വെ​റും 45 മി​നി​റ്റ് സ​ഞ്ച​രി​ച്ചാ​ൽ എ​ത്തി​ച്ചേ​രു​ന്ന ഒ​രു കൊ​ച്ചുലോ​ക​മു​ണ്ട് -വെ​ള്ള​ത്താ​ൽ നാ​ലു​വ​ശ​വും ചു​റ്റ​പ്പെ​ട്ട കാ​ക്ക​ത്തു​രു​ത്ത്. കാ​ലം നി​ശ​ബ്ദ​മാ​യി നി​ൽ​ക്കു​ന്നു​വെ​ന്ന തോ​ന്ന​ലു​ണ്ടാ​ക്കു​ന്ന ഈ ​ഗ്രാ​മം ഇ​ന്നും കേ​ര​ള​ത്തി​ന്‍റെ ആ​ത്മാ​വി​നെ സൂ​ക്ഷി​ച്ചു​വ​ച്ചി​രി​ക്കു​ന്ന അ​പൂ​ർ​വ ഇ​ട​മാ​ണ്. പാ​ട​വ​ര​മ്പു​ക​ളും നാ​ട്ടു​വ​ഴി​ക​ളും ത​ഴ​ച്ചു​നി​ൽ​ക്കു​ന്ന കൈ​ത​ച്ചോ​ല​ക​ളും വെ​ള്ള​ത്തി​ൽ പ്ര​തി​ഫ​ലി​ക്കു​ന്ന ആ​കാ​ശ​വും ചേ​ർ​ന്ന് കാ​ക്ക​ത്തു​രു​ത്തി​നെ ഒ​രു ജീ​വ​നു​ള്ള ചി​ത്ര​മാ​ക്കി മാ​റ്റു​ന്നു.

40 വ​ർ​ഷ​ങ്ങ​ൾ​ക്ക് മു​ൻ​പ് കേ​ര​ള ഗ്രാ​മ​ങ്ങ​ളി​ൽ ക​ണ്ടി​രു​ന്ന ഗ്രാ​മ​ഭം​ഗി ഇ​ന്നും ഇ​വി​ടെ അ​തേ​പ​ടി അ​നു​ഭ​വി​ക്കാം. തു​മ്പി​ക​ളും പൂ​മ്പാ​റ്റ​ക​ളും കു​രു​വി​ക​ളും ദേ​ശാ​ട​നപ​ക്ഷി​ക​ളും ഈ ​ദ്വീ​പി​ന്‍റെ സ്ഥി​രം കൂ​ട്ടു​കാ​ർ. പു​ല​ർ​ച്ചെ മു​ത​ൽ സ​ന്ധ്യവ​രെ പ​ക്ഷി​ക​ളു​ടെ ചി​റ​ക​ടി​യും വെ​ള്ള​ത്തി​ന്‍റെ മ​നോ​ഹ​ര​മാ​യ ച​ല​ന​വും മാ​ത്ര​മാ​ണ് ഇ​വി​ടെ കേ​ൾ​ക്കു​ക.ഗ്രാ​മ​ത്തി​ന്‍റെ രാ​ത്രി മ​റ്റൊ​രു ലോ​ക​മാ​ണ്. മി​ന്നാ​മി​നു​ങ്ങു​ക​ൾ പാ​ട​വ​ര​മ്പു​ക​ളി​ൽ ന​ക്ഷ​ത്ര​ങ്ങ​ളാ​യി തെ​ളി​യും. ചീ​വീ​ടി​ന്‍റെയും മൂ​ങ്ങ​യു​ടെ​യും പു​ള്ളു​ക​ളു​ടെ​യും ശ​ബ്ദ​ങ്ങ​ൾ രാ​ത്രി​ക്ക് താ​ള​മി​ടും.

ന​ഗ​ര​ങ്ങ​ളി​ൽ ന​ഷ്ട​പ്പെ​ട്ടു​പോ​യ ശാ​ന്ത​ത ഇ​വി​ടെ ഇ​ന്നും ജീ​വി​ച്ചി​രി​ക്കു​ന്നു. തീ​ർ​ച്ച​യാ​യും ഇ​ത് പ​ഴ​മ​യി​ലേ​ക്കു​ള്ള ഒ​രു യാ​ത്രത​ന്നെ​യാ​ണ്.പ​ക​ൽ സ​മ​യ​ങ്ങ​ളി​ൽ നാ​ട്ടു​വ​ഴി​ക​ളി​ലൂ​ടെ ന​ട​ന്നു പോ​കാം, പാ​ട​വ​ര​മ്പ​ത്ത് ചൂ​ണ്ട​യി​ട്ടോ വ​ല​വീ​ശി​യോ മീ​ൻപി​ടി​ക്കാം. ചെ​റുവ​ഞ്ചി​യി​ലോ ച​ങ്ങാ​ട​ത്തി​ലോ വെ​ള്ള​ത്തി​ലൂ​ടെ സ​ഞ്ച​രി​ക്കാം. കാ​യ​ലി​ൽ സൂ​ര്യാ​സ്ത​മ​നം കാ​ണാ​ൻ ശി​ക്കാ​രാ ബോ​ട്ടി​ൽ പോ​കു​മ്പോ​ൾ, ചു​വ​പ്പും ഓ​റ​ഞ്ചും ക​ല​ർ​ന്ന ആ​കാ​ശം വെ​ള്ള​ത്തി​ൽ പ​തി​യു​ന്ന കാ​ഴ്ച ജീ​വി​ത​കാ​ലം മു​ഴു​വ​ൻ മ​ന​സി​ൽ പ​തി​ഞ്ഞു​നി​ൽ​ക്കും.നാ​ട​ൻ ഭ​ക്ഷ​ണ​ത്തി​ന്‍റെ രു​ചി​യും കാ​ക്ക​ത്തു​രു​ത്തി​ന്‍റെ മ​റ്റൊ​രു മു​ഖ​മാ​ണ്.

വെ​ളി​ച്ചെ​ണ്ണ​യി​ൽ പാ​കം ചെ​യ്ത ക​രി​മീ​ൻ, നാ​ര​ൻ ചെ​മ്മീ​ൻ, ക​ക്ക, ഞ​ണ്ട്, താ​റാ​വ്, ബീ​ഫ് വി​ഭ​വ​ങ്ങ​ൾ, മീ​ൻ​ക​റി, സാ​മ്പാ​ർ, അ​വി​യ​ൽ, ചോ​റ് എ​ല്ലാം സ്നേ​ഹ​ത്തോ​ടെ വി​ള​മ്പു​ന്ന രു​ചി​ക​ൾ. വൈ​കു​ന്നേ​ര​ങ്ങ​ളി​ൽ ചൂ​ടു​ചാ​യ​യും പ​ഴം​പൊ​രി​യും ഈ ​അ​നു​ഭ​വ​ത്തി​ന് നി​റം​കൂ​ട്ടും.നാ​ഷ​ണ​ൽ ജി​യോ​ഗ്രാ​ഫി​ക് ട്രാ​വ​ൽ മാ​ഗ​സി​ൻ ലോ​ക​ത്തി​ലെ ഏ​റ്റ​വും മ​നോ​ഹ​ര​മാ​യ 24 സ്ഥ​ല​ങ്ങ​ളി​ൽ ഒ​ന്നാ​യി തെ​ര​ഞ്ഞെ​ടു​ത്ത​തോ​ടെ, ഈ ​കൊ​ച്ചുഗ്രാ​മം ലോ​ക ടൂ​റി​സം ഭൂ​പ​ട​ത​തി​ലും ഇ​ടം നേ​ടി. എ​ന്നാ​ൽ, കാ​ക്ക​ത്തു​രു​ത്തി​ന്‍റെ യ​ഥാ​ർ​ഥ സൗ​ന്ദ​ര്യം പു​ര​സ്കാ​ര​ങ്ങ​ളി​ല​ല്ല മറിച്ച് അ​തി​ന്‍റെ നി​ശ​ബ്ദ​തി​ലും മ​നു​ഷ്യ​രി​ലും പ്ര​കൃ​തി​യി​ലു​മാ​ണ്.

എ​ര​മ​ല്ലൂ​രി​ന​ടു​ത്തു​ള്ള ബോ​ട്ട് ജെ​ട്ടി​യി​ൽനി​ന്ന് ചെ​റു​ബോ​ട്ടി​ൽ ദ്വീ​പി​ലേ​ക്കു​ള്ള യാ​ത്ര ത​ന്നെ ഒ​ര​നു​ഭ​വ​മാ​ണ്. കാ​ക്ക​ത്തു​രു​ത്ത് വെ​റും ഒ​രു വി​നോ​ദ​സ​ഞ്ചാ​ര കേ​ന്ദ്ര​മ​ല്ല, ഗ്രാ​മീ​ണ ജീ​വി​ത​ത്തി​ന്‍റെ ആ​ത്മാ​വി​നെ ഇ​ന്നും ജീ​വ​നോ​ടെ സൂ​ക്ഷി​ക്കു​ന്ന ഒ​രു ദ്വീ​പാ​ണ്. ന​ഗ​ര​ത്തി​ന്‍റെ തി​ര​ക്കു​ക​ളി​ൽനി​ന്ന് മാ​റി​നി​ൽ​ക്കാ​ൻ ആഗ്ര ഹിക്കുന്നവരെ വെ​ള്ള​ത്തി​നു​ള്ളി​ൽ വി​രി​യു​ന്ന അ​തിമ​നോ​ഹ​ര​ ഗ്രാമമായ കാ​ക്ക​ത്തു​രു​ത്ത് കാ​ത്തി​രി​ക്കു​ന്നു.    

Tags : NattuVishasham DistrictNews