കൊട്ടിയൂർ: കൊട്ടിയൂർ വൈശാഖ മഹോത്സവത്തോടനുബന്ധിച്ച് യൂത്ത് കെയർ ജില്ലാ കമ്മിറ്റിയുടെ നേതൃത്വത്തിൽ ഉത്സവനഗരിയിൽ വിപുലമായ ശുചീകരണ പ്രവർത്തനം നടത്തി. തുടർച്ചയായ മൂന്നാം വർഷമാണ് യൂത്ത് കെയർ പ്രവർത്തകർ ഉത്സവകാലത്ത് ശുചീകരണ ദൗത്യം ഏറ്റെടുക്കുന്നത്.
ഇക്കരെ കൊട്ടിയൂർ, അക്കരെ കൊട്ടിയൂർ എന്നിവിടങ്ങളിലെ വിവിധ ഭാഗങ്ങളിലായി പ്രവർത്തകർ ശുചീകരണം നടത്തി. ശുചീകരണ പ്രവർത്തനം രണ്ടുദിവസത്തേക്കുകൂടി ദീർഘിപ്പിക്കുമെന്ന് ഭാരവാഹികൾ അറിയിച്ചു.
ശുചീകരണ പ്രവർത്തനങ്ങൾ ജില്ല പഞ്ചായത്തംഗം ജയ്സൺ കാരക്കാട്ട് ഉദ്ഘടനം ചെയ്തു. യൂത്ത് കോൺഗ്രസ് ജില്ല പ്രസിഡന്റ് വിജിൽ മോഹനൻ അധ്യക്ഷത വഹിച്ചു. സംസ്ഥാന സെക്രട്ടറി വി.പി. അബ്ദുൾ റഷീദ്, മഹിത മോഹൻ, അശ്വിൻ മകുകോത്ത്, മിഥുൻ മാറോളി, നിധിൻ നടുവനാട്, പ്രിൻസ് പി ജോർജ്, ജിനീഷ് ചെമ്പേരി എന്നിവർ പ്രസംഗിച്ചു.