തലശേരി: സ്ത്രീ പീഡനക്കേസിൽ ജാമ്യത്തിലിറങ്ങി പത്തുവർഷമായി ഒളിവിൽ കഴിഞ്ഞു വന്ന പ്രതി അറസ്റ്റിൽ. കൊല്ലം ജില്ലയിലെ പെരഞ്ഞാട് പെരിമൺ സ്വദേശി അഷറഫിനെയാണ് (47) തലശേരി എസ്എച്ച്ഒ പ്രജീഷിന്റെ നേതൃത്വത്തിലുള്ള പോലീസ് സംഘം അറസ്റ്റ് ചെയ്തത്.
എറണാകുളത്ത് വച്ചാണ് ഇയാൾ പിടിയിലായത്. മാട്രിമോണിയൽ സൈറ്റിലൂടെ പരിചയപ്പെട്ട തലശേരി സ്വദേശിനിയായ 28 കാരിയെ വിവാഹ വാഗ്ദാനം ചെയ്ത് പീഡിപ്പിച്ച കേസിൽ ജാമ്യത്തിലിറങ്ങി മുങ്ങുകയായിരുന്നു.
2016 ലായിരുന്നു കേസിനാസ്പദമായ സംഭവം. എസ്ഐ കെ. അശ്വതി, എഎസ്പി യുടെ ക്രൈം സ്ക്വാഡിലെ എസ്ഐ എം.പി. പി സൈഫുദീൻ, പ്രൊബേഷൻ എസ്ഐമാരായ പി.ആർ. രഞ്ജിത്ത്, ഗിരിലാൽ, സീനിയർ സിവിൽ പോലീസ് ഓഫിസർ, നിധീഷ് ആലക്കണ്ടി എന്നിവരടങ്ങിയ സംഘമാണ് പ്രതിയെ അറസ്റ്റ് ചെയ്തത്.
Tags : nattu vishesham Accused who went missing after