28

മ​ഞ്ചേ​രി: മ​യ​ക്കു​മ​രു​ന്നു വാ​ങ്ങാ​ൻ പ​ണം ന​ൽ​കാ​ത്ത​തി​ന് മാ​താ​പി​താ​ക്ക​ൾ​ക്ക് മ​ക​ന്‍റെ ക്രൂ​ര മ​ർ​ദ​നം. ഗു​രു​ത​ര പ​രി​ക്കേ​റ്റ മാ​താ​വി​നെ മ​ഞ്ചേ​രി സ്വ​കാ​ര്യ ആ​ശു​പ​ത്രി​യി​ൽ പ്ര​വേ​ശി​പ്പി​ച്ചു. സം​ഭ​വ​ത്തി​ൽ മ​ഞ്ചേ​രി മു​ള്ള​മ്പാ​റ വ​രി​യാ​ൽ തെ​ക്കും​പു​റം മു​ഹ്സി​നെ​തി​രേ (31) മ​ഞ്ചേ​രി പോ​ലീ​സ് കേ​സെ​ടു​ത്തു. വെ​ള്ളി​യാ​ഴ്ച രാ​ത്രി വ​രി​യാ​ലി​ലെ വീ​ട്ടി​ലാ​ണ് സം​ഭ​വം.

നേ​ര​ത്തെ മ​യ​ക്കു​മ​രു​ന്നു ക​ട​ത്തി​ന് അ​റ​സ്റ്റി​ലാ​യ മു​ഹ്സി​നെ​തി​രെ പോ​ലീ​സ് കാ​പ്പ ചു​മ​ത്തി​യി​രു​ന്നു. പ​ണം ന​ൽ​കാ​ൻ വി​സ​മ്മ​തി​ച്ച പി​താ​വ് ഉ​സ്മാ​നെ മ​ർ​ദി​ക്കു​ന്ന​ത് ത​ട​യാ​നെ​ത്തി​യ​താ​യി​രു​ന്നു മാ​താ​വ് ബീ​ഗം. മ​ക​ന്‍റെ മ​ർ​ദ​ന​ത്തി​ൽ കൈ​യു​ടെ എ​ല്ല് ഒ​ടി​ഞ്ഞ മാ​താ​വ് അ​യ​ൽ​പ​ക്ക​ത്തെ വീ​ട്ടി​ൽ അ​ഭ​യം പ്രാ​പി​ക്കു​ക​യാ​യി​രു​ന്നു. തു​ട​ർ​ന്ന് പി​താ​വി​ന്‍റെ ഉ​പ​ജീ​വ​ന മാ​ർ​ഗ​മാ​യ ഓ​ട്ടോ​റി​ക്ഷ മു​ഹ്സി​ൻ അ​ടി​ച്ചു ത​ക​ർ​ക്കു​ക​യും ഉ​സ്മാ​ന്‍റെ മൊ​ബൈ​ൽ ഫോ​ണ്‍ എ​റി​ഞ്ഞു​ട​ക്കു​ക​യും ചെ​യ്തു.

നാ​ട്ടു​കാ​ർ ഓ​ടി​ക്കൂ​ടി​യ​തോ​ടെ ര​ക്ഷ​പ്പെ​ട്ട മു​ഹ്സി​ൻ പി​ന്നീ​ട് ആ​ശു​പ​ത്രി​യി​ലെ​ത്തി​യും മാ​താ​വി​നെ ഭീ​ഷ​ണി​പ്പെ​ടു​ത്തി​യ​താ​യി മ​ഞ്ചേ​രി പോ​ലീ​സി​ൽ ന​ൽ​കി​യ പ​രാ​തി​യി​ൽ പ​റ​യു​ന്നു. മ​ഞ്ചേ​രി എ​സ്ഐ അ​ഖി​ൽ​രാ​ജി​ന്‍റെ നേ​തൃ​ത്വ​ത്തി​ലു​ള്ള പോ​ലീ​സ് സം​ഘം ഇ​വ​രു​ടെ വീ​ട്ടി​ലെ​ത്തി മൊ​ഴി രേ​ഖ​പ്പെ​ടു​ത്തി.

മ​യ​ക്കു​മ​രു​ന്ന് ന​ൽ​കി മ​യ​ക്കി വീ​ട്ട​മ്മ​യെ കൂ​ട്ട ബ​ലാ​ത്സം​ഗം ചെ​യ്ത മു​ഹ്സി​ൻ അ​ട​ക്ക​മു​ള്ള മൂ​ന്നു യു​വാ​ക്ക​ളെ 2023 ജ​നു​വ​രി 16ന് ​മ​ഞ്ചേ​രി പോ​ലീ​സ് അ​റ​സ്റ്റ് ചെ​യ്തി​രു​ന്നു. മു​ഹ്സി​ന്‍റെ നേ​തൃ​ത്വ​ത്തി​ലു​ള്ള മ​യ​ക്കു മ​രു​ന്നു മാ​ഫി​യ​യു​ടെ വി​ള​യാ​ട്ടം രൂ​ക്ഷ​മാ​യ​തോ​ടെ നാ​ട്ടു​കാ​ർ പ്ര​ദേ​ശ​ത്ത് ജാ​ഗ്ര​താ സ​മി​തി രൂ​പീ​ക​രി​ച്ച് ബോ​ധ​വ​ത്ക്ക​ര​ണ പ​രി​പാ​ടി​ക​ളും ല​ഹ​രി വി​രു​ദ്ധ റാ​ലി​യും സം​ഘ​ടി​പ്പി​ച്ചി​രു​ന്നു. ഇ​തി​നി​ടെ ജാ​ഗ്ര​ത സ​മി​തി അം​ഗ​ങ്ങ​ളെ വാ​ഹ​ന​മി​ടി​ച്ച് കൊ​ല​പ്പെ​ടു​ത്താ​ൻ ശ്ര​മി​ച്ചു​വെ​ന്ന പ​രാ​തി​യും മു​ഹ്സി​നെ​തി​രെ ഉ​യ​ർ​ന്നി​രു​ന്നു.

Tags : drugs parents beaten son