19

കോ​ഴി​ക്കോ​ട്: അ​പ​ക​ട​ക​ര​മാ​യി വാ​ഹ​നം ഓ​ടി​ച്ച് റീ​ല്‍​സ് ഇ​ടു​ന്ന​വ​രെ പൂ​ട്ടാ​ന്‍ മോ​ട്ടോ​ര്‍ വാ​ഹ​ന​വ​കു​പ്പ്. പി​ഴ​യോ​ടൊ​പ്പം ഒ​രു ദി​വ​സം മു​ഴു​വ​ൻ മോ​ട്ടോ​ർ വാ​ഹ​ന വ​കു​പ്പി​ന്‍റെ ക​ടു​ത്ത ക്ലാ​സി​ലും ഇ​രി​ക്കേ​ണ്ടി വ​രും. ഇ​ത്ത​ര​ത്തി​ൽ ക​ഴി​ഞ്ഞ ദി​വ​സ​ങ്ങ​ളി​ലാ​യി നി​ര​വ​ധി പേ​രെ​യാ​ണ് മോ​ട്ടോ​ർ വാ​ഹ​ന​വ​കു​പ്പ് ക്ലാ​സി​ലേ​ക്കു വി​ടു​ന്ന​ത്.

സോ​ഷ്യ​ൽ മീ​ഡി​യ​യി​ൽ ലൈ​ക്കും വ്യൂ​സും വാ​രി​ക്കൂ​ട്ടാ​ൻ നി​യ​മം കൈ​യി​ലെ​ടു​ക്കു​ന്ന​വ​രെ വ​ല​യി​ലാ​ക്കാ​ൻ അ​ത്യാ​ധു​നി​ക ഡി​ജി​റ്റ​ൽ സം​വി​ധാ​ന​ങ്ങ​ളാ​ണു മോ​ട്ടോ​ര്‍ വാ​ഹ​ന വ​കു​പ്പി​ന്‍റെ സൈ​ബ​ര്‍ വിം​ഗ് ഒ​രു​ക്കി​യി​രി​ക്കു​ന്ന​ത്. വ​ണ്ടി​യു​ടെ ന​മ്പ​ർ പ്ലേ​റ്റു​ക​ൾ ഡി​ജി​റ്റ​ലാ​യി പ​രി​ശോ​ധി​ച്ചാ​ണ് ഉ​ട​മ​യെ ക​ണ്ടെ​ത്തു​ന്ന​ത്. റീ​ൽ​സ് ഷൂ​ട്ട് ചെ​യ്ത സ്ഥ​ല​വും പ​ശ്ചാ​ത്ത​ല​വും കൃ​ത്യ​മാ​യി നി​രീ​ക്ഷി​ച്ച് സ്‌​പോ​ട്ട് ഉ​റ​പ്പാ​ക്കും. വീ​ഡി​യോ​യി​ലു​ള്ള കൂ​ട്ടു​കാ​രു​ടെ​യും അ​ഭ്യാ​സ​പ്ര​ക​ട​ന​ത്തി​ന് ഒ​ത്താ​ശ ചെ​യ്യു​ന്ന​വ​രു​ടെ​യും സോ​ഷ്യ​ൽ മീ​ഡി​യ അ​ക്കൗ​ണ്ടു​ക​ൾ വ​ഴി​യാ​ണ് ഇ​വ​രു​ടെ റൂ​ട്ട് മാ​പ്പ് ത​യാ​റാ​ക്കു​ന്ന​ത്.

വ​ണ്ടി​യി​ൽ വ​രു​ത്തി​യ അ​ന​ധി​കൃ​ത രൂ​പ​മാ​റ്റം, റി​യ​ർ വ്യൂ ​മി​റ​റു​ക​ൾ ഊ​രി​മാ​റ്റ​ൽ, നാ​ട് വി​റ​പ്പി​ക്കു​ന്ന സൈ​ല​ൻ​സ​ർ മാ​റ്റ​ൽ തു​ട​ങ്ങി​യ നി​യ​മ​ലം​ഘ​ന​ങ്ങ​ൾ​ക്ക് വ​ലി​യ തു​ക പി​ഴ ഈ​ടാ​ക്കും. റോ​ഡി​ലെ ഇ​ത്ത​രം അ​ഭ്യാ​സ​പ്ര​ക​ട​ന​ങ്ങ​ൾ കാ​ര​ണം ഉ​ണ്ടാ​കു​ന്ന ദാ​രു​ണ​മാ​യ അ​പ​ക​ട​ങ്ങ​ളെ​ക്കു​റി​ച്ചു​ള്ള നെ​ഞ്ചി​ടി​പ്പ് കൂ​ട്ടു​ന്ന വീ​ഡി​യോ പ്ര​ദ​ർ​ശ​ന​വും ഇ​തി​ലു​ണ്ടാ​കും. റോ​ഡി​ലെ ഇ​ത്ത​രം അ​പ​ക​ട​ക​ര​മാ​യ റീ​ൽ​സ് എ​ടു​ക്കു​ന്ന​വ​രി​ൽ ഭൂ​രി​ഭാ​ഗ​വും 19 വ​യ​സ് മു​ത​ൽ 30 വ​യ​സു​വ​രെ​യു​ള്ള യു​വാ​ക്ക​ളാ​ണെ​ന്ന് അ​ധി​കൃ​ത​ർ വ്യ​ക്ത​മാ​ക്കു​ന്നു.

Tags : Dangerous driving reels Motor Vehicle Department's social media