11

വ​യ​നാട് കള്ളാടി-​മേ​പ്പാ​ടി ഇ​ര​ട്ട​ത്തു​ര​ങ്ക പ​ദ്ധ​തി പ്ര​ദേ​ശ​ത്തു​ണ്ടാ​യ ദുരന്തത്തിന്‍റെ ഞെട്ടൽ വിട്ടുമാറിയിട്ടില്ല. ഇ​തു​വ​രെ ഏഴു പേ​ർ മ​രി​ച്ച​താ​യി സ്ഥി​രീ​ക​രി​ച്ചു. ഇപ്പോഴും തെരച്ചിൽ തുടരുകയാണ്. ആ​ധു​നി​ക മ​നു​ഷ്യ​നു നി​ര​വ​ധി തു​ര​ങ്ക​ദു​ര​ന്ത​ങ്ങ​ൾ നേ​രി​ടേ​ണ്ടി​വ​ന്നി​ട്ടു​ണ്ട്. കാ​ര​ണ​ങ്ങ​ൾ പ​ല​താ​കാം, എ​ന്നാ​ൽ, മ​നു​ഷ്യ​ച​രി​ത്ര​ത്തി​ലെ ക​റു​ത്ത അ​ധ്യാ​യ​ങ്ങ​ളാ​ണ് അ​തെ​ല്ലാം.

2025 ഫെ​ബ്രു​വ​രി​യി​ൽ സം​ഭ​വി​ച്ച തെ​ല​ങ്കാ​ന തു​ര​ങ്ക അ​പ​ക​ടം രാ​ജ്യ​ത്തെ ന​ടു​ക്കു​ന്ന​താ​യി​രു​ന്നു. എ​ട്ടു​പേ​രു​ടെ ജീ​വ​നാ​ണു പൊ​ലി​ഞ്ഞ​ത്. ഉ​ത്ത​രാ​ഖ​ണ്ഡ് സി​ൽ​ക്യാ​ര തു​ര​ങ്ക ദു​ര​ന്തം (2023 ന​വം​ബ​ർ) രാ​ജ്യം ക​ണ്ട മ​റ്റൊ​രു അ​പ​ക​ട​മാ​യി​രു​ന്നു. നിർമാണത്തിലിരുന്ന തു​ര​ങ്കത്തിന്‍റെ ഒരു ഭാഗം തകർന്ന് 41 തൊ​ഴി​ലാ​ളി​ക​ൾ ഉ​ള്ളി​ൽ കു​ടു​ങ്ങു​ക​യാ​യി​രു​ന്നു. പ​തി​നേ​ഴു ദി​വ​സ​ത്തോ​ളം നീ​ണ്ട ക​ഠി​ന​മാ​യ ശ്ര​മ​ങ്ങ​ൾ​ക്കൊ​ടു​വി​ലാണ് റാ​റ്റ്-​ഹോ​ൾ ഖ​ന​ന​ത്തി​ലൂ​ടെ എ​ല്ലാ​വ​രെ​യും സു​ര​ക്ഷി​ത​മാ​യി ര​ക്ഷ​പ്പെ​ടു​ത്തിയത്. ഹി​മാ​ച​ൽ പ്ര​ദേ​ശി​ലെ റാം​പു​ർ തു​ര​ങ്ക അ​പ​ക​ട​വും (2025) വ​ൻ ദു​ര​ന്ത​മാ​യി മാ​റി.

ഹോ​ക്സ് നെ​സ്റ്റ് ട​ണ​ൽ ദു​ര​ന്തം (അ​മേ​രി​ക്ക-1930), സ​ലാം​ഗ് ട​ണ​ൽ ദു​ര​ന്തം (അ​ഫ്ഗാ​നി​സ്ഥാ​ൻ-1982), മോ​ണ്ട് ബ്ലാ​ങ്ക് ട​ണ​ൽ തീ​പി​ടി​ത്തം (ഫ്രാ​ൻ​സ്-​ഇ​റ്റ​ലി അ​തി​ർ​ത്തി-1999), താ​വോ​യാ​ൻ തു​ര​ങ്ക ദു​ര​ന്തം (ചൈ​ന-2020), ഗോ​ട്ട്ഹാ​ർ​ഡ് റോ​ഡ് ട​ണ​ൽ അ​പ​ക​ടം (സ്വി​റ്റ്സ​ർ​ല​ൻ​ഡ്-2001), സാ​സാ​ഗോ ട​ണ​ൽ ത​ക​ർ​ച്ച (ജ​പ്പാ​ൻ-2012) അ​ങ്ങ​നെ എ​ത്ര​യെ​ത്ര ദു​ര​ന്ത​ങ്ങ​ൾ.

എ​ന്നാ​ൽ 2600 വ​ർ​ഷ​മാ​യി​ട്ടും ഒ​രു ദു​ര​ന്തി​നും ഇ​ര​യാ​കാ​തെ ഇ​ന്നും വി​സ്മ​യ​മാ​യി തു​ട​രു​ന്ന ഒ​രു തു​ര​ങ്ക​മു​ണ്ട്, ഹെസക്കിയാ രാ​ജാ​വി​ന്‍റെ തു​ര​ങ്കം അ​ഥ​വാ ശീ​ലോ​ഹ തു​ര​ങ്കം. ഇ​സ്ര​യേ​ലി​ലെ ജറൂ​സലെം ന​ഗ​ര​ത്തി​ൽ നി​ത്യ​വി​സ്മ​യ​മാ​യി സ്ഥി​തി​ചെ​യ്യു​ന്ന, ച​രി​ത്ര​വും വി​ശ്വാ​സ​വും ഇ​ഴ​ചേ​ർ​ന്ന നി​ർ​മി​തി പൗ​രാ​ണി​ക എ​ൻ​ജി​നീ​യ​റിം​ഗി​ന്‍റെ ഉ​ത്ത​മ മാ​തൃ​ക​യാ​ണ്.

ഏ​ക​ദേ​ശം 2600 വ​ർ​ഷം പി​ന്നി​ലേ​ക്കു പോ​ക​ണം. തുരങ്കനിർമാണത്തിന്‍റെ അതിശയിപ്പിക്കുന്ന ചരിത്രമറിയാൻ. ലോ​കം ക​ണ്ട ഏ​റ്റ​വും വ​ലി​യ അ​ധി​നി​വേ​ശ ശ​ക്തി​ക​ളാ​യ അ​സീ​റി​യ​ൻ സാ​മ്രാ​ജ്യം യൂ​ദ​യാ രാ​ജ്യം ല​ക്ഷ്യ​മാ​ക്കി നീ​ങ്ങു​ക​യാ​യി​രു​ന്നു. ത​ങ്ങ​ളു​ടെ പ്ര​ബ​ല​മാ​യ സൈ​ന്യ​വു​മാ​യി അ​സീ​റി​യ​ൻ രാ​ജാ​വ് സെ​ന്നാ​ക്കെ​റി​ബ് ജറൂ​സലെമിന്‍റെ അ​തി​രു​ക​ളി​ൽ ര​ണ്ട് ല​ക്ഷ​ത്തോ​ളം പ​ട​യാ​ളി​ക​ളു​മാ​യി താ​വ​ള​മ​ടി​ച്ച​പ്പോ​ൾ, യൂ​ദ​യാ​യി​ലെ ജ​ന​ങ്ങ​ൾ ഭ​യ​ന്നു​വി​റ​ച്ചു. ന​ഗ​ര​ത്തി​ന്‍റെ പ​ത​നം ഉ​റ​പ്പാ​യ ആ ​ക​റു​ത്ത നാ​ളു​ക​ളി​ൽ, ജറൂ​സലെമിനെ ര​ക്ഷി​ക്കാ​ൻ ഹെസക്കിയാ രാ​ജാ​വ് ന​ട​പ്പാ​ക്കി​യ അ​സാ​ധാ​ര​ണ പ്ര​തി​രോ​ധത​ന്ത്ര​ത്തി​ന്‍റെ ക​ഥ​യാ​ണ് ഇ​ന്ന് പൗ​രാ​ണി​ക ച​രി​ത്ര​ത്തി​ലെ ഏ​റ്റ​വും വ​ലി​യ എ​ൻ​ജി​നീ​യ​റിം​ഗ് അ​ത്ഭു​ത​ങ്ങ​ളി​ലൊ​ന്നാ​യി നി​ല​കൊ​ള്ളു​ന്ന​ത്!

ജറൂ​സലെം ന​ഗ​ര​ത്തി​നു വ​ലി​യ പോ​രാ​യ്മ​യു​ണ്ടാ​യി​രു​ന്നു. അ​വി​ട​ത്തെ പ്ര​ധാ​ന ജ​ല​സ്രോ​ത​സാ​യ, ശീഹോൻ - ന​ഗ​ര​മ​തി​ലു​ക​ൾ​ക്ക് പു​റ​ത്താ​യി​രു​ന്നു. ഒ​രു ഉ​പ​രോ​ധ​മു​ണ്ടാ​യാ​ൽ ന​ഗ​ര​വാ​സി​ക​ൾ​ക്ക് കു​ടി​വെ​ള്ളം മു​ട​ങ്ങും. മാ​ത്ര​മ​ല്ല, ശ​ത്രു​സൈ​ന്യ​ത്തി​ന് ആ​വ​ശ്യ​ത്തി​ന് വെ​ള്ളം ല​ഭി​ക്കു​ക​യും ചെ​യ്യും. ഈ ​പ്ര​തി​സ​ന്ധി മ​റി​ക​ട​ക്കാ​ൻ ഹെസക്കിയാ ശ​ക്ത​മാ​യ തീ​രു​മാ​ന​മെ​ടു​ത്തു. ഉ​റ​വ​യി​ൽ​നി​ന്നു​ള്ള വെ​ള്ളം ന​ഗ​ര​ത്തി​നു​ള്ളി​ലേ​ക്കു തി​രി​ച്ചു​വി​ടു​ക, ഒ​പ്പം ശ​ത്രു​ക്ക​ൾ​ക്ക് വെ​ള്ളം കി​ട്ടാ​ത്ത​വി​ധം പു​റ​ത്തെ ഉ​റ​വ മൂ​ടി​ക്ക​ള​യു​ക. പാ​റ തു​ര​ന്ന് നീ​ണ്ട തു​ര​ങ്കം നി​ർ​മി​ക്കു​ക മാ​ത്ര​മാ​യി​രു​ന്നു ഇ​തി​നു​ള്ള ഏ​ക പോം​വ​ഴി.

പാ​റ തു​ര​ന്നു​ള്ള പ്ര​യാ​ണം
ബൈ​ബി​ളി​ൽ പ്ര​തി​പാ​ദി​ച്ചി​ട്ടു​ള്ള ദൗ​ത്യം, കേ​വ​ലം ഒ​രു ക​ഥ​യ​ല്ലെ​ന്ന് പി​ൽ​ക്കാ​ല​ത്ത് ച​രി​ത്ര​ഗ​വേ​ഷ​ക​ർ ക​ണ്ടെ​ത്തി. ഉ​റ​വ​യു​ടെ ഭാ​ഗ​ത്തു​നി​ന്നും ന​ഗ​ര​ത്തി​ന്‍റെ ഭാ​ഗ​ത്തു​നി​ന്നും എ​ന്നി​ങ്ങ​നെ ര​ണ്ട് സം​ഘം തൊ​ഴി​ലാ​ളി​ക​ൾ ഒ​രേ​സ​മ​യം പാ​റ തു​ര​ന്ന് പ​ര​സ്പ​രം ല​ക്ഷ്യ​മാ​ക്കി യാ​ത്ര തി​രി​ച്ചു. കി​ലോ​മീ​റ്റ​റു​ക​ളോ​ളം പ​ര​ന്നു​കി​ട​ക്കു​ന്ന ക​ഠി​ന​മാ​യ പാ​റ​യ്ക്കു​ള്ളി​ലൂ​ടെ, യാ​തൊ​രു​വി​ധ ആ​ധു​നി​ക ഉ​പ​ര​ണ​ങ്ങ​ളോ, കോ​മ്പ​സോ ഇ​ല്ലാ​തി​രു​ന്ന ആ ​കാ​ല​ത്ത്, ഈ ​ര​ണ്ട് സം​ഘ​ങ്ങ​ളും കൃ​ത്യ​മാ​യി തു​ര​ങ്ക​ത്തി​ന്‍റെ മ​ധ്യ​ഭാ​ഗ​ത്ത് എ​ങ്ങ​നെ ക​ണ്ടു​മു​ട്ടി എ​ന്ന​ത് ഇ​ന്നും ശാ​സ്ത്ര​ലോ​ക​ത്തി​നു മു​ൻ​പി​ൽ നി​ഗൂ​ഢ​ത​യാ​യി തു​ട​രു​ന്നു.

ആ​ധു​നി​ക ക​ണ്ടെ​ത്ത​ലു​ക​ളും അ​ദ്ഭു​ത​ങ്ങ​ളും
നൂ​റ്റാ​ണ്ടു​ക​ളോ​ളം വി​സ്മൃ​തി​യി​ലാ​ണ്ടു​പോ​യ തു​ര​ങ്കം 1838-ൽ ​അ​മേ​രി​ക്ക​ൻ ഗ​വേ​ഷ​ക​നാ​യ എ​ഡ്വേ​ർ​ഡ് റോ​ബി​ൻ​സ​നാ​ണു ക​ണ്ടെ​ത്തു​ന്ന​ത്. തു​ട​ർ​ന്നു​ള്ള പ​ഠ​ന​ങ്ങ​ൾ ശാ​സ്ത്ര​ജ്ഞ​രെ അ​ക്ഷ​രാ​ർ​ഥ​ത്തി​ൽ ഞെ​ട്ടി​ച്ചു​ക​ള​ഞ്ഞു. ക​ഠി​ന​മാ​യ പാ​റ തു​ര​ന്ന് നി​ർ​മി​ച്ച തു​ര​ങ്ക​ത്തി​ന് ഏ​ക​ദേ​ശം 534 മീ​റ്റ​ർ നീ​ള​മു​ണ്ട്!
ഈ ​ച​രി​ത്ര വി​സ്മ​യ​ത്തി​ന് പി​ന്നി​ൽ നി​ര​വ​ധി നി​ഗൂ​ഢ​ത​ക​ളു​ണ്ട്. ഒ​ന്നാ​മ​താ​യി, കാ​റ്റോ വെ​ളി​ച്ച​മോ ക​ട​ക്കാ​ത്ത ഈ ​മ​ല​യ്ക്കു​ള്ളി​ൽ 150 അ​ടി താ​ഴെ തൊ​ഴി​ലാ​ളി​ക​ൾ​ക്കും അ​വ​രു​ടെ വി​ള​ക്കു​ക​ൾ​ക്കും ആ​വ​ശ്യ​മാ​യ ഓ​ക്സി​ജ​ൻ എ​ങ്ങ​നെ ല​ഭി​ച്ചു? ര​ണ്ടാ​മ​താ​യി, ഈ ​തു​ര​ങ്ക​ത്തി​ന്‍റെ തു​ട​ക്കം മു​ത​ൽ ഒ​ടു​ക്കം വ​രെ​യു​ള്ള ഉ​യ​ര​വ്യ​ത്യാ​സം കേ​വ​ലം ഒ​രു അ​ടി മാ​ത്ര​മാ​ണ്! ഇ​ത്ര​യും കൃ​ത്യ​മാ​യ ച​രി​വ് (Gradient) നി​ല​നി​ർ​ത്താ​ൻ ആ​ധു​നി​ക ലെ​വ​ലിം​ഗ് ഉ​പ​ക​ര​ണ​ങ്ങ​ളി​ല്ലാ​തെ അ​വ​ർ​ക്ക് എ​ങ്ങ​നെ സാ​ധി​ച്ചു? തുരങ്കം അവസാനിക്കുന്നിടത്ത് വെള്ളം എത്തിച്ചേരുന്ന കുളത്തിന് ഇന്ന് ശീലോഹാകുളം എന്നാണ് പേര്. ഇതുതന്നെയാണോ പുതിയ നിയമത്തിൽ പറയുന്ന ശീലോഹകുളം എന്നു സംശയമുണ്ട്.

തു​ര​ങ്ക​ത്തി​ന്‍റെ ഭി​ത്തി​യി​ൽ​നി​ന്ന് ക​ണ്ടെ​ത്തി​യ ശീ​ലോ​ഹാ ലി​ഖി​തം പു​രാ​ത​ന ഹീ​ബ്രു ഭാ​ഷ​യി​ലെ ഏ​റ്റ​വും പ്ര​ധാ​ന​പ്പെ​ട്ട തെ​ളി​വു​ക​ളി​ലൊ​ന്നാ​ണ്. തു​ര​ങ്കം പൂ​ർ​ത്തി​യാ​യ നി​മി​ഷ​ത്തി​ലെ തൊ​ഴി​ലാ​ളി​ക​ളു​ടെ ആ​ഹ്ളാ​ദം ഈ ​ശി​ലാ​രേ​ഖ​യി​ൽ വ്യ​ക്ത​മാ​യി വി​വ​രി​ച്ചി​രി​ക്കു​ന്നു. പാ​റ തു​ര​ക്കു​ന്ന​വ​ർ പ​ര​സ്പ​രം ആ​യു​ധ​ങ്ങ​ൾ കൊ​ണ്ട് വെ​ട്ടി​ക്കൊ​ണ്ടി​രു​ന്നു. ഏ​ക​ദേ​ശം 1.4 മീ​റ്റ​ർ മാ​ത്രം തു​ര​ക്കാ​ൻ ബാ​ക്കി​യു​ള്ള​പ്പോ​ൾ, തൊ​ഴി​ലാ​ളി​ക​ൾ പ​ര​സ്പ​രം വി​ളി​ച്ചു. അ​വ​ർ ശ​ബ്ദം കേ​ട്ട ദി​ശ​യി​ലേ​ക്കു തു​ര​ന്ന്, ഒ​ടു​വി​ൽ മ​ധ്യ​ഭാ​ഗ​ത്തു​വ​ച്ച് കൃ​ത്യ​മാ​യി കൂ​ട്ടു​മു​ട്ടി. ​അ​തി​നു​ശേ​ഷം നീ​രു​റ​വ​യി​ൽ നി​ന്നു​ള്ള വെ​ള്ളം കു​ള​ത്തി​ലേ​ക്ക് ഒ​ഴു​കാ​ൻ തു​ട​ങ്ങി. നി​ല​വി​ൽ ശീ​ലോ​ഹാ ലി​ഖി​തം ഇ​സ്താം​ബു​ൾ ആ​ർ​ക്കി​യോ​ള​ജി​ക്ക​ൽ മ്യൂ​സി​യ​ത്തി​ൽ സൂ​ക്ഷി​ച്ചി​രി​ക്കു​ന്നു. 2003-ൽ ​റേ​ഡി​യോ​മെ​ട്രി​ക് പ​രി​ശോ​ധ​ന​യി​ലൂ​ടെ തു​ര​ങ്കം ഹെസക്കിയാ രാ​ജാ​വി​ന്‍റെ കാ​ല​ത്തു​ത​ന്നെ നി​ർ​മി​ച്ച​താ​ണെ​ന്ന് പൂ​ർ​ണ​മാ​യി സ്ഥി​രീ​ക​രി​ച്ചു.

ആ​ത്മീ​യ​സം​വാ​ദ​വും എ​ൻ​ജി​നീ​യ​റിം​ഗും
ച​രി​ത്ര രേ​ഖ​ക​ൾ പ്ര​കാ​രം, അ​സീ​റി​യ​ൻ സൈ​ന്യം ജറൂ​സലെമിനെ ആ​ക്ര​മി​ക്കു​ന്ന​തി​നു തൊ​ട്ടു​മു​മ്പ് ഒ​രു വ​ലി​യ അ​ദ്ഭു​ത​ത്തി​ലൂ​ടെ ന​ശി​ക്കു​ക​യും പി​ൻ​വാ​ങ്ങേ​ണ്ടി​വ​രി​ക​യും ചെ​യ്തു. അ​തി​നാ​ൽ തു​ര​ങ്ക​ത്തി​ന്‍റെ ത​ന്ത്ര​പ​ര​മാ​യ ആ​വ​ശ്യം വ​ന്നി​ല്ല. ത​ന്മൂ​ലം, ദൈ​വ​ത്തി​ൽ പൂ​ർ​ണ​മാ​യി വി​ശ്വ​സി​ക്കാ​തെ സ്വ​ന്തം ബു​ദ്ധി​യി​ൽ പ്ര​തി​രോ​ധം തീ​ർ​ത്ത ഹെസക്കിയായുടെ ന​ട​പ​ടി​യെ പൗ​രാ​ണി​ക യ​ഹൂ​ദ പ​ണ്ഡി​ത​ന്മാ​ർ വി​മ​ർ​ശി​ക്കു​ക​യും, എ​ന്നാ​ൽ രാ​ജാ​വി​ന്‍റെ ദീ​ർ​ഘ​വീ​ക്ഷ​ണ​ത്തെ​യും ക​ഠി​നാ​ധ്വാ​ന​ത്തെ​യും പി​ന്നീ​ട് പ്ര​കീ​ർ​ത്തി​ക്കു​ക​യു​മു​ണ്ടാ​യി.

ഇ​ന്ന് ജറൂ​സലെം സ​ന്ദ​ർ​ശി​ക്കു​ന്ന ഏ​തൊ​രാ​ൾ​ക്കും ഈ ​ച​രി​ത്ര തു​ര​ങ്ക​ത്തി​ലൂ​ടെ കാ​ൽ​മു​ട്ടൊ​പ്പം വെ​ള്ള​ത്തി​ൽ ന​ട​ന്നു നീ​ങ്ങാം. നഗരമതിലുകൾക്കു വെളിയിൽ, ഒഫേൽ എന്നറിയപ്പെടുന്ന വെളിംപ്രദേശത്താണ് തുരങ്കത്തിലേക്കുള്ള പ്രവേശനം. വിലാപമതിൽ ചത്വരത്തിനടുത്ത ചവറ്റുവാതിൽ (Dung Gate) വഴി പുറത്തുകടന്നാണ് പോകേണ്ടത്. ആ​യി​ര​ക്ക​ണ​ക്കി​ന് വ​ർ​ഷ​ങ്ങ​ൾ​ക്ക് മു​മ്പ് തൊ​ഴി​ലാ​ളി​ക​ൾ പാ​റ​യി​ൽ പ​തി​പ്പി​ച്ച കോ​ടാ​ലി​പ്പാ​ടു​ക​ൾ ഇ​ന്നും അ​വി​ടെ കാ​ണാം. ര​ണ്ട് സം​ഘ​ങ്ങ​ൾ പ​ര​സ്പ​രം കൂ​ട്ടി​മു​ട്ടി​യ ആ ​ച​രി​ത്ര​സ​ന്ധി​യി​ൽ നി​ൽ​ക്കു​മ്പോ​ൾ, മ​നു​ഷ്യ​ന്‍റെ നി​ശ്ച​യ​ദാ​ർ​ഢ്യ​ത്തി​ന്‍റെ​യും എ​ൻ​ജി​നീ​യ​റിം​ഗ് വൈ​ഭ​വ​ത്തി​ന്‍റെ​യും ച​രി​ത്ര​സ്മ​ര​ണ​ക​ളി​ലേ​ക്കു സ​ന്ദ​ർ​ശ​ക​രെ കൂ​ട്ടി​ക്കൊ​ണ്ടു​പോ​കും.

Tags : KingHezekiah HezekiahTunnel SiloamTunnel Jerusalem DungGate Exploration Travel Culture