14

അഭിമാനകരമായ വിധി

വീ​ട്ട​മ്മ​മാ​രു​ടെ അ​ധ്വാ​ന​ത്തി​ന് സാ​ന്പ​ത്തി​ക​മൂ​ല്യം ക​ൽ​പ്പി​ച്ച സു​പ്രീം​കോ​ട​തി​യു​ടെ വി​ധി എ​ല്ലാ സ്ത്രീ​ക​ൾ​ക്കും അ​ഭി​മാ​ന​കര​മാ​ണ്. ‘രാ​ഷ്ട്ര​ശി​ല്പി​ക​ൾ’ എ​ന്ന വി​ശേ​ഷ​ണം വീ​ട്ട​മ്മ​മാ​രു​ടെ യ​ഥാ​ർ​ഥ പ​ങ്കി​നെ സ​മൂ​ഹ​ത്തി​നു​മു​ന്നി​ൽ എ​ത്തി​ച്ചി​രിക്കു​ക​യാ​ണ്. ഈ ​ച​രി​ത്ര​പ​ര​മാ​യ തീ​രു​മാ​ന​ത്തെ ഹൃ​ദ​യംനി​റ​ഞ്ഞ് സ്വാ​ഗ​തം ചെ​യ്യു​ന്നു.

മിനി ഗോപൻ , അധ്യാപിക, വരാക്കര ഗുരുദേവ പബ്ലിക് സ്കൂൾ

വീട്ടുവേലക്കാരെന്ന ധാരണ മാറണം

സു​പ്രീം​കോ​ട​തി​യു​ടെ സു​പ്ര​ധാ​ന​വി​ധി​യി​ൽ സ്ത്രീ ​എ​ന്ന നി​ല​യി​ൽ അ​ഭി​മാ​നം. വീ​ട്ട​മ്മ​മാ​രു​ടെ മൂ​ല്യ​ത്തെ എ​ത്ര​ക​ണ്ട് സ​മൂ​ഹം വി​ല​ക​ൽ​പ്പി​ക്കു​ന്നു എ​ന്നൊ​രു വീ​ക്ഷ​ണം​കൂ​ടി ഉ​ണ്ടാ​കേ​ണ്ട​തു​ണ്ട്. ഇ​പ്പോ​ഴും വീ​ട്ട​മ്മ​മാ​ർ വെ​റും വീ​ട്ടു​വേ​ല​ക്കാ​ർ മാ​ത്ര​മാ​ണെ​ന്ന ധാ​ര​ണ വ​ച്ചു​പു​ല​ർ​ത്തു​ന്ന കു​ടും​ബ​ങ്ങ​ൾ ധാ​രാ​ള​മു​ണ്ട്. ഈ ​ധാ​ര​ണ​ക​ൾ​ക്ക് മാ​റ്റം വ​ര​ണ​മെ​ങ്കി​ൽ ഒ​രു വി​ധി​കൊ​ണ്ട് മാ​ത്രം കാ​ര്യ​മി​ല്ല. സ​മൂ​ഹം അ​ത്ത​രം കാ​ര്യ​ങ്ങ​ൾ ഗൗ​ര​വ​മാ​യി എ​ടു​ക്കേ​ണ്ട​തു​ണ്ട്.

ദീപ സുഷീൽ, അധ്യാപിക, ചെന്നൈ

‌വീ​ട്ടി​ലെ ജോ​ലി തു​ല്യ​മാ​യി ചെ​യ്യു​ന്ന​താ​ണ് അ​ഭി​കാ​മ്യം

വീ​ട്ട​മ്മ​മാ​ർ​ക്ക് മു​പ്പ​തി​നാ​യി​രം രൂ​പ ശ​ന്പ​ളം ക​ണ​ക്കാ​ക്ക​ണ​മെ​ന്ന സു​പ്രീം​കോ​ട​തി​യു​ടെ നി​രീ​ക്ഷ​ണം വ​ള​രെ വ്യ​ത്യ​സ്ത​മാ​യി തോ​ന്നു​ന്നു. പ​ല​പ്പോ​ഴും വീ​ട്ട​മ്മ​മാ​രു​ടെ സേ​വ​ന​ത്തി​ന് വീ​ട്ടി​ലെ മ​റ്റു​ള്ള​വ​ർ മൂ​ല്യം ക​ൽ​പ്പി​ക്കാ​റി​ല്ല. ഇ​തേ ജോ​ലി മ​റ്റൊ​രി​ട​ത്തു ചെ​യ്യു​ന്പോ​ൾ ന​ല്ല ശ​ന്പ​ളം ല​ഭി​ക്കു​ന്നു​മു​ണ്ട്. ഇ​ന്ന​ത്തെ സ്ത്രീ​ക​ൾ ഭൂ​രി​പ​ക്ഷ​വും പു​റ​ത്തു വ​രു​മാ​നം ല​ഭി​ക്കു​ന്ന ജോ​ലി താ​ൽ​പ​ര്യ​പ്പെ​ടു​ന്ന​വ​രാ​ണ്. വീ​ട്ടി​ലെ ജോ​ലി എ​ല്ലാ​വ​രും തു​ല്യ​മാ​യി ചെ​യ്യു​ന്ന​താ​ണ് അ​ഭി​കാ​മ്യം.

ബീ​ന ഡേ​വി​സ്, മു​ൻ മു​നി​സി​പ്പ​ൽ കൗ​ണ്‍​സി​ല​ർ, ചാ​ല​ക്കു​ടി

വീ​ട്ട​മ്മ​മാ​ർ രാ​ഷ്ട്ര​നി​ർ​മി​തി നി​ർ​വ​ഹി​ക്കു​ന്ന​വ​ർ

വീ​ട്ടി​ലി​രി​ക്കു​ന്ന​വ​ർ വെ​റു​തെ​യി​രി​ക്കു​ന്ന​വ​ര​ല്ല എ​ന്ന​ത് ഏ​തു​കാ​ല​ത്തും സാ​മൂ​ഹി​ക​പ്ര​വ​ർ​ത്ത​ക​രും ഫെ​മി​നി​സ്റ്റു​ക​ളും പ​റ​ഞ്ഞി​രു​ന്ന കാ​ര്യ​മാ​ണ്. സു​പ്രീം​കോ​ട​തി ഇ​പ്പോ​ൾ ഇ​തു ക​ണ്ടെ​ത്തി​യ​തി​ൽ വ​ള​രെ സ​ന്തോ​ഷം. വീ​ട്ട​മ്മ​മാ​ർ ഹോം ​മേ​ക്കേ​ഴ്സാ​ണ്. വീ​ടു​ക​ളി​ലൂ​ടെ സ​മൂ​ഹം നി​ർ​മി​ക്കു​ന്ന​വ​ർ. അ​വ​ർ ജി​ഡി​പി വ​ർ​ധി​പ്പി​ക്കു​ന്ന​വ​രാ​ണെ​ന്ന ക​ണ്ടെ​ത്ത​ലും അ​ഭി​മാ​ന​ക​രം. വീ​ട്ട​മ്മ​മാ​രു​ടെ പ​ങ്ക് രാ​ഷ്ട്ര​നി​ർ​മി​തി​ക്കു വേ​ണ്ടി​ക്കൂ​ടി ഉ​ള്ള​താ​ണെ​ന്നു മ​ന​സി​ലാ​ക്കു​ന്ന കോ​ട​തി​ക​ൾ ഉ​ണ്ടാ​കു​ന്നു​വെ​ന്ന​താ​ണ് ഏ​റ്റ​വും അ​ഭി​മാ​ന​ക​രം.

അ​ഡ്വ. കു​ക്കു ദേ​വ​കി, സാ​മൂ​ഹി​ക പ്ര​വ​ർ​ത്ത​ക- തൃ​ശൂ​ർ

വീ​ട്ട​മ്മ​മാ​ർ വെ​റു​തെ ഇ​രി​ക്കു​ന്ന​വ​രെ​ന്ന് ചി​ന്തി​ക്കു​ന്ന സ​മൂ​ഹ​ത്തി​നു​ള്ള അ​ടി

വീ​ട്ട​മ്മ വെ​റും ഹൗ​സ് വൈ​ഫ് അ​ല്ല, രാ​ഷ്ട്ര​നി​ർ​മാ​താ​വാ​ണെ​ന്ന സു​പ്രീം​കോ​ട​തി വി​ധി, കാ​ല​ങ്ങ​ളാ​യി കാ​ണാ​തെ​പോ​യ സ്ത്രീ​ക​ളു​ടെ അ​ധ്വാ​ന​ത്തി​നു​നേ​രെ പി​ടി​ച്ച ക​ണ്ണാ​ടി​യാ​ണ്. അ​വ​രു​ടെ ഇ​ക്കാ​ലം​വ​രെ​യു​ള്ള അ​ധ്വാ​ന​ത്തെ ഈ ​വി​ധി വി​ല​മ​തി​ക്കു​ന്നു. വീ​ട്ട​മ്മ ഒ​രേ​സ​മ​യം പ​ത്തോ​ളം ജോ​ലി ചെ​യ്യു​ന്നു. പു​റ​ത്ത് ഇ​തി​നെ​ല്ലാം വെ​വ്വേ​റെ ആ​ളെ​വ​ച്ചാ​ൽ മാ​സം 50,000 രൂ​പ​യി​ൽ കൂ​ടു​ത​ൽ ന​ൽ​ക​ണം. വീ​ട്ട​മ്മ​മാ​രെ വെ​റു​തെ ഇ​രി​ക്കു​ന്ന​വ​ർ എ​ന്നു കാ​ണു​ന്ന സ​മൂ​ഹ​മ​നോ​ഭാ​വ​ത്തി​നു​ള്ള അ​ടി​യാ​ണ് ഈ ​വി​ധി. സു​പ്രീം കോ​ട​തി​ക്ക് അ​ഭി​വാ​ദ്യ​ങ്ങ​ൾ. ഓ​രോ ഹോം​മേ​ക്ക​ർ​ക്കും ബി​ഗ് സ​ല്യൂ​ട്ട്.

ഇ.​എ. ഹ​വ്വ, കൊ​ടു​ങ്ങ​ല്ലൂ​ർ, അ​ധ്യാ​പി​ക, എ​ഴു​ത്തു​കാ​രി, സി​നി​മാ​താ​രം

കു​ടും​ബ​ത്തി​നു​വേ​ണ്ടി​യു​ള്ള അ​ധ്വാ​നം സ്നേ​ഹ​വും ആ​ത്മാ​ർ​ഥ​ത​യും കൊ​ണ്ട്

സു​പ്രീം കോ​ട​തി​വി​ധി സ​ന്തോ​ഷം പ​ക​രു​ന്ന ഒ​ന്നാ​ണ്. ഒ​രു വീ​ട്ട​മ്മ​യു​ടെ സാ​ങ്ക​ൽ​പ്പി​ക​വ​രു​മാ​നം മു​പ്പ​തി​നാ​യി​രം രൂ​പ എ​ന്നു പ​റ​യു​ന്പോ​ൾ അ​തൊ​രി​ക്ക​ലും നി​ർ​ബ​ന്ധ​മാ​യി പി​ടി​ച്ചു​വാ​ങ്ങാ​നാ​വി​ല്ല. വീ​ട്ട​മ്മ​യു​ടെ അ​ധ്വാ​ന​ത്തി​ന് ഇ​ത്ര​യും വി​ല ഉ​ണ്ടെ​ന്നു​ള്ള​തു സ​മൂ​ഹം ഇ​നി​യും അം​ഗീ​ക​രി​ക്ക​ണ​മെ​ന്നി​ല്ല. എ​ന്നാ​ൽ സ​ത്യ​മ​താ​ണ്. ഒ​രു വീ​ട്ട​മ്മ ത​ന്‍റെ കു​ടും​ബ​ത്തി​നു​വേ​ണ്ടി രാ​പ്പ​ക​ൽ ന​ട​ത്തു​ന്ന അ​ധ്വാ​നം സ്നേ​ഹ​വും ആ​ത്മാ​ർ​ഥ​ത​യും കൊ​ണ്ടാ​ണ്. അ​തി​നെ ആ​രും വി​ല​മ​തി​ക്കാ​റി​ല്ല.

ശ്രീ​ക​ല ഷാ​ജു, ഒ​ല്ലൂ​ർ

വീ​ട്ട​മ്മ​യു​ടെ അ​ധ്വാ​ന​ത്തെ​യും സ​മ​ർ​പ്പ​ണ​ത്തെ​യും അം​ഗീ​ക​രി​ക്ക​ണം
വീ​ട്ട​മ്മ​മാ​ർ ചെ​യ്യു​ന്ന സേ​വ​ന​ങ്ങ​ൾ പ്ര​തി​ഫ​ലം

ല​ഭി​ക്കാ​ത്ത​വ​യാ​ണെ​ങ്കി​ലും മൂ​ല്യം അ​ള​ക്കാ​നാ​വാ​ത്ത​താ​ണ്. ഒ​രു കു​ടും​ബ​ത്തി​ന്‍റെ സ​ന്തോ​ഷ​ത്തി​നും സു​ര​ക്ഷ​യ്ക്കും അ​ടി​ത്ത​റ പാ​കു​ന്ന​തും ഭാ​വി​ത​ല​മു​റ​യെ വ​ള​ർ​ത്തി​യെ​ടു​ക്കു​ന്ന​തും അ​വ​രു​ടെ അ​ക്ഷീ​ണ​മാ​യ പ​രി​ശ്ര​മ​മാ​ണ്. അ​തു​കൊ​ണ്ടു​ത​ന്നെ രാ​ഷ്ട്ര​നി​ർ​മ്മാ​ണ​ത്തി​ലും കു​ടും​ബ​ക്ഷേ​മ​ത്തി​ലും വീ​ട്ട​മ്മ​മാ​ർ വ​ഹി​ക്കു​ന്ന പ​ങ്ക് നി​ർ​ണാ​യ​ക​മാ​ണ്. അ​വ​രു​ടെ അ​ധ്വാ​ന​ത്തി​നും സ​മ​ർ​പ്പ​ണ​ത്തി​നും സ​മൂ​ഹം അ​ർ​ഹി​ക്കു​ന്ന അം​ഗീ​കാ​ര​വും ബ​ഹു​മാ​ന​വും ന​ൽ​കേ​ണ്ട സ​മ​യ​മാ​ണി​ത്.
വി​ദ്യ ര​മേ​ഷ്, വൈ​സ് പ്ര​സി​ഡ​ന്‍റ്, ചേ​ർ​പ്പ് ഗ്രാ​മ​പ​ഞ്ചാ​യ​ത്ത്.

വീ​ട്ട​മ്മ​മാ​ർ​ക്ക് സ​ർ​ക്കാ​ർ പാ​രി​തോ​ഷി​കം പ​രി​ഗ​ണി​ക്ക​ണം

സു​പ്രീ​കോ​ട​തി​യു​ടെ നി​രീ​ക്ഷ​ണ​വും വി​ധി​യും ച​രി​ത്ര​മാ​ണ്. അ​തി​രാ​വി​ലെ മു​ത​ൽ രാ​ത്രി വ​രെ സ്വ​ന്തം കു​ടും​ബ​ത്തി​നു​വേ​ണ്ടി കൂ​ലി​യി​ല്ലാ​പ്പ​ണി​യെ​ടു​ക്കു​ന്ന വീ​ട്ട​മ്മ​യെ​ന്ന വേ​ല​ക്കാ​രി​യു​ടെ സേ​വ​നം ആ​രും തി​രി​ച്ച​റി​യാ​റി​ല്ല. അ​വ​രാ​ണു ശ​രി​ക്കും ഹൗ​സ് മേ​ക്ക​ർ. അ​തു കോ​ട​തി തി​രി​ച്ച​റി​ഞ്ഞു, സ​ർ​ക്കാ​രും ക​ണ്ട​റി​യ​ണം. വീ​ട്ടു​പ​ണി​ചെ​യ്യു​ന്ന കു​ടും​ബ​നാ​ഥ​ക​ൾ​ക്ക് പാ​രി​തോ​ഷി​കം ന​ൽ​കു​ന്ന കാ​ര്യം സ​ർ​ക്കാ​ർ പ​രി​ഗ​ണി​ക്ക​ണം.

പി.​വി. എ​ൽ​സി പാ​ല​യൂ​ർ, ഒ​രു​മ​ന​യൂ​ർ.

‌പ​ര​സ്പ​ര​ബ​ഹു​മാ​നം വ​ർ​ധി​ക്കും

പു​റ​ത്തു​ള്ള ഏ​തു ജോ​ലി​യെ​ക്കാ​ളും ഉ​ത്ത​ര​വാ​ദി​ത്വ​വും ക​ഷ്ട​പ്പാ​ടു​മാ​ണ് കു​ട്ടി​ക​ളെ വ​ള​ർ​ത്തു​ന്ന​തും കു​ടും​ബം​നോ​ക്കു​ന്ന​തും. ഒ​രു വി​ഭാ​ഗം സ​മൂ​ഹം ഇ​ന്നി​തു മ​ന​സി​ലാ​ക്കി വി​ല​മ​തി​ക്കു​ന്നു. മാ​റാ​തി​രി​ക്കു​ന്ന​വ​ർ​ക്ക് ഓ​ർ​മ​പ്പെ​ടു​ത്ത​ലാ​ണ് സു​പ്രീം​കോ​ട​തി വി​ധി. വ​ർ​ഷ​ങ്ങ​ളാ​യി ത​ങ്ങ​ൾ ചെ​യ്യു​ന്ന അ​ധ്വാ​ന​ത്തി​ന് നി​യ​മ​പ​ര​മാ​യ അം​ഗീ​കാ​രം ല​ഭി​ക്കു​ന്ന​ത് വ​ലി​യ ആ​ശ്വാ​സ​മാ​ണ്. പ​ണ​ത്തി​ന​പ്പു​റം വീ​ട്ട​മ്മ​മാ​രു​ടെ അ​ന്ത​സ് ഉ​യ​ർ​ത്തു​ന്ന ഒ​ന്നാ​ണി​ത്. സു​പ്രീം കോ​ട​തി നി​രീ​ക്ഷ​ണം ഗാ​ർ​ഹി​ക​ജോ​ലി​ക​ൾ പ​ങ്കു​വ​യ്ക്കാ​നും പ​ര​സ്പ​ര​ബ​ഹു​മാ​നം വ​ർ​ധി​പ്പി​ക്കാ​നും സ​ഹാ​യി​ക്കും.

സി​ജി ജോ​സ് ഒ​ല്ലൂ​ർ, അ​വ​താ​ര​ക

എ​ല്ലാജോ​ലി​ക്കും മൂ​ല്യം

പു​രു​ഷ​ൻ അ​ധ്വാ​നി​ച്ചു​വ​രു​ന്പോ​ൾ സ്ത്രീ ​വീ​ട്ടി​നു​ള്ളി​ൽ വെ​റു​തെ ഇ​രി​ക്കു​ന്നു എ​ന്ന പ​തി​വു​ചൊ​ല്ലി​നെ​യാ​ണ് സു​പ്രീം​കോ​ട​തി തി​രു​ത്തി​യി​രി​ക്കു​ന്ന​ത്. സ്ത്രീ ​രാ​വ​ന്തി​യോ​ളം വീ​ട്ടി​നു​ള്ളി​ലെ ജോ​ലി ചെ​യ്താ​ലെ പു​രു​ഷ​വ​ർ​ഗ​ത്തി​ന് അ​വ​ന്‍റെ നി​ത്യേ​ന​യു​ള്ള കാ​ര്യ​ങ്ങ​ൾ ന​ട​ന്നു​കി​ട്ടൂ. സു​പ്രീം​കോ​ട​തി വി​ധി തി​ക​ച്ചും സ്വാ​ഗ​ത​ർ​ഹം. എ​ല്ലാ ജോ​ലി​ക്കും അ​തി​ന്‍റെ​താ​യ മൂ​ല്യം ഉ​ണ്ടെ​ന്ന് ഈ ​വി​ധി​യി​ലൂ​ടെ സ​മൂ​ഹ​ത്തി​നു മ​ന​സി​ലാ​ക്കി​ക്കൊ​ടു​ക്കാ​ൻ സാ​ധി​ച്ച സു​പ്രീം​കോ​ട​തി​ക്ക് അ​ഭി​ന​ന്ദ​ന​ങ്ങ​ൾ.

സോ​ണി​യ ജെ​യിം​സ്, മാ​ള

സ​മൂ​ഹ​ത്തി​ന്‍റെ ക​ണ്ണു​തു​റ​പ്പി​ക്കും

സ്ത്രീ​ക​ളു​ടെ സാ​ങ്ക​ല്പി​ക പ്ര​തി​മാ​സ​പ്ര​തി​ഫ​ലം 30,000 രൂ​പ​യാ​യി പ്ര​ഖ്യാ​പി​ച്ച സു​പ്രീം കോ​ട​തി വി​ധി പൊ​തു​സ​മൂ​ഹ​ത്തി​ന്‍റെ ക​ണ്ണു​തു​റ​പ്പി​ക്കു​ന്ന​താ​ണ്. പ്ര​ഭാ​തം മു​ത​ൽ പ്ര​ദോ​ഷം വ​രെ സ്ത്രീ ​ചെ​യ്തു​കൂ​ട്ടു​ന്ന ഗാ​ർ​ഹി​ക​ജോ​ലി​ക​ളു​ടെ മ​ഹ​ത്വം ക​ണ​ക്കി​ലെ​ടു​ക്കാ​ൻ ഇ​തു​വ​രെ ആ​രും മു​തി​ർ​ന്നി​ട്ടി​ല്ല. സു​പ്രീം​കോ​ട​തി വി​ധി​യി​ലൂ​ടെ കേ​വ​ലം അ​പ​ക​ട​ത്തി​ൽ മ​രി​ച്ച ഒ​രു സ്ത്രീ​യു​ടെ ന​ഷ്ട​പ​രി​ഹാ​ര​ത്തി​ന്ന​പ്പു​റം കു​ടും​ബ​പ​രി​പാ​ല​നം രാ​ഷ്ട്ര​നി​ർ​മി​തി​യാ​ണെ​ന്ന സു​പ്രീം​കോ​ട​തി​യു​ടെ കാ​ഴ്ച​പാ​ട് അ​ഭി​ന​ന്ദ​നാ​ർ​ഹം ത​ന്നെ.

കെ.​എ. ബ​ർ​ണാ​ഡീ​ത്ത, റി​ട്ട. പ്ര​ധാ​നാ​ധ്യാ​പി​ക, എ​യു​പി സ്കൂ​ൾ, ഗു​രു​വാ​യൂ​ർ.

പു​രു​ഷാ​ധി​പ​ത്യത്തിനുള്ള മ​റു​പ​ടി​

ജോ​ലി​സ്ഥ​ല​ത്തെ​യും വീ​ടി​നെ​യും ഒ​രു​പോ​ലെ ബാ​ല​ൻ​സ് ചെ​യ്യാ​ൻ ശ്ര​മി​ക്കു​ന്ന ഞ​ങ്ങ​ൾ​ക്ക് ഏ​റെ അ​ഭി​മാ​ന​ക​ര​മാ​ണ് സു​പ്രീം​കോ​ട​തി പ​രാ​മ​ർ​ശം. ശ​ന്പ​ള​ച്ചീ​ട്ടു​ക​ളി​ലോ ഒൗ​ദ്യോ​ഗി​ക​രേ​ഖ​ക​ളി​ലോ രേ​ഖ​പ്പെ​ടു​ത്ത​പ്പെ​ടാ​ത്ത അ​നേ​കം ജോ​ലി​ക​ളു​ടെ ആ​കെ​ത്തു​ക​യാ​ണു വീ​ട്ട​മ്മ​യു​ടെ ഒ​രു ദി​വ​സം. ഒ​രു വീ​ടി​ന്‍റെ ചു​മ​രു​ക​ൾ​ക്കു​ള്ളി​ൽ നി​ശ​ബ്ദ​മാ​യി വെ​ന്ത​മ​ർ​ന്ന് തീ​രു​ന്ന​വ​രു​ടെ അ​ധ്വാ​ന​ത്തി​നു സ​മൂ​ഹം ന​ൽ​കു​ന്ന അം​ഗീ​കാ​ര​മാ​യാ​ണ് ഈ ​വി​ധി​യെ ഞാ​ൻ കാ​ണു​ന്ന​ത്. വീ​ട്ട​മ്മ​മാ​രു​ടെ ആ​ത്മാ​ഭി​മാ​ന​ത്തി​നും അ​ർ​ഹ​മാ​യ സാ​മൂ​ഹി​ക അം​ഗീ​കാ​ര​ത്തി​നും ന​ൽ​കു​ന്ന ശ​ക്ത​മാ​യ സ​ന്ദേ​ശ​വും വീ​ട്ട​ക​ങ്ങ​ളി​ലെ "നീ ഇ​വി​ടെ എ​ന്താ​ടീ ചെ​യ്യ​ണേ’ എ​ന്ന പു​രു​ഷാ​ധി​പ​ത്യ ചോ​ദ്യ​ങ്ങ​ൾ​ക്കു​ള്ള മ​റു​പ​ടികൂ​ടി​യാ​ണി​ത്.

ശ്രീ​ജ വി​ധു കൊ​ര​ട്ടി,അ​ധ്യാ​പി​ക, എ​ഴു​ത്തു​കാ​രി.

ആ​ശ്രി​ത​രായി ത​ഴ​യാ​നാ​കി​ല്ല

വീ​ടി​ന്‍റെ നെ​ടു​ന്തൂ​ണു​ക​ൾ ആ​ണ് വീ​ട്ട​മ​മാ​ർ. അ​മ്മ​യി​ല്ലാ​ത്ത വീ​ട് ശൂ​ന്യ​മാ​ണ്. ഇ​ന്ന​ത്തെ രാ​ഷ്ട്ര​ത്തി​ന്‍റെ നി​ർ​മി​തി​ക്കു പു​രു​ഷ​നൊ​ത്ത് സ്ത്രീ​ക​ളും വ​ലി​യ പ​ങ്കു​വ​ഹി​ക്കു​ന്നു​ണ്ട്. അ​തു​കൊ​ണ്ടു​ത​ന്നെ ആ​ശ്രി​ത​ർ എ​ന്നു ക​ണ​ക്കാ​ക്കി വീ​ട്ട​മ്മ​മാ​രെ ത​ഴ​യാ​നാ​കി​ല്ല. അ​വ​ർ​ക്കും തു​ല്യ ന​ഷ്ട​പ​രി​ഹാ​രം ല​ഭി​ക്ക​ണം. വി​ധി​യെ മാ​നി​ക്കു​ന്നു, സ്വാ​ഗ​താ​ർ​ഹം ചെ​യ്യു​ന്നു.

റോ​സി​ലി ജോ​യ്, പ്ര​സി​ഡ​ന്‍റ്, അ​വി​ണി​ശേ​രി ഗ്രാ​മ​പ​ഞ്ചാ​യ​ത്ത്.

അ​ധ്വാ​ന​ത്തി​നു​ള്ള അം​ഗീ​കാ​രം

‌വീ​ട്ട​മ്മ​മാ​രു​ടെ സേ​വ​ന​ത്തി​നു പ്ര​തി​മാ​സം ചു​രു​ങ്ങി​യ​ത് 30,000 രൂ​പ വി​ല ക​ൽ​പ്പി​ച്ച സു​പ്രീം​കോ​ട​തി വി​ധി സ്വാ​ഗ​താ​ർ​ഹ​മാ​ണ്. ‘വീ​ടി​ന്‍റെ പ​രി​പാ​ല​നം രാ​ഷ്ട്ര​പ​രി​പാ​ല​ന​മാ​ണ് ’ എ​ന്ന കോ​ട​തി​ നി​രീ​ക്ഷ​ണം പ​തി​റ്റാ​ണ്ടു​ക​ളാ​യി ശ​ന്പ​ള​മി​ല്ലാ​തെ അ​ധ്വാ​നി​ക്കു​ന്ന സ്ത്രീ​ക​ൾ​ക്ക് ല​ഭി​ക്കു​ന്ന ഏ​റ്റ​വും വ​ലി​യ അം​ഗീ​കാ​ര​മാ​ണ്. വീ​ട് മേ​ക്ക് ചെ​യ്യു​ന്ന​വ​ളാ​ണു സ്ത്രീ.

​നെ​ജു ഇ​സ്മ​യി​ൽ കൊ​ടു​ങ്ങ​ല്ലൂ​ർ - സ്ത്രീ​കൂ​ട്ടാ​യ്മ

പൗരന്മാരെ വാ​ർ​ത്തെ​ടു​ക്കു​ന്ന​വർ 

സു​പ്രീം​കോ​ട​തി വി​ധി​യി​ലൂ​ടെ വീ​ട്ട​മ്മ എ​ന്ന മൂ​ല്യ​മി​ല്ലാ​ത്ത വാ​ക്കി​ൽ​നി​ന്ന് രാ​ഷ്ട്ര​നി​ർ​മ്മാ​താ​വ് എ​ന്ന നി​ല​യി​ലേ​ക്കു ന​മ്മ​ൾ എ​ത്തി​യി​രി​ക്കു​ന്നു. രാ​ഷ്ട്ര​നി​ർ​മാ​ണ​ത്തി​ൽ പൗരന്‍മാരെ വാ​ർ​ത്തെ​ടു​ക്കു​ന്ന​തു വീ​ട്ട​മ്മ​മാ​ർ ത​ന്നെ​യാ​ണ്. ഒ​രു കു​ടും​ബ​ത്തി​ലെ മു​ഴു​വ​ൻ കാ​ര്യ​ങ്ങ​ളും നോ​ക്കി​ന​ട​ത്തു​ന്ന​വ​രോ​ട് എ​ന്താ ജോ​ലി എ​ന്നു ചോ​ദി​ച്ചാ​ൽ വെ​റു​തെ ഇ​രി​ക്കു​ക​യാ​ണെ​ന്നാ​ണു മ​റു​പ​ടി. പു​ല​ർ​ച്ചെ മു​ത​ൽ രാ​ത്രി ഉ​റ​ങ്ങും​വ​രെ ജോ​ലി ചെ​യ്യു​ന്ന ഓ​രോ വീ​ട്ട​മ്മ​യ്ക്കും ഈ ​വി​ധി അ​ഭി​മാ​ന​വും സ​ന്തോ​ഷ​വും ത​രു​ന്ന​താ​ണ്.

സ്മി​ത സു​കു​മാ​ര​ൻ - അ​ധ്യാ​പി​ക,  പ​ഴ​യ​ന്നൂ​ർ ബ്ലോ​ക്ക് പ​ഞ്ചാ​യ​ത്തം​ഗം,

ആ​ത്മ​വി​ശ്വാ​സം ന​ൽ​കു​ന്നത്

സുപ്രീം​കോ​ട​തി​യു​ടെ വി​ധി​യെ ഏ​റെ സ​ന്തോ​ഷ​ത്തോ​ടെ സ്വാ​ഗ​തം ചെ​യ്യു​ന്നു. ആ​ധു​നി​ക​സ​മൂ​ഹ​ത്തി​ൽ ജോ​ലി ഉ​ള്ള​വ​രെ​ന്നും ഇ​ല്ലാ​ത്ത​വ​രെ​ന്നു​മു​ള്ള വേ​ർ​തി​രി​വ് പ​ല​പ്പോ​ഴും വീ​ട്ട​മ്മ​മാ​രെ മാ​ന​സി​ക​മാ​യി ത​ള​ർ​ത്താ​റു​ണ്ട്. പ​ല​പ്പോ​ഴും അ​വ​രു​ടെ ജീ​വി​ത​സാ​ഹ​ച​ര്യ​ങ്ങ​ളാ​ണു ജോ​ലി​ക്കു പോ​കാ​ൻ ത​ട​സം നി​ൽ​ക്കു​ന്ന​തെ​ന്ന യാ​ഥാ​ർ​ഥ്യം പ​ല​രും തി​രി​ച്ച​റി​യാ​റി​ല്ല. 

ഗ്രേ​സി എം. ​പോ​ൾ, റി​ട്ട. ബ്രി​ഗേ​ഡി​യ​ർ, പ​ട്ടി​ക്കാ​ട്  

ഭാ​ര്യ​ക്ക് ജോ​ലി​യി​ല്ല എ​ന്ന വ​ർ​ത്ത​മാ​നം അ​വ​സാ​നി​ക്ക​ണം

മി​ക്ക​വാ​റും ഒ​രു സാ​ധാ​ര​ണ വീ​ട്ട​മ്മ​യു​ടെ ജോ​ലി​സ​മ​യം പ​തി​നെ​ട്ടു മ​ണി​ക്കൂ​ർ ആ​യി​രി​ക്കും. അ​വ​ർ ഒ​രു പ്ര​ത്യേ​ക ജോ​ലി അ​ല്ല​ല്ലോ ചെ​യ്യു​ന്ന​ത്. തൊ​ഴി​ൽ​വൈ​ദ​ഗ്ധ്യം ഇ​ല്ലാ​ത്ത ജോ​ലി​ക്കാ​ർ​ക്കു​പോ​ലും എ​ട്ടു മ​ണി​ക്കൂ​ർ ജോ​ലി​ക്ക് ഇ​പ്പോ​ൾ ദി​വ​സം 1300 രൂ​പ കൊ​ടു​ക്ക​ണം. അ​ങ്ങ​നെ നോ​ക്കു​ന്പോ​ൾ വീ​ട്ട​മ്മ​യു​ടെ പ​തി​നെ​ട്ട് മ​ണി​ക്കൂ​ർ ജോ​ലി​ക്ക് ദി​വ​സ​ത്തി​ൽ ആ​യി​രം രൂ​പ വ​ള​രെ കു​റ​ഞ്ഞ വേ​ത​ന​മാ​ണ്. സ്ത്രീ​ക​ളു​ടെ വീ​ട്ടു​ജോ​ലി​ക്ക് മൂ​ല്യ​മു​ണ്ടെ​ന്നു സു​പ്രീ​കോ​ട​തി പ​രാ​മ​ർ​ശി​ച്ച​തി​ലും അ​വ​രെ രാ​ഷ്ട്ര​നി​ർ​മ്മാ​താ​ക്ക​ളെ​ന്നു ബ​ഹു​മാ​നി​ച്ച​തി​ലും സ​ന്തോ​ഷ​മു​ണ്ട്. സ്ത്രീ​ക​ളു​ടെ വേ​ത​ന​മി​ല്ലാ​ത്ത, നി​ര​ന്ത​ര​ജോ​ലി​ക​ളെ​ക്കു​റി​ച്ച് അ​നു​ഭാ​വ​പൂ​ർ​ണ​മാ​യ രേ​ഖ​പ്പെ​ടു​ത്ത​ൽ ബോ​ധ​പൂ​ർ​വം ഉ​ണ്ടാ​ക​ണം. വീ​ട്ടു​ജോ​ലി അ​ന്ത​സ് കു​റ​ഞ്ഞ ഏ​ർ​പ്പാ​ടാ​ണെ​ന്ന വി​ചാ​രം ഇ​ല്ലാ​തി​രി​ക്കാ​ൻ അ​തു സ​ഹാ​യി​ക്കും. ഭാ​ര്യ​ക്ക് ജോ​ലി​യി​ല്ല എ​ന്ന വ​ർ​ത്ത​മാ​നം അ​വ​സാ​നി​ക്കേ​ണ്ട​ത് അ​ത്യാ​വ​ശ്യ​മാ​ണ്.

എ​ച്ച്മു​ക്കു​ട്ടി, എ​ഴു​ത്തു​കാ​രി.

Tags : Supreme Court history Nattuvishesham District News